شنو الوصف إللي تمنيتيه بزوجج قبل لا ياخذج ؟! خلونا نضحك :)

نفس ماتمنيت يارب لك الحمد

اب اب

انا كنت ابيه من الناهيه المعنويه ان طيب ويموووت فيني و يدلعني و رومنسي

طلع زوجي عكس كل الموجود بس الحمدلله يحبني

و من ناحيه الشكل كنت ابي طوييييييييل و وسيييييييم و اسمر و مصك شوي

للاسف طلع قصير و عصل و ضعيف و ابيض هههههههه المواصفات زيييييرو بس الحمدلله عايشين

تستاهلين و عسى الله يديمها عليكم من محبة و يصلحكم دوم

انا نص الاشياء اللي كنت ابيها فيه والنص لاااا
اول شي كنت ابي شكله حلوو وجسمه حلوو
واخلاقه زينه ومايكون عصبي ويكون رومانسي
طلع ريلي عصبي بس الحمدلله تغير على ايدي
اخلاقه حلوة مرات يطنقر عادي
وجسمه وشكله حلوين الحمدلله
بس اهم شي كان عندي ان مايكون عصبي
وطلع فلفل بس اشوووه تغير

لووول مو ساعات شنقول؟ نقول يالله لك الحمد يمكن لو يايني طوييييل و اسمر و معضل و مادري إيش يمكن يكون بو عيون زايغة و جذاب و مايخاف ربة فـ يامعودة يازين إللي عندنا كل شي يبلة حمد و شكر

اخ كنت ابية مجسم وطويل وطل بعينى شعرة ابية حلو وناعم وهم طل بعينى بس الحمدالله كشلة زين

ههههههههههههههههههههههههههههه

لوووووول ضحكتينيي ليش كل هالإحباااط؟؟ حبيبتي قولي الحمدالله كل شي خيره صدقيني.. يمكن يجيج طويل و معضل و بو ريحة تصرع !! هاهاهاهاها شبتسوين فيه؟؟

الحمد للة كنت أتمنى أنة يعوضني عن شي كنت فاقدتة والحمد للة قدر يعوضني عنة تكفون أدعو أنة اللة يتمم علينا ويكفينا شر الناس تكفون لاتنسوني بدعائكم أنتو خواتي

عسى الله يتمم عليكم و يحفظكم من كل شر و عين

لا الحمدالله نفس اللي ابيه

كنت اتمناه طويل القهر انه كل اخوانه طوال واهو الوحيد القصير هههههه
بس اهو احن قلب فيهم الحمد الله وكل شي فيه كامل وكمال لله رب العالمين

آب أب

الحمدلله الحمدلله كل الاشياء اللي دعيت ربي طلع فيه

بس اللي صج صج كنت احاتيه ضرووووووسه

شنو كنت احاتي هالشي وكان مأزمني لان شكثر من اهلنا ازواجهم ضروسهم لوووووووعه

بس ماشاء الله تبارك الرحمن اسم الله عليه ضروسه شي موطبيعي لا اله الا الله انا ضروسي تفشل عنده

مع اني حاطه تقويم وحاله !

وع ولا اللي بعضهم مبقعه ضروسهم او يدخنون امبيييييييييي الله يعين البنات اللي جذي صراحه مشكله