"شنو ردة فعلج؟؟"

الســلام عليكم يا حلوات يا أمرات

عندي سؤااال

مادري يمكن يكون مكرر بس ودي اعرف شتسوون بهالموقف اذا ….

اذا لقيتي او طحتي على ريلج وانتو طالعين ان حط عينه على وحدة او قام يخز بهالبنات ؟؟؟

شتسوين وشنو ردة فعلج؟؟

تطنشين ولا تتهاوشين ولا تزعلين ولا مثل الشطورة تكتمين الشي وكأن شيئا لم يكن!

و للأسف ان في رياييل من النوع اللي يخزوون حيل من فوووق لتحت والمشكلة بعضهم مايهمه زوجته معاه ..
وبصراحة اهما شوية معذورين (حلوة شوية لوول) لأن البنات صايرين (اغلبهم) بدون لا حيا ولاحشيمة وصارو اهما اللي يطالعون الرياييل ويسوون حركات صراحة وانا جم مرة صادفني جذي موقف ..
ماتقول هذي زوجته معاه .. لا عمك أصمخ
شنقول غير الله يسخرلنا ازواجنا ويحفظهم

شرايكم ..

ونااسه انا اول وحده ارد عليج ام مريومه .. اول شي شخباارج وينج قااطعه
بعدين اذبحه لووول فيه خير يخز وحده .. حرام وولامره سواها

بس اذا سواهاا لاسمح الله يعني معني وااثقه فيه .. اذا شفته خز وحده اناا بعد اخز وااحد لووول وحده بوحده >> لااتغشمر عشان يفنقرني
مااتهااوش معاه ولاشي بس احطه وادووس في كرشه لووول

عادي اقوله يعني شنوو فيه زود اللي قاعد تخزهاا .. ازعل منه واخليه يراضيني

^
^

هلا وغلا ام عزووووز .. شلونج يالغالية
شلون عزوز الحلو .. فدييته

مشكورة على المشاركة وعسى الله لايغير عليه

امممممممممممم
مادري بس ماصار لي هالموقف بس ممكن يطالع ويقولي شووفي هاذي
مو على شكلها او جمالها لا على شي ثاني نحش في بعض البنات لووووول

بس الاغلب البنات هم اللي يخزون الريايل والقهر مايحلى بعينها الا المتزوج
ووايد ريايل يخزوووووووووووووووووون حريم متزوجاات مادري مو ماليه عينه مرته
بس الله يشفيه النوع هذا من الناس

امممممممممم شي يغث لو صج

بس عادي راح اقوله عيب .. وماطلع معاه فتره طويله وراح اقوله تفشلني وتقعد تخز بالبنات ماقدر اطلع معاك بعد

ام مريومه
بخير انا وعزوز زينين الحمدالله .. انتي شلوونج وشلون مريومه الحلوه انشاءاالله بخير ..

انتي شنو اتسوين اذا ريلج خز وحده ؟؟

شوفي الزوج بالنهاية انسان .. من روح واحساس .. وبالذات الرجل على قوته بس اهو ضعيف حتى لو حب مرته من قلب ..

غير عن المرة لين حبت ..هالشي هذا حتى وراد بالدين علشان جذيه مسموح له يتزوج اربع ..

شوفي الانقليز بالهايد بارك لو تلاحظينهم الزوج وزوجته لين يشوفون بنت حلوة من هالبنات الخليجيات يقولون واووو .. لافي غيره ولا في مشاكل ..

الحلوين وايد والبنات وايد وريلج مايقدر يطز عينه ويصير عمي حتى انتي مايشوفج ..

ولا تقدرين تذبحين بنات الناس وكل يوم تنولد وحده وفي كل بيت بنت مزيونة ..

انتي بعد خلج صديقته قبل لاتصيرين زوجته لين شفتيه التفت على وحده شوفيها معاه وانتي سبقيه وقولي له حلوة هالبنت ..

جذيه شوي شوي راح تصير روحج رياضية .. اوكي الجمال موجود والبنات وايد بس انتي زوجته الحلوة حتى لو مو حلوة انتي زوجته ..

وفكرة الحقي نظراته وشوفي من تلفت نظره اكثر اللي ويها مدور ولا الشقرة ولا اللي شعرها بوي ولا منو يعجبه ..

وروح البيت رتبي افكارج بروحج وغيري من شكلج يمكن الريال غير ذوقه وصار يحب الهايلات ولا صار يحب البرونزيات ..

اشتغلي على عمرج … دامج ذكية وتصيدنه .. حطي بالج على نفسج ولا تقهرين عمرج ترى الغيرة مالها نهاية واهيا اللي بتحطمج ..

اذا مابيشوف جدامج بيشوف وراج .. وهذا مو حل .. الحل بيدج ..والله يسخره لج انشاالله ..

مشكورييين حق اللي ردو

*ام عزوز*

تمام . . والله بنتي صايرة حناانة وملولة الله كريم
وبالنسبة للموقف الحمدلله ماجكيته على يوم .. بس ان صارت اتوقع اني بزعل لأني حيل حساسة وماأقدر اطوف

*شهرزاد البحرين*

حبوبة انا مو قاعدة اشرح مشكلتي ..
انا بشوف ردود افعالكم

بس في شي انا مو معاج فيه بصراحة .. تقولين اذا شفت وحدة حلوة اقوله هذي حلوة مثلا عشان تصير روحي رياظية
اصلا هالشي ولا وحدة ترظاه على نفسها،،،وحتى بالدين مايجوز وبعدين تفتحين عيون زوجج على اشياء اهو عادي عنده او غافل عنها ..
ومشكورة على مشاركتج عزيزتي

ماكو احد ما يخز الحين الحريم تخز والريايل يخزون غصبن عليهم اصلاا من الاشكال الي تمر لو وحده محترمه نفسها وماشيه محد يطالعهاا بس الي مسويه بروحها الهوايل الكل يطالعهاا

راح انغزه على جنب واقول انا هني مع انه مسكين ماعمري شفته يطالع بعد جان من وراي هذا شي ثاني

يلي فوقي … >> هههههههههه ما ينفع .. طقيه احسن خخخ

أول شي إذا شفته يخزأحاول أنبهه إني جاكته
وبعدين نتفاهم بالبيت

الحمد لله والشكر زوجي يخز الجيكره والحلوه مع انه ما علي قاصر

صح كلامك

شتسوين بعد … ياتكتمين .. ياتدشين محل وتصلخين ظهره بالفاتوره هههههههههه وانتى تضحكين