شنو الافضل قبل والا بعد

هالسؤال عجبني في احدي المنتديات وقلت اسالكم ياه

بشرط
انكم تتجاوبون معي وبكل صراحه
شنو الافضل حياتج عند أهلج ولا حياتج عند زوجج؟؟؟
نبي تجاوب عاد

مع اني مو متزوجه بس بتلقف
اتوقع عند الاهل اكييييد لان الحريه عند اهلج ماراح تلاقينها عن اي احد
بس هم كل شي له حلاته على حدااا

حبيبتي مرتاحه مشكوره علي التواجد
بنت النور حياج حبيبتي

وفعلا كل مكان له طعم يمكن تكونين بيت اهلج مدلعه وعند الريل لا
اعرف بنات كانوا مدلعين وطلباتهم اوامر وليمن راحو عند الريل طق علي راسهم وعليه

وفي بنات ينحاشون من ظلم الاب او احيانا قسوة الام وعند الريل تلاقي الحنان وعاد اذا صار العكس فقيره بتدمر

والله عند اهلي حياتي الحمدالله ما كان علي قاصر وكان لها طعم…و حياتي الحين سبحان الله لها طعم غير بعد يعني مع توام روحج اللي اهوا زوجج..وطبعا شعور الامومه.. مادري كل حياه لها ميزه قبل و بعد…

الله يخليلنا اهلنا ورياييلنا

ما ادري صراحه …

عند اهلي احسن اكيد لاني كنت حره اكثر اروح و اجي و اسافر على كيفي …و ما عندي اي التزامات اقعد من النوم الساعه 12 ..ما حد يطالبني ..و اكيد الماما كانت مدلعتنا وااجد

بس عند الزوج هم بعد غير …عندج اسره و عيال و بيت و مسؤوليه ..فاكيد الشي هذا بعد حلو

و انا صراحه ما اقدر افضل شئ عن شئ ..

مشكورة حبوبة على الموضوع ….. حياتي عند أهلي لها ميزات : تنامين و تقعدين على كيفج .. ماتدشين المطبخ .. و لا تدرين عن اي شي بالبيت يعني مافي مسؤوليات

و حياتي عند زوجي حلوووة بعد و هم لها ميزات .. تحسين ان واج مسؤولية بيت و ريل و عيال و بالنسبة حق الطلعات الحمدلله ريلي متفهم واايد الله لا يغير علينا ..

مثل ما قالوا البنات .. صعب الاختيار لان كل حياة فيهم لها مميزاتها و عيوبها .. و الله يوفق الكل و الجميع

ما اقدر والله أفضل حياتي عنداهلي ولا عند زوجي بنوته!!!!!

لأن كل حياة فيهم لها مميزاتها وعيوبها وفي الثنتين أحنا عايشين

مشكوره بنوته على هالموضوع

وتم نقله للقسم المختص

ايــــــه يبتيها عالجرح

قعدت ساعه افكر قبل لا اجاوب

صج اني ارجح كفه الاهل

بس اتذكر الاشياء الحلوه اللي بينا ويكسر خاطري

وامسح الجمله .. بس حياة الاهل مافيها محاتات

كافي اني احط راسي عالمخده ما افكر بشي

والله كلهم حلوين بس عند الاهل اعتقد تاخذين راحتج اكثر لا مسؤليات ولا بطيخ

مادري …. تصدقين مو قادرة اجاوب

weee 3awartaaw galbi yal metzawjaaat

soryy la2ani dasha 3arth e3tbroni 7esbat ekhtkom lesghera
hehe
thanks banota

الحياة عند الأهل فيها مميزات وايدة كافي انج حرة نفسج ماكو مسئولية بس بعد الزواج كل شي محسوب يبيلج وقت حق كل شي زوج و يهال و بيت و خدامة و دوام وهم تبين وقت لج انتي نفسج … الله المستعان،،،،، بس هذا ما يمنع ان الحياة الزوجية فيها مميزات بس انا افضل الأهل و مشكورة على الموضوع

مشكورين علي ردودكم حبيباتي
وطبعا كل شي له ميزه صاجين وكل شي له حلاوه
مو لوقعدنا يت الاهل وطولنا بنقعد نقول متي نتزوج ………………تزوجنا قعدنا نقول ياريتني كنت عند اهلي احسن لي تري هم احنا ملاعين ماندري شنبي