شنو الاصعب بالعلاج انتي ولا اهوا؟؟!!

انا رايي من رايج المره اكيد اسهل مع العلاج والابر يمكن يصير حمل اما اذا كان الضعف من الريال ما يصير حمل الا بعمليات اطفال انابيب والكل يدري جم نسبة نجاح العمليات ما تعدي 40بالميه وفي احسن المراكز والمستشفيات غير الابر الي ناخذهم بعدين تفشل العمليه بس حمدلله على كل حال وثقتي بربي كبيره انا كلنا الله راح يرزقنا قولو اميييييييييييييييييييييين

طبعًا الرجال أصعب كثير .. مشاكلهم معقدة .. ونفسياتهم تتأثر بسرعة , و إذا تاثرت النفسية ما يصير فيه ( …. ) في الوقت المناسب ,, و ممكن مايقدر يطلع عينة من السائل المنوي ,,,, والله انا أعاني معاناة ما يعلم بها إلا ربي .. من تسع سنوات وما زال الوضع على ما هو عليه .. لا والله صار اسوأ مما كان عليه ..
أدعوا لي .. الله يرزقنا جميعا ..

الريال واايد اصعب طبعا لانهم مو متعاونين كثرنا احنا
الله يرزق كل وحده خاطرها بالحمال ويشفي كل مريض

الرجال اصعب لان علاجهم صعب ومشاكلهم تكون اكبر من مشاكل المرة

شاكرة لج على الموضوع

تسلمون حبايبي على ردودكم وعسى الله يرزقنا بالدرية الصاااالحة وفعلا الحريم ارحم من الرياييل

يارب لا تطول علينا شدة

…..

ناطرة تفاعلكم

والله انا مره قالتلي الدكتوره فوزيه القطان ان المره لو شنو فيها ممكن يلاقونلها علاج نهائي أما الريال حتى لو فيه ضعف بسيط ما نقدر نتحكم ابعلاجه يعني حتى لو يعطونه علاج للضعف يمكن ما اييب أي فايده.

بالـــعــكــــس الـــزوجـــه أصـــعـــب مـــن الـــريــــال الـــريـــال ســهـــل جـــدا مو الــعـــلاج الــريـــال بـــس

يـــاخــــذون حـــيـــونـــات مــــنــويــه فـــقــط وأســهـــل طـــريـــقه هـــي عــمــلــية الــخــصــيــه لــتــفــتـــيش

امــا الـــزوجــه عــنــدج هـــرمــون الــحليب إذا مــرتــفع مــايــصير حــمل والتــكيس وكــثــير أمــور تــسبب فــشل

حبيبتي المقصد ان مثل ما تفضلتي اذا هرمون الحليب علاجه سهل ومن اسهل ما يمكن بس حبوب وينزل الهرمون علطول.

والتكيس ممكن يتعالج عن طريق ازالة الاكياس او حبوب اتنزل الاكياس.

أما علاج الزوج مافي دواء او علاج يخلي الزوج سليم 100% على عكس المرأه ممكن تتعالج واتصير سليمه 100% يعني توصلو لعلاج اسباب العقم عند المرأة كلها لكن اذا كان يوجد ضعف عند الزوج مافي دواء يرجعه طبيعي 100% فهمتي قصدي؟

السلام عليكم بنات
انا راييي انه علاج الريال اصعب من المرا والمرا اسهل بالعلاج ..

من الي اشوفه من الي اعرفهم انه علاجهم ما يطول وااايد .. اما الريال لا وايد صعب علاجه ..

شوفوا اخواتى الرجال علاجه مو صعب بس اذا صار فيه ضعف تصير نفسيته زفت على نفسه وعلى زوجته مع انه علاجه سهل اذا مافاد الفيتامينات ممكن عمليه ومايحبون يروحون للمستشفى يوه يومها يبى اى شى علشان يتهاوش الله يعينا وياجرنا

مافي شي صعب على رب العالمين

اهم شي ان الوحده توثق بربها وتوكل عليه وتدعي بثلث الاخير وصدقوني الله بيرزقها (عن تجربه)

انا عندي الكره وايد اسهل من الريال .. والله يرزق الجميع يارب

انا راي ان الرجال اصعب .. وللحين مالقوا علاج نهائي لعقم الرجال .

شاكرتلكم مروركم وارائكم وكل وحدة عن تجربته

سبحان الله اهم شي التفائول والاصرار على الوصول للهدف

مرة ثانية شاكرتلكم

وناطرة تفاعلاتكم