شنو اقدر اعطي وليدي اكل الحين؟

مرحبا خواتي الامهات

ولدي عمره 6 شهور بيدش بالسابع
شنو اقدر اوكله اكل مفيد ومغذي؟؟

هلا حبيبتي الله يخلي لج وليدج..نفس عمر وليدي..
في عندج بالجمعيه معلبات اطفال ماركة جربير وااايد حلويين وممتازين اخذي نكهة التفاح والكمثري والخضار المشكله..
بس كل يوم عطي نكهه وحده مرتين يعني اول يومين تفاح وبعدين دخلي الموز وبعدين الكمثري عشان تعرفين اذا معدة ولدج حساسه من نوع معين وتقدرين بالبيت تهرسين له بطاطه مهروسه عالغدا عدددل مع شوي ملح وشربيه عصير برتقال مخفف بماي مثلا قفشتين بقفشتين…
وخليه يتذوق اذا قاعده تاكلين كيك عطيه شويه خيتعود على الطعم…
وبالهناااااااااااااااااااااااااااااااااااااااء والشفااااااااااااااااااااااااااااااااااااااااااااا اااااااااااااااااااااااااء

هلا حبيبتي انصحج لا تعودين ولدج على المعلبات والخلطات الجاهزه كلها مواد حافظه تستخدم هالمعلبات للضروره القصوى مثلا في حالة السفر ماله داعي الطبخ فيكون شي معلب جاهز ,,,,,, اما الحين تقدرين تهرسين له كوسه ,,بطاط…بطاطه حلوه ترا مفيده واااااااااااااااااايد ,,,قرع…جزر كل يوم صنف او تقدرين تحطين صنفين بوجبه وحده الا البطاط الحلو خليه بروحه لانه ثقيل شوي ….. وبالنسبه للفاكهه طحنيله نص تفاحه مع شوية عصير برتقال عشان ما تسود …عرموط واايد مفيد … وابتعدي عن البهارات او طبخ البيت العادي ترا توه معدته ماتتقبل وخففي من الملح كثر ماتقدرين وبالصحه والعافيه

ابدي بالخضره احسن عشان ما تتعود على الحلو

وانصحج بكتاب اسمه الطفل السليم مع الدكتوره ريم

في وصفات حلو و مبسطه صج صج راح يفيدج

صح لسانج واناملج يا عباية راس

فعلا كلامج صحيح ونصيحة اخوية من اخت خبيرة

ابعدي عن المعلبات وعن الاكل الحلو

خلي ولدج يتعود ع الاكل العادي خضروات وخلافه

انا بقولج نفس الي قاله لي الدكتور :
الريوق عطيه سيريلاك ونوعي كل يوم نوع : قمح ارز فواكه
الغدا : خضار مسلوقة ومهروسة بس كل يومين دخلي نوع يديد علشان يتقبله الياهل او تعرفين انه يتحسس منه + عيش مصري او معكرونه .
مثلا : اليوم الأول : عيش + بطاط
اليوم الثالث : عيش + بطاط + زهر
اليوم الخامس : معكرونه + بطاط + زهر + قرع
اليوم السابع : معكرونه + بطاط وزهر وقرع وجزر
اليوم التاسع : عيش + بطاط وزهر وقرع وجزر وكوسا
اليوم ال 11 : عيش + بطاط وزهر وقرع وجزروكوسا وبروكلي ……الخ

يعني كل يومين تدخلين صنف جديد

العشا : فواكه مهروسة ونفس طريقة الغدا كل يومين نوع جديد

وان شاء الله اكون افدتج وافدت باجي البنات ، لان دكتور ولدي اهو الي علمني على طريقة تغذية ولدي الصحيحة والسليمة .

بصراحه البنات ماقصرو
بس صج نصيحه لاااااااااتنسينها
ابدي بالخضار اولا والفواكه خليها بعدين
لانه اذا ذاق الحلو ماراح يحب الخضار

[QUOTE=هنوفه83;2835419]هلا حبيبتي الله يخلي لج وليدج..نفس عمر وليدي..
في عندج بالجمعيه معلبات اطفال ماركة جربير وااايد حلويين وممتازين اخذي نكهة التفاح والكمثري والخضار المشكله..
بس كل يوم عطي نكهه وحده مرتين يعني اول يومين تفاح وبعدين دخلي الموز وبعدين الكمثري عشان تعرفين اذا معدة ولدج حساسه من نوع معين وتقدرين بالبيت تهرسين له بطاطه مهروسه عالغدا عدددل مع شوي ملح وشربيه عصير برتقال مخفف بماي مثلا قفشتين بقفشتين…
وخليه يتذوق اذا قاعده تاكلين كيك عطيه شويه خيتعود على الطعم…
وبالهناااااااااااااااااااااااااااااااااااااااء والشفااااااااااااااااااااااااااااااااااااااااااااا اااااااااااااااااااااااااء[/QUOT

مشكوره ياقلبي على الرد ماقصرتي والله شريت جييربر بس ولدي ماحبه حيل

مشكوره نورتيني الله ينور عليج ابعطيه عصير برتقال

الله يجزاج الجنه راح ادور هالكتاب ابشتريه

مشكوره على الرد والنصائح

البنات قالو كل شى بس نصيحه ابدى بعصير التفاح المخفف مو البرتقال وبعدو عن المعلبات ولا تاكل شى فيه حليب بقر تو الناس او العسل انا اخاف واحب اسال الدكتور قبل اى شى والكيك لا لان فيه طحين وشكر وبيض حرااام تو الناس