شنو اريح لكم القعده في بيت رياييلكم ولا بيت اهلكم؟؟؟؟

هذا سؤالي وابي الجواب وخلونا نتناقش … خاصه اللي عندها غرفه ابيت اهلها .. يعني في حريم خواتهم احتلوا غرفهم فأكيد يرتاحون ابيت رياييلهم اكثر … انا اتكلم عن اللي اساسا غرفتهم لحد الحين موجوده .. يحسون بالراحه ابيت رياييلهم ولا بيت اهلهم؟؟؟؟؟

انا والله تعودت على شقتي شغلي فراشي اريح

مع انه بيت اهلي غرفتي موجوده بس على التعود شقتي اريح

لا والله انا مارتاح الا بشقتي

حتى اهلي يستغربون ليش ماحب انام عندهم

اكيد بشقتي

والله انا ساكنه بشقه بروحي مع ريلي وببيت اهلي عندي غرفه حتى بنتي عندها غرفه ببيت اهلي ببيتي وببيت اهلي ارتاح وعسى الله يخليلي اهلي ريلي يااااااااااااااارب

اكييييييييييييييييييييييييييييييييييييييد شقتي

ما اتحمل انام برا الشقه ابد ابد

الصراحه صرت ارتاح بشقتي اكثر من حجرتي في بيت ابوي ليش ما ادري

نار الريل ولا جنه الاهل
صج اني بدارين وحمام وانتي بكرامه بس ارحم مليون مره عن العيشه والوسع الي عند اهلي خليها على الله القعده في بيت اهلي تتلف الاعصاب
امي الله يهداها نار وشرار وصيحتها يا مع الخدم يا معاي ولا مع خواتي

اول كنت اوف اسكت ماصدق علي الله اروح بيت اهلي وانام عندهم عيد ووناسه ولويه وخبصه
بعدين يو اليهال
ويو الخدم
ويت اللويه
واحس ان صار ضيج
ومارتاح
وصرت جني عيوز حنانه حطو شيلو رتبو حوسه ليش اغراض
صفو الجناط
علقو الشيلات
وين الخدم
قمت اتضايق من حنتي ومن عمري

قمت شسوي
اقعد ابيتي مرتاحه
وننام كلنا بالصاله وخلاص

والله نفس الشي ما احس بفرق يمكن لاني ساكنه عند حمولتي

انا عندي غرفه بيت اهلي بس فعلا ما ارتاح الا في شقتي..خلاص تعودت وعيالي دايم يحنون
علي عشان ننام عند اهلي..بس فعلا اتعب من الحوسه ..عشان جذيه نادرا ما انام عند اهلى..

انا مع الاستقرار
وين ما تقطيني وتقوليلي اهني بتعيشين ما اغيره لو شنو
غرفة نومي في بيتي لها ولاء اكثر من غرفتي في بيت ابوي مع اني عشت اكثر بغرفتي ذيج
صارت الحين غرفة ولدي اذا راح لهم

انا ماصارلي متزوجة اربع شهور
استانس لما انام في بيت اهلي بس بديت احس ان شقتي اريح
واحس شي ناقصني لما اخليها حتى لو يوم

لا والله بيتي اريح