|
|
السلام عليكم
شلونكم بنوتاااات؟؟؟
بدل موضوع الحش اللي وصل مادري جم صفحة وهديتوا حمايلكم حسناتكم شرايكم نعوض هني ونذكر الاشياء الزينة والصفات الحلوة اللي عندهم ومو عند بيت الاهل؟؟؟
ولا تنسون تدعون لهم عقب ما نتفتوووووووووووووهم!!
يلله حبايبي ………
أول شي بيت حمولتي وايد منظمييييين ومرتبييييين عكس بيت أهلي كله لوية وحوسة
ثاني شي كلهم ناس هاديييين ماعندهم حش بالاوادم مثلنا
ثالث شي عاي عندهم يقعدون بالبيت ما يطلعون (مادري شلون مايملون) وطبعا ريلي منهم لذلك اهو بيتوتي وانا اموت عالطلعة وامل بالبيت!!!!
رابع شي مايزفون اليهال لانه على قولتهم مايحبون يشوفونهم يبجووووون
واحنا بيتنا حتى طق يطقونهم لول
خامس شي يتعشون مبجر وهذا طبعا احسن عشان مايمتنون واحنا ببيتنا بال11 نطلب من المطعم على مايوصل وناكل بعدين على طول ننام!
سادس شي واهو نتيجة (خامس شي) اهما ضعاااااف واحنا متاااااااااااان
وطبعا مافي احد كااااااااااااااااااامل
وبسسسسسس
اذا تذكرت شي بزيد
الله يسامحهم
مافي احد كامل
وياكثر المشاكل
بس الحق ينقال
فيهم هالاشياء الزينه اللي كتبتها
واشكرج عالمرور
الكل الظاهر شايل بقلبه وما ييشووف حسناتهم بس لا تلومينهم يمكن مجروحين
انا بعللق على موضووعج وبذكر الحسنات الي شفتها
انه حمولتي يحبوون اليمعه وايد يعني تقريبا 5 ايام بالاسبووع يتيمعوون وما يملوون مشالله عليهم الله لا يفرقهم انا اهلي نوعهم شوي ملوولين يعني نتيمع بس مو مثلهم على طوول ويمكن مشالله انهم وايد واحنا شويه
الشي الثاني يحبوون الفرفشه والضحك والغشمره والوناسه يعني بطلعات البر والشاليهات صج انا استانس معاهم لكن اهلي نوعهم هاديين حيل نضحك ونتغشمر بس نوع بيتنا يغلب عليه الهدووء اكثر
بس تصدقين حمولتج نفس اهلي! وأهلج نفس حمولتي!!!
انا بتكلم عن بيت خالتي
طبعا ابدي بماشالله عشان ما احسدهم
احب فيهم انهم يروحون بيت يدتهم كللل يوم واقصد كل يوم صج صج كل يوم مايخلون امهم العوده كلش ما يقولون محنا رايحين عكس خواتي نزور الاربعا وبالقصب يمرون بالاسبوع دايمن مشغولين مع عيالهم بالتدريس شدعوة الدكتوررا عاد مع انه بالبيت بس امي وابوي بروحهم يكسرون الخاطر
واحب في بيت خالتي انهم مايقطون ولايفعسون وماتخلي الياهال يوصخون بيتها نظييييف وعيال اختي اذا زارو بيت اهلي يعفسونه من فوق لين تحت والله الخدم كل نص ساعه يخمون
مممممم
مادري هذا اللي اتذكرة الحين
والله يخليلج حمولتج ويبارك فيهم
أحنا طبعنا هادين أهم على طول غشمرة وضحك
أحنا للأسف مانتيمع على وجبة الغدا في الأيام العادية أهم كل يوم وجبة الغدا شي رئيسي الكل يتيمع
أحنا كل واحد تلفزيون بداره وعازل نفسه أهم ممنوع كل واحد عنده تلفزيون عشان لايحكرون روحهم بالبيت بس تلفزيونين واحد بالصالة والثاني بغرفة عمي وخالتي
أحنا مانشوف خوالنا وأهلنا إلا مرة بالأسبوع يوم الزوارة أهم لا طول أيام الأسبوع يزورون بعض خالاتهم يدتهم عمامهم ونفس الشي هم ايوون عندهم من غير موعد عكسنا لازم يتصلون قبل لايوووون هذا إذا بيكسرون العادةإذا ذكرت شي راح أقوله (الحق ينقال حتى لوفيهم شغلات ماتعجبني )
انا بعدني مش متجوزة لي شسمه رديت للموضوع لول
موضوعج حلو خلاني احس انه في حسنات للزواج !
اختج
نجمة
الجاي
احلى من جاينا
لول
واذا ذكرت شي ثاني ارد لكم
بس الشاي الزين فيهم…الله يعينج على ما ابتلاج
عااد آنا اقوول
الحلو ببيت حمولتي ….ماشاالله عليهم عندهم حسن تصرف بالفليسات ..مو بخل بس ماشالله يعرفون شنو يشترون بالضبط
مو مثلنا ..نشتري بالهبل اللي نحتاجه واللي ما نبيه