|
|
سلام عليكم
بنات عندي سوالين
اتمني الرد في اقرب وقت لانه عرسي يوم الخميس
اول شي الدبله اكون لابستها على اليمين و ورا العرس على اليسار
انزين شلون الطريقه يعني و احنا على الكوشه يشيلها من اليمين و يحطها باليسار ؟
و خاتم اللي ايي مع الشبكه في اي ايد البسها ؟؟
و السوال الثاني انا اقرا الاذكر على طول
و انشاءالله يوم العرس الصبح راح اقرا سوره البقرا و انا بالصالون و المعوذات و الاذكار
شنو في بعد اذكار و ادعيه اقراها ؟؟
خصلتل اول ما يتبطل الباب لا سمح الله في احد فز قلبه و لا عن العين
لانه العين مذكوره بالقران
اتمنى انكم تفيدوني و يارب يسهل علينا كلنا
دعهواتكم بنات انه الله يتمم على الحفله و ما يصير شي لا سمح الله
ترى دعوه في ظهر الغيب مستجابه
شكرا
شوفي حبوبةة الدبلةة تكون ب يدج اليمين لأنةة خلاص بعد صار يوم العرس و الخاتم اللي مع الشبكة لبسي فوق الدبلةة او ع إيدج الثانيةة عادي مافي مشكلةة
و ع الاذكر اقري كل يوم و حتى يوم عرسج اقري أذكار الصباح و المساء يوميةة مع سورة البقرة طبعا
و بعدين لا تخافين سهالات بإذن الله
و الله يوفقج و يسهل عليج يوم عرسج و تكون ليلةة عرسج برد و سلام عليج و علينا ي رب و الله يوفقنا
بس بنات لا تنسون الادعيه والله الناس ماتعطي خير والفزه قشره
اخذي كتيب الاذكار واقري
عن نفسي صابني تبلد لدرجة حتى البقره ما قريتها ولا اي دعاء 
والحين ماكلتها عدل
وترا حتى الحريم الي بالصالون مايعطون خير سأليني انا
عالعموم الله يحفظج من كل شر ويحفظ خواتنا العرايس
والله يوفقج ويسر امورج .. والف مبروك
تعوذي من الشيطان وانتي بالصالون اقري البقره لان راح يكون عندج وقت واذا ماعندج وقت اهم شي اقري اذكار الصباح والمساء وسمي بالرحمن ودشي والله خير حافظ
وانا مالومج كلنا جربنا هالتجربه ورهبتها واول ما يتبطل باب القاعه سمي بالرحمن وبس واستمتعي بوقتج لا توترين
شوفي يا قلبي تنلبس الدبله باليسار و خاتم الشبكه باليمين
موفقه يا رب حبوووبتي
وساهلات لاتحاتين
ومثل ماقالوا البنات الادعيه والاذكار وسورة البقره
واهم شي اذا بتدخلين الصاله قولي هالدعاء (( اللهم اني استودعتك نفسي وزوجي وحياتي يامن لاتضيع ودائعه )) وكرريها دايييييييييييييييما نصيحه من اخت