شنو رايكم بالسفر وانتم حوامل؟؟

السلام عليكم…
شخباركم يا حلوييين…في بالي موضوع سفر الحامل في المرحله الثانيه من الحمل طبعا اذا سمحت لها الدكتوره …انا بصراحه السفر الحين في بالي لاني في المرحله الثانيه..واذا وافقت دكتورتي على السفر يمكن اسافر

الحين كل وحده سافرت وهي حامل تخبرنا بأي شهر من حملها سافرت ..وبالسياره ولا بالطياره ..وكان السفر عليها متعب ولا عادي يعني ما واجهت مشاكل…واستمتعتوا بسفركم ولا ندمتوا
انتظر ردودكم

انا ضد الي تساافر بالشهوور الأولي

بس توها بنت خالتي بشهرها السادس مساافره بسياااره وتقول وااايد اتعبت

والله يتمم عليج ياااارب

انا سافرت وكنت حامل بالشهر الثالث وسافرت بطياره وكانت الرحله 6 ساعات ما كانت متعبه بس كنت آخذ مثبت وتبين الصراحه ما استمتعت بالسفره لاني ما كنت اقدر امشي ولما كنا نروح مدن الالعاب حده ملل لاني متفرجه لا وما كنت قدر امشي وايد فكنت اقعد بمطعم واهم يفرون وانا بس اتطمش عالاوادم

انا اول مادشيت شهري الرابع سالت دكتورتي قلت لها عادي اسافر بالطياره قامت تضحك قال ليش ما يحلالكم السفر الا وانتوا حوامل قالت لي عادي بس يعتمد على الرحله وطولها قلت ل ها 14 ساعه قلبت عيونها هههههههههه قالت عادي بس بشرط انج كل نص ساعه تحركين ريولج وتغيرين وضعية جلستج وتمشين كل ساعه ونص تقريبا…بس ريلي نارضى يقول اصبري الين تولدين علشان نستمتع…

شكرا حبيبتي كويتيه مذهله 87 ..انا بعد سمعت وحده سافرت بالسياره واتعبت..

هلا حبيبتى انااااا سافرت بحلمى بولدى 3 مرات مرتين بالطياره

ومرها بالسياره كنت رايحه البحرين فى الشهر التاسع عااااااااادى ما حسيت بشىء

اوقات احس السفر بالسياره فى الحمل ممتع واوقات احسه متعب

بس فى بناااااااات وايد يسافرون ولفترات طويله سواء على الطياره او على السياره

اذا ما فى خطورها على الجنين خلاص

حبيبتي vevo وايد 6 ساعات وانتي جاعد بكرسي الطياره …لكن ما حسيتي انج غيرتي جو لما سافرتي..

هلا حبيبتي عروسه….شكلج كنتي مستعيله وودج تسافرين…
لكن مثل ما يقول ريلج..بعد ما تولدين…علشان الوناسه تكون اكبر
الله يتمم عليج بالخير

عزيزتي عاشقه الهند 25 …تسلمييين حبيبتي …شوقتيني اكثر..

أأيد السفر وانا حامل بس للبحرين مو ابعد من جذي

اما الوناسه والسفرات الي على مستوى نخليها على طلعتي من الاربعين

والله أنا سافرت وأنا حامل وأنا بجر وبالشهر السادس رحت الإمارات بطيارة إهو تغيير وناسة بس إتحسين إنج ثقيله يعني تفرق عليج السفرة وإنتي مو حامل

اذا مضطره اي سافري بس اذا بتروحين للوناسه ما انصحج لانج ماراح تستانسسن لا راح تقدرين تمشين ولا تلعبين فشنو الفايده

انا سافرت بآاخر الرابع بس رحله قصيره بالطياره ماحسيت بشي بس هناك تأذيت ماقدر امشي مسافات طويله

الرحله ما كانت متعبه التعب كان خفيف ومن ناحيه تغيير الجو اهو صج تغيير بس لو كان بعد الولاده كنت استمتعت اكثر عاد تصدقين هالاجنبيات كل وحده بطنها اشطوله ولابسه التراينينق وجوتي الرياضه وحاطه الهتفون ومشي سريع انا اشوفهم واقول مالت علينا بس من نحمل واحنا اه واه ومن مشيتي شوي والا حايشج عوار وتقلصات

انا سافرت مرة باخر الثالث و مرة بالخامس و مرة بالثامن
و الحمدالله ما صارتلي مشاكل و لا شي .. و كله بالطيارة
اهم شي كثري من شرب السوائل و تحركي وايد بالطيارة اذا رحتلج طويلة

انا سافرت بالرابع الخامس السابع بعيالي

بس اكون مطره وكلش ماااااااااااااااااااااااا ايد السفر بالحمل حيييييييييييييييييل متعب