|
|
السلام عليكم ورحمه الله وبركاته
بنات اكتب لكم الحين وانا مخنووووقه تعبت خلاص ما عاد فيني اتحمل اكثر لي متى هالاهانه والمعامله الخايسه على ابو انه زوجي يعني لازم يهيني والالعن من هذا وهذا يبيني بدون راي ومعدومه الشخصيه كل ما قلت لا هالشي ما ابيه والشي مو عاجبني يقولي انتي قليله ادب والمفروض تتربين وانتي مو مال احترام انتي مال اهانه انتي واهلج وطوايفج انزين اهلي شكو انا زوجتك اتحمل اذا الحجي بس لي بس اهلي شكو وربي تعبت يمكن انا اكتب هني وانا ادري انه ولا وحده فيكم تعرفني ولا تدري عن حالي لانه للاسف كل الي حولي شماتهم وفرحتهم بحالي تسبق اي شي ثاني والالعن اني بعيده عن اهلي ولا اقدر اكلمهم الا بالتلفون ولا اقدر اوصل لهم شقول لهم لو حاجيتهم اقول ريلي مو مسوي لي قدر ويهيني على الي تسوى والي ما تسوى ولا سلمتوا انتوا بعد من شره الي قاهرني عيالي وحبي له اي احبه قلبي يحبه وعقلي كاره كل تصرفاته قولولي شسوي الله يخليكم وقولولي شلون اخليه يبطل هالمعامله وشلون اادبه نفسي انه يتحسن اسلوبه وياي
انتي لاتتضايقين وتكدرين على روحج صدقيني ماكو شي يسوا
انا من رايي تقولين حق احد من اهلج يكلمه عشان مايصير الريال يتكلم بالطريقه شنو وين قاعدين
او انج تطنشينه وماتردين عليه وتلهين بشي ثاني عشان يحس ان في شي غلط ويمكن يتعدل
او انج تكلمينه وتقولينله ان هالشي غلط وخل يحط روحه بهالموقف اكيد مايرضاها على نفسه وانتي زوجته شلون يرضاها عليج
وين قاعدين احنا يسبج و يسب اهلج مو يايبج من الشارع انتي بنت عايله
ترا صدقيني راح يتماجا اكثر اعرف وحده ظلت ساكته و ساكته 5 سنين تعالي شوفيه الحين يسبها و يزفها جدام امها وساكتين دخلت البنت الكل بالموضوع و ماكو فايده انتي وقفي عند حده لا يصير فيج مثل رفيجتي واذا ما نفع انا موجووده افا عليج
وبعض الازواج اسلوبهم جذي يحب ان هو اللي يبدي رايه والزوجه ماتعلق ولا يكون له وجهه نظر
وكل ماعلقتي قال انتي احد محرشج او مخبل فيج او فار مخج
اهم شيء لازم تسوينه تدعين ان الله يسخر لج زوجج وعليج بالاستغفار ثم الاستغفار والاستغفار قد ماتقدرين استغربي ربج واقري ايه الكرسي فقط مو لازمالبقره ولو تبين البقره كل يوم لو صفحه وحده
بس اهم اشيء الاستغفار لما له من فضل كبير ….
دمتي سالمه وموفقه
اذا انتي ماتبين الفراق وحابته
انزين اهو اذا عصب بس يطلع منه هالكلام ولا على طول بسبب وبدون سبب (( اذا كان هالكلام يطلع منه اذا عصب حاولي تتحاشينه كوني بعيده عنه واذا كان على طول جذي وانتي حابته وماتبين الطلاق دخلي احد كبير بالموضوع وشوفي بشنو يقدر يساعدج وان شاءالله يكون هالشي فيه حل لمشكلتج ))
لاحول ولاقوة الا بالله
الله يعينج ويصبرج ويجعل الياي احسن لج
تقبلي رايي
تحياتي
اسال الله العظيم رب العرش العظيم يسخرلج زوجج ويفرج همج
تقبلى مرورى عزيزتى
انتي من البدايه لما غلط ما بينتي له انج زعلانه او وقفتيه عند حده مو شرط بأنج تزعلين عند اهلج او ادخلين احد بالموضوع زعلي عليه وانتي عنده وبيني له ان هو ما يهمج ولا تنقهرين جدامه عادي حقريه ولا تعطينه وجه وعيشي حياتج واذا فيج بجيه لا تبجين جدامه يا قلبي الريال ما يحب المره لضعيفه اللي ما عندها ثقه بروحها ولا معتزه بنفسها خليه يحتار فيج يعني مثلا لو عصب وسبج لا تردين عليه ولا تعبرينه خليه يقول لين يخيب ثناه بعدين يجي دورج بالعقاب الصامت يعني لو يجي يبي حقه قولي اسفه مالي خلق احس اني تعبانه واذا حاول يفتح معاج موضوع ردي عليه بالقطاره على قد الكلمه بس على شرط هو اول شئ يمكن بيزيد عليج الجيله ويعصب اكثر بس طنشي وشدي على روحج لا تخقين من اول كلمه حلوه صدقيني اذا شافج معتزه بكرامتج راح يفكر باللي يسويه فيج وراح يفكر الف مره بالكلمه اللي بيقولها لج والله المستعان تمنياتي لج بالتوفيق
والله احسلج قولي لاهلج خل يوقفونة عن حدى الرجال ما ينعطى وجة
خل يعرف وراج اهل مو مقطوعة من شجرة
و ما شاء الله عليه دام اهو زاهد بالدنيا لازم يعرف ان حرام بالدين يعاملج معاملة خايسة و كلها سب فيج و بأهلج
ما شاء الله يحلل على روحه و يحرم عليج خوش والله
حبيبتى لا تبينين له انج ضعيفة صيرى قوية و لا تقولين بصبر عشان العيال
العيال حرام يعيشون ببيئة امهم على طول مهانه و مرد العيال بيكبرون و كلن بيروح بطريجه
و بعدين ؟؟؟؟ و انتى ؟؟؟؟ شراح يصير عليج ؟؟؟؟
لا تقولين اهلى بعيد و مابى اضايقهم اهلج عزوتج و انتى الظاهر حسسستيه انج مالج احد و هذا اكبر غلط لانه كلماله يتطاول عليج
لا دخلى اهلج اخوانج عمامج لازم يوقفون هالمهزلة