شنو تعني السعاده الزوجيه ؟؟

السعادة الزوجية

اساسها الاحترام المتبادل وان الواحد ياخذ ويعطى مو بس ياخذ ويراعى مشاعر الطرف الآخر
وعدم مقارنة اى حياة زوجية باخرى لان كل اسرة مثل البصمة ما تتكرر وكل زواج وله خصوصية

السعادة تكون بالحب والوفاء لمن تحب والإخلاص والتفاهم وطبعا أساس كل حياة سعيدة الصراحة وأنا بالنسبة لي للأسف كانت الصراحة من صوبي بس ولكن هو كان كله غمووووووض وشنو طلع بالآخر خاين ولا يسوى دون الصراحة بين الأزواج ما في حياة هذا مبدأ الحياة الزوجية السعيدة بالنسبة لي وسوري عالإطالة

مفهوم السعادة الزوجية عندي
1- الحب
2- الاهتمام والتقدير
3- الاحترام
4- الاخلاص والوفاء
5- التضحية
6- الصراحة

السعادة الزوجية أعتبرها : كل واحد يعامل الثاني نفس ما اهو يتمنى ان الثاني يعامله

فهمتو شي !!!!

اي الطلعات والسفرات مهمه ودليل السعاده بس الاهم التفاهم والحب والاحترام

ممكن يكون فى حب واحترام لكن مافى سعاده

كل وحده فينا لها مفهوم للسعاده

انا اشوف ان السعاده اذا انتى شاركتيه اهتماماته واهوه شاركج اهتماماتج هنى تكون فى سعاده
ومو شرط تكون اهتماماتكم متشابه
لكن لازم تشاركينه بكل اهتماماته وتكونين مطلعه عليهم والعكس صحيح

اعتقد هنى تكون فى سعاده حقيقيه

بالنسبة لي
ان كل واحد بين الزوجين فاهم الثاني عدل
فاهم شنو يبي وشنو يحب لو من نظرة

مو كل واحد بوادي

انهم عارفين يتعاملون مع بعض
ان تكون بينهم علاقة صداقة اهم من علاقة زوج وزوجة وجنس وخلاص

ممكون يكون في حب بس مافي تفاهم ،، اكي شالفايدة !!!

اهم شي التفاهم وكل من يقدر الثاني
ويشوفون ال 2 بعضهم بحياتهم الزوجية ويطلعون من حياتهم
اهلهم اهم ال 2

الطلعات والسفرات ابد مو دليل سعاده.. رفيجتي 24 ساعه مسافره ويا ريلها ولاعن خيرها الخير وحياتهم بين بعض ماتسوى لان ماكو احترام ولا تفاهم

السعاده الزوجيه: القناااعه والرضا بنصيبج والتفاهم والحب والاحتراااام

السعاده الزوجيه مومقاييس لا يوم حلو ويوم مر مافي شي مطلق بالمفهوم بس اهم شي الاحترام والصراحه والرحمه يعني مومهم يحبني المهم يخاف ربه فيني ويرحمني …
السفرات والطلعات حلوه وتضفي على الحياه الزوجيه تجديد وونناسه بس ان ماحصلت مونهاية العالم وممكن يستمر الزواج بدون سفرات ولا طلعات اهم شي التفاهم واالاحترام وبس

الاحترام

هذا رأيي بعد وأضيف عليهم
الذريه الصالحه السليمه