|
|
مرحبا
شلونكم؟؟
انا اليوم سجلت بالجامعة
المهم بنات بستفسر بخصوص اتحاد الطلبة دقوا علي اليوم وقعدت اتناقش معاي
بسالكم عنهم شسوي معاهم بخبرتكم الجامعية يعني يقولون لي لاتردين عليهم
يسببون لج مشاكل بعدين وماادري شنو ولاتعطين رقمج لهم
شرايكم صج ولاجذب هالكلام عنهم؟؟
واهم اللي عندهم المعلومات الصحيحه
واهم خدمتهم لكم ويسهلون عليكم
موفقه
واهم الجهه الرررئيسه والاهم اذااا تبين تستفسررين عن اي شي
و اهيا يعطونج المعلومات و يساعدونج بالتسجيل بالبداية منها دورهم و منها عشان الانتخابات 
و لا يسوولج مشاكل ولا شي اللي يقولج جذي عرفي ان من قائمة ثانية غير الممثلة للاتحاد
هذا تكتيك سخيف يتبعونه عشان ماتعطين رقمج لبنات القوائم الثانيه
وبالتالي صوتج يروح عليهم بالانتخابات
انا اقول ماعليج من احد وضبطي عمرج مع كل القوائم ، انتي طالبه استفيدي من الكل 
أما بنات القوائم العاديه لي الانتخابات عقب ما ينشافون ههههههههههههههه
الانتخابات شنو يستفيدون منها ولا يضيعون وقتهم على الفاضي
واذا بنات قالولكم لا تعطونهم ارقامكم معناته اهما اللي يسببون لكم المشاكل
بـ العكس الاتحاد وايد يساعدون ، يمه فدييييت التآلف بـ الاداب ولا وحدهـ فيهم قصّرت معآي او مع غيري
لوووووول اللي دقت عليج خليج معاها وتواصلي دايم معاها
واي شي تبينه بتساعدج فيه ، مايقصرون
دشو الاتحاد وكل تعبهم عشان البنات بس
لا تشوفينهم وقت التسجيل بالحررررر ينطرون البنات ويساعدونهم 
< مدحتهم وايد خخخخ لا بس جزاهم الله خير
ودي ادش معاهم :$ بس وين وشلون مادري !
ودازين مسج للقاء االارشادي
انا خرعوني اول ماتخرجت داقين علي
وقالولي جذابين ، طلعو مساكين يساعدوني وانا مو كفو سحبت عليهم لووول
ويتني فترهـ محتااجه مساعتهم ، ولأني سحبت عليهم تورطت شلون الحين ؟
ههههههههه لين حصلتهم وساعدوني :$
ويعطيكم الف عاااافية
فديتج حياج ويانا التآلف وبنات التآلف كلهم بالخدمه :$
أحلى بنوته
شوفي يالغاليه ..
كل سنة تصير إنتخابات عشان يشوفون منو الأجدر إنه يمسك إتحاد طلبة جامعة الكويت ومن 32 سنة والإئتلافية
ماسكه الإتحاد ولله الحمد ..
فـ بما إنهم ماسكين الإتحاد اللي اهو ( الجهه الرسميه ) بالجامعه والمخوله إنها تساعد الطلبة وتدافع عن حقوقهم
صار واجب عليهم إنهم يساعدونكم بالتسجيل وبالصاله وحتى عقب ما تدشين الجامعه لين تتخرجين إن شاء الله .. 
ولما نقول لكم لا تردون على بنات القوائم .. لأن في بعض بنات القوائم ( الله يهداهم ) يدقون على المستجدات ويقولون لهم
والله إحنا اتحاد وبنساعدكم .. طبعاً هذا جذب وغرضها بس صوتج بالإنتخابات .. وممكن يعطونج معلومات غلط ومو أكيده لأنهم
قوائم مو جهه رسميه اللي يكون لها صلة مباشره مع الإداره الجامعية ..
وووبس هذي السالفه