شنو ايصير بالملجه ؟؟

سلام حبوبات شخباركم
انا عمري 19سنه تقريبا
ملجتي بعد اسبوع اول يوم العيد
وحدب خاااااايفه واااااايد
ابيكم تقولون لي شيصير بالملجه عجان احسب حسابي نفسيا وجسديا ولي يسلمكم بنات وايد محرجه منكم بس ابي من اول ما ندخل الشقه للاخير اعرف ناس تفرق عن ناس لاكن ولا احد قالي وش بيصير ولي يسلمكم وايد محرجه بس مالي غير الله ثم انتم

بليز المتزوجات الي مروا بتجربه لا تهدوني بليييز

على حسب ريلج محد يعرف شبيصير انتي قلتي شقه يعني ملجة وليلة دخله بنفس الوقت

منتوا مسوين عرس؟ بتملجون و ياخذج عنده على طول؟؟

اذا بتروحون شقتكم يوم الملجه تزهبي اي شي و كل شي ممكن يصير *

الف مبروك

مشكورين وما قصرتوا ايه احنا بنوسي ملجه وبنسااافر على طول عشان شغله وبعد ما نرد بنسوي عرس صغير

حبيبتي انا توني ملجت قبل رمضان باسبوع
شعوووووووووووور حلو حيل استانسي سوي كل الي خاطرج فيه
لاتخافين وتتوترين تراه مره بالعمر
اخذي كل شي بروح مرحه ورياضيه
شوفي انا بقول لك شلون تزهبت وان شالله افيدك
طبعا قبل الملكه بـ3ايام حفيت جسمي كله
روحي مشغل احسن لك لان المشاغل انظف
اليوم اللي بعده تحنيت وسويت لي بعد حنه براسي وصنفره بجسمي
اليوم اللي بعده الملجه وبس
ان شالله افدتك بس نصيحه مني انبسسسسسسسطي لاتخلين الخوف والتوتر يلعبون فيك
ضبطي نومك عشان تصير بشرتج حلوه لاتفكرين وايد وبس
والف مبرررروك مقدما

امااااااااا عاااد شلون ذي .. يعني ملجه بدون عرس وبتسافرين معاه ولما ترجعون تسوون عرس صغير << شلللووون مدري هههه

بس هذا معناته يمكن لما ترجعين وبتسوين عرس صغير تكونين حااامل

انتي سوي عرس مره وحده صغير وقت الملجه وانتهينااا ..

اما من ناااحية الاستعداد وفيها سفره معاه يعني خلاص بيدخل عليك ..

طبعا من الى تزهبي وخليك جاهزه لأي حركه مفاجئه << ههههههه اتغشمرررر

عسى الله يوفقكم

ومن ناحية النفسية وش يخوفك يا عمممري عاادي الوضع مايخوف ابد .

الله يوفقج و يهنيج

الله يوفقج حبيبتي فهمتج ملجه و اتسافرون ولما ترجعون بتسوون استقبال عادي مثل اختي

تجهيزاتج مثل اي عروووسه ياحلوه وانتي فهيمه لبس و اهتمام بشره و كل شي و بس

الله يوفقج

حبوبه الملجه خلاص يكون لي بالشرع اصلن الزواج بس فرحه هو بيسافر بريطانيا ليكمل دراسته وشغله واانا بروح حق اختي هناج وبنكون عايشين كلنا في شقه وحده اختي وريلها وانا وريلي
وانشالله اذا ردينا بنسوي حفله بقاعه والبس الفستان ونستنانس اصلن الملجه بس عشان تسكت الناس

ومشكووووووووووورين وياد لكل الي ردو والله وايد ارتحت لكم والله يعافيكم ويحقق الي في بالكم ادعوا لي بالستر والراحه معاه

انشالله يفيدونج البنات
والله يهنيج

عمري يعني هذي عرس خلاص ,, يعني عقب ما ترجعين بتكون لج حفله يباركون لج ,, ويمكن حتى بحفلتج تكونين حامل ..

استعدي استعداد عرووووووووووووووووس ..

من الحين ,, اشتري اللي قاصرج ,, قمصان نوم ,, (( مال متزوجين )) ,, + كل امور النظافه ,, ورتبي شنطة سفرج ..

يمكن يدخل عليج بأول او ثاني يوم ,, بس احس مو من اول يوم , احساسي فيج يقولي على حول 3 او 4 ايام .. والله يعلم ..

قبل ما يملج عليج ,, روحي الصالون ,, او حفي جسمج كله بالبيت ,, وياليت من الحين تسوين ليزر تحت عشان تفتكين وانتي بالسفر ..

سوي لج ,, عناية في البانيو قبل ماتحفين بيوم ,, يعني خلطة :

فيها كركم قليل لانه يصبغ الجسم )+ ماي ورد + روب + سدر + نشا + عصارة برتقال ..

خليها شوي وخلطيها زين وعقب ماتتفركين بالصابون البلدي والمفراكة المغربية ,, حطي على جسمج هالماسك من رقبتج الى ريلج ..

وخليه قد ماتقدرين وعقب غسليه ,, وعقب بتشوفين جسمج فاتح وناعم ونوير ..

ولا تتفركين ,, بس كتي على روحج الشاور الجيل .. وخلاص ..

وعقب الحمام كله دهني جسمج بالكريم الاحمر جليتويد الجلسرين ) او زيت الزيتون ,, ومابتقومين من النوم الا انتي حرير ..

سويه من الحين يا عمري افضل ..

ومن الحين عدلي اظافرج .. وشعرج خليه حرير قطعه وحده متوسط الطول ,, ( مال الثانوية ) وشوفي اذا تبين تحطين فيه شامبو كلر بالبيت تفتحينه درجه ,, بتقدرين .

مايحتاج صبغ صالون ,, توج صغيرة ,, حلو عمرج ,, وحلو شكلج لما يصير انج مو خبره ,, وانج بس ناعمه .. خلي ريلج يحس انج مالت بوس مو مال شي ثاني ..

بيحس اذا انتي كنتي انتي طبيعية..

لاتتصنعين ولا تتقيوين ولا تتدلعين ولا تتكبرين ,, طلعي اللي تحسينه بس بأتكيت هذي بالنسبة لشخصيتج .

ودي معاج ستشوار صغير بالسفر ,, عشان تسوين شعرج كله حلو جدامه ..

ولاتنسين غسول الجنابة بتسبحين وايد عقب مايلمسج (اللي خبرج ) اخذي احتياطج بالنسبة لشعرج اذا هو خشن ..

وتقدرين تسوينه الكيرلي ,,

ودي معاج كريم الجسم ,, اللي يرطبج .. بس مايكون فيه ريحة تكون هي مو ذوقه ..

في شور جيل ,, في بودي شوب ,, صغار ,, حجم صغير ,, اخذي لج الريحه اللي تعجبج ,, وبعلمج بين سدرج بالوسط او عند بطنج اي مكان تحبين ,, مسحيه وجنه كريم مرطب ,, بس مو تحطين وايد لا بس نقاط ..

وعقبه نثري بودر مال الجسم ,, وياليت فيه قليتر شوي او لمعه ,, بالبودي شوب فيه على وايت مسك .. وعقب رشي العطر وشوفي شلون ريحتج ناعمه على قوية على نظافه ,, وادعي حق اختج شهرزاد ( انا )..

ودي معاج ديودرنت بخاخ .. حق اذا خلصتي من الحمام ترشين الحمام فيه ,, عشان اذا شم من وراج الحمام تكون ريحتج فيه حلوة ..

ودي معاج مهدى للبطن مثل القرين تي او البابونج .. لانه مو مسهل ,, كثر ما هو ماينفخ بطنج ,, خبرج انتي بسفر واكل غريب ومتوترة ماتبين الغازات تفشلج ,, ((ذكية انا هههه )) .

تجهزي لانج بتصيرين مرة ,, وقالوها لي البنات بالمنتدى تجاوبي مع زوجج بتقزر السالفه على خير ,,

اسنانج لاتنسين ,, المعجون الفرشاة ,, الوايتنق ,,التنظيفات,, وصفه للتبيض : فحم اسود مال الشواء , كسريه بيصير بودر اخذي فرشاة اسنان قديمة وغمسيها بالماي وفركي فيها اسنانج ..

ولاتنسين الكوتكس الصغير والغسول النسائي و الامواس و عدساتج و علوج اهم شي انواع وايد .. ترى النظافه عند الزوج اهم من الجمال والاخلاق اهم من الجاذبية والمظاهر ,, بس هذا اللي على بالي

اتمنى اني افدتج

مبروك عليج الملجه و العيد وماتبقى من رمضان ..