|
|
بنات من تجاربكم او اللي تسمعونه من تجارب غيركم ابي اعرف اي ولاده افضل وليش؟
اللي تطلع الام سالمة مع البيبي منها
وكل وحدة حسب حالتها
وطبعا على حسب حالة الام والبيبي اذا كل شي تمام طبيعي
اما اذا في مشاكل القيصريه افضل
والله يرزق الجميع بولاده طبيعيه سهله
الطبيعيه عوار خياط ويغدي شرها مع طيحة خياطها
احسن من شقة بطن والكحه عليها بالحسره من العوار والالم و٦ شهور لا كورسيه ولا شي ثقيل وغير نغزات العمليه امي ٣ عمليات واخر عمليه من ٧ سنين تقريبا وللحين ساعات تعورها وتخاف تنفتح لان وحده من اهلنا انفتحت عمليتها بعد سنتين ووحده مره طلعت معاها قعدت ترجع وتعبت راحت الطبيب عمليتها متعوره وهي صار لها سنه والده
ياربي ياحبيبي بهالشهر الكريم ترزقني بالولاده السهله الطبيعيه انا وخواتي الي يتمنون الطبيعيه
كل وحده وحالتها
العمليه الله يكافينا شرها تحاتينها انا توني من شهر مسويه عمليه مو ولاده لا عمليه لمرض طلع فيني والله فكني منه الحمدالله بس اللحين احاتي جرحه مع انه شوي صك بس احاتيه فمابالك بالولاده الله يعين كل من ولادتها قيصريه و يرزق كل الحوامل اللي بالمنتدى ولاده طبيعيه
بس في الاخير اهم شي سلامة الام والياهل سواء طبيعي او قيصري
اسبوع ويطيب الجرح والحمد الله ماعانيت منه
على حسب الخياط والي يخيطج اذا كان شاطر او لا والي ينفتح خياطهم معناه الي مخيطهم خواره
والله بس اسبوع وخلاص لي الحين الحمد الله ماحس باي شي
والحين انا حامل وقالو اذا كبر البطن الجرح يتمدد ويعور انا كبر بطني بس الحمد الله ماحس بعوار
يمكن اذا تكررت العمليه تعور لان الخياط نفس المكان
وبالاخير كل ولاده ولها ظروفها