|
|
المدارس على الأبواب ،،،،،،،ورمضان كريم ،،،،،،،
وإحنا مابين تجهيز رمضان والمدارس ،،،،،( وكل يوم بزحمة السوق ،،،،،،،
قولولي شنو جهزتوا لعيالكم ؟؟؟؟؟ومن وين ؟؟؟؟؟
وشنو نازل يديد بالسوق ؟؟
ووين الأفضل ؟؟ والسعر المناسب مهم،،،،،
آنا راح أبدأ ،،،،، وإذا لقيت تفاعل بحط لكم صور
بنتي بتروح 2ابتدائي إن شاء الله شريت نفنوفها من منتهى بالأيوب والثاني خذيته من موديلوس بنفس
المجمع قصاتهم روعه ومرتبه وأحلى من النفانيف الياهزه بالسوق خذيت لها جم طويل واحد ،، وأثنين جم قصير ،،،وحرصت واحد منهم يتبطل من جدام عشان اليوم إللي فيه حصة رياضه يكون سهل عليها التبديل،،،،الشباصات والدلاغات والداخلي كله من نفس المجمع ( الأيوب)،،،،
والرياضة من النصر الرياضي بحولي شحلاته ،،،
وجوتي المدرسة من سنتربوينت الري ،،،،،،،،،
وطقم الجنطة مع مقلمتها ولنش بكس ومظلتها ودفاترها وأدواتها المكتبيه ماركة دزني من سوق الجوهرة
ومثل ماقتلكم شاركوا بالصور أفضل ،،،،،،،
وألحين كل وحده تدخل تثري الموضوع أو ترفعه للفائدة،،،،،
بالنسبه لي بناتي الكبار بيدوشون اولي ابتدائي
مادري شجهم وشخلي
اهم بمدرسه خاصه
شريتلهم جنطه الظهر حجم متوسط وحده والثانيه حجم صغير
ولنش بوكسس
والتبرويرات البلاستيك
الملابس من المدرسه نفسهم وللاسف ملابسهم لوعه بس مجبورين
الجواتي اعزكم الله ماشريت لي الحين بس متعوده اشتريلهم من بير فيت وايد زينين ويكدون ولمعتهم ماتروح تلقونهم بسنتر بوينت او مارينا
حناط بناتي هالسنه علي هاي سكول ميوزكل
وباربي
وميني ماوس
عيالي بمدرسة خاصة بس لبسهم ابيض بكحلي خذيت لهم من ماركس سبينسر و بينتون و الجناط على سندريلا و ايرون مان من سنتربوينت و طلبت لهم تيشرتات و جواتي من بولو للحين ماوصلوا و خذيت لهم كل السبلايس من مكتبة السرة اشوه ان الابداع معطينا السبلايس اخر السنة
معقوله لين ألحين مايهزتوا للمدارس ؟؟
إللي تدخل على الأقل ترفع الموضوع عشان الكل يستفيد ،،،،
شنوثر أحسن العروض بالسوق ؟؟؟
أكو أكثر من جمعية تعاونية منزلة القرطاسية بسعر التكلفة (((((معقولة ))))))
منها جمعية الرقة آنا مارحت بس قريته بالجريدة اتهقون نوعية زينه وإلا مالت سنين يدي ويبون يمشونها ؟؟؟؟؟؟؟
انا بنتي مثل بنتج بتروح ثانيه ابتدائي
وليلحين ماشريت لها
اليوم ان شاء الله بروح الاماكن اللي قلتي عنها
ومشكوره لاني استفدت من موضوعج عن الاماكن اللي قلتي عنها بروح لها واشتري
وانا مثلج اب اعرف شنو الجمعيات اللي امسوين مهرجان حق القرطاسيه
يالله بنــــات نبـــي انعــرف ؟
up
up
شريت من عده اماكن خذيت من سنتر بوينت ومن النصر الرياضي ومن الجوهره
بس باجي القرطاسيه ناويه امر رامز
|
المشاركة الأصلية كتبت بواسطة هوى الدار
 والله انا جهزت الحمدلله وخلصت
شريت من عده اماكن خذيت من سنتر بوينت ومن النصر الرياضي ومن الجوهره |
قرطاسية رامز زينه
انا بنتي بتروح أولى ابتدائي .. باخذها عندي بمدرستي و ما يندرى .. ما ودي أوديها مدارس الحكومة الصراحة .. بس بجرب هالسنة .. إن ما عجبني الوضع بردها مدرستها
جهزت لها بعض الاغراض .. و بكمل الباجي بعدين إن شاء الله
خذيت لها ملابس داخلية و دلاغات .. و شباصات و تيجان .. وجوتي رياضه .. و الوالده يعطيها العافية هدتها الجنطه و أدوات المكتب كامله من بره
باقيلي النفانيف و ملابس الرياضه و الجوتي .. ناويه اخذهم هاليومين باذن الله عشان أتفرغ حق نفسي .. بجهز حق مدرستي بعد
ولدي اسم الله عليه مدرسة خاصه .. ملابسه منهم .. يعني باخذله بس الجنطه و اللنش بوكس و الجوتي .. و ماخذتله الملابس الداخلية و خالصة
بالنسبة حق القرطاسية و الأدوات الي يبونها المدرسة .. يوزعونها العادة بداية العام على التلميذات .. منها راح أشتري الأدوات من المكتبة .. مابي أستعيل .. لأن شروطهم كل سنه غير
انا بنتي تروح اولى ابتدائي وولدي 2 روضة
وللحين ماشريت ولا شي
مريت شفت الجناط وشنو اليديد الي نازل بس ماخذيت
شريت لها لنش بوكس على جيزيل شخصية ديزني اليديدة ..
ومقلمة بس مو حق المدرسة .. حق اقلامها بالبيت (عدة الهوموورك)
وما حصلت باقي السيت لأني فريت السوق كللللللله ما لقيت لها على جيزيل الا بسنتربوينت والجناط كانو كبااار مو حق روضة فخذيت بس اللنش بوكس وحسافة ماكان في تكملة الطقم يعني بوك ومطارة ومادري شنو مافي ..
وعندها جنطة على دورا شوي كبيرة تاخذها يوم بالاسبوع يوم اللي بيعطونها الفولدر بس يعني ما تحتاج جنطة كبيرة كل يوم ..
خذيت لها مطارة من سنتربوينت بعد بس مو على شخصيات ..
حلوة يصير فيها انبوب داخلها حق الثلج علشان لا يختلط بالماي ..
واماعين بلاستيك تتسكر ..
الدفاتر وجذيه ماكو مدرستهم يعطونهم ..
اليونيفورم من المدرسة يمكن باجر امر اخذلها يونيفورم جاهز .. وخام علشان اخيطه لها لأن موديلهم غثييث ما تعرف تلبسه بروحها بفصل لها شي سهل ..
بس خذيت لها شورتات حق تحت اليونيفورم علشان لا تتكشف ..
تكرمون الجواتي .. الأسود من برنس احب جواتيهم ..
وجوتي الرياضة ديزني على اميرات يايها صوغة
والشبابيص اصلا كلما اروح بو100 اخذلها شبابيص لأن لونهم صعب (أحمر) لي لقيت شي احمر حلو خذيته ..
ويا حلات الروضة وتجهيزات الروضة سهالة ..
وولدي اولى روضه خذيت له الجواتي والدلاغات بس هم من سنتر بوينت
والملابس ناوية آخذها من الايوب باذن الله