|
|
بنات أنا تطلع فيني أشياء اخلص من شي ويطلع شي اول شي طلع فيني اكزيما فبطني عالجتها ثم طلع فيني النخاله الورديه خلصت منها طلع فيني ثعلبة برأسي وأنثي بعد انتشرت برأسي كله والحين دمل منتشر بجسمي يطلع احمر حييييل ومن تنبط يصير مكانها اسود حييييل كل هذا بشهرين تقريبا سويت تحليل شامل كل شي سليم بس قالي الدم شوي ضعيف والمناعة شوي نازله والله تعبت ونفسي تي تعبت
الحمد الله والشكر لله
اسمعيه والله عجييب
يمكن هالاعراض سببها عين او شي ثاني
الله يشافيج ويبعد عنج شر الامراض
داومي ع الرقيه حبيبتي
شبكة الشفاء الاسلاميه
واسمعي للرقيه
حاولي تهدين نفسج بالقران حبيبتي
عليج بالعسل و قراءة القران
قولي لي شنو صار قبل شهرين (اي حدث يضيق الخلق ويزعل ) حاولي تتذكرين عدددل
وانا اقولج ليش يصير فيج جذيه
والتزمي بالرقيه الشرعيه ..
تراها شفــاء من كل داء
السلام عليكم ورحمة لله وبركاته ..
بنات قصتي طويله عريضه انا عمري 21 سنه بنات والله 4شهور ونص ما شفت العافيه والله مرات ابجي اشتقت يمر يوم يومين ولا شي يعورني . تخيلو بنات اول ما بدا فيني نمت و قمت احس ما اقدر افتح عيني عيني منتفخه يوم فتحت الليت الله لا يوريكم مو انا ملامح وجهي كلها غير طالع لي دمل بين حاجبي و متفخه وجهي كلها والله يا بنات جفني تقولون بلونه و ووجهي كله يخرع طبعا مت من الخوف طرت الطبيب اول دكتور قال حساسيه و عطاني درب وابرة حساسيه وما فش
وثاني يوم نفسه و ثالث نفسه لما حسيت ضاقت الدنيا لا ليلي ليل ولا نهاري نهار قمت ابجي رحت المستشفى نفس المجنونه وجزاه الله خير دكتور عرف اخراج و فش وجهي لله الحمد بس لحد اللحين احس اليمين شوي منتخ واليسار فاش . خلصت من هذا ثاني شي يا بنات جاني الم برجلي اليسار احساس غريب عجيب رجلي مثلجه ثقيله ما اقدر اضغط عليها ما احب خام و لا ماء ولا شي وما احس فيها عدل كرمكم الله حتى الحذاء يطيح ما احس خلصت من رجلي مع ان فتحت بس 100% لحد اللحين بس 20% من الاحساس الاول ،خلصت منها نفس الاحساس لرجلي اليمين بس نصها ، خلصت صار بايدي ولحد اللحين موجود بعدين صار بحلجي ما قمت احس في وخدي اليسار نصه وراح ،،وخلصت صار فيني التهاب بالمنطقه الحساسه تفرز ماده خضرا و اخذت مضاد و ما كملته ، وراح الافراز بس لين يومكم هذا حك مو طبيعي وبعدها طلع لي دمل بفخذي وحده رحت الطبيب قال لي وحده ولا واجد قلت له وحده و عطاني مضاد على ما رحت البيت ، افتح والله يابنات وصلو 8 دمامل بغيت اموت ما اقدر اقعد ولا اسوي شي الم فضيع حطيت مرهم انبطو كلهم وامس طلعت لي وحده جديده ، وعلى فكره انا عندي فيتامين دي حيل نازل 8 واخذت ابر واليوم خلصت الابر ، وفيتامين بي اخذت 5 ابر واحس شوي تحسن برجلي يوم افتحت بس يا بنات بين فتره وفتره تجيني ضيقه اكتئاب ابجي ما احب اطلع ما ادري منه او شنو . والله يا بنات ابجي وذبحني مرض الوساس انا وحده وساسيه لدرجه احس بموت والله اني اشوف البنات شلون اموت قهر وانا قادره بس ما ادري شفيني حياتي تخربطت ولحمدلله على كل حال تكفون بنات ساعدوني انا حيل بضيقه حتى السسترات حفظوني والدمامل انبطو ومكانهم اسود و مقشر ، ساعدوني حيل ضايقه ومسويه فحوصات قبل 3 شهور شامل كامل الحمدلله ما في شي بس باجر عندي تحليل للسكري و لكريات الدم
لله يشفيني و يسفيج و يششفى كل مريض