شنو أظرف موقف صار لج بأيام الملجة مع زوجج؟

السلام عليكم يا أحلى بنات المنتدى حبيت ارجعكم جم سنة الى الوراء ونتذكر اظرف موقف صار لنا في ايام الملجة وانتى توج متزوجه وتستحين من الزوج وايام حلوووووووووووه والله السنوات تركض جان زين ترد هالايام الحلوه
انا اظرف موقف صار لى انا تونى مالجة واحنا طبيعتنا نملج بالمحكمة مو بالبيت واحنا تونا مالجين خلصنا ورحنا شربنا عصير وبعدين رحنه بيت اب زوجي وكلهم كانو منتظرين واقفين بالحوش وماسكين الحلاو علشان يكطونه علينا (نون) وانا وزوجي تونا داشين من الباب السكه وانا داشة ولا اشوف نفسي ماكو احد يمه ولا ادور ورا ولا زوجي زالق وطايح يم باب بيتهم والغترة والعقال طايح وعفسته عفسه هذا اليوم ما انساه مت من الضحك عليه اهو ابروحه غصب حاط العقال والغترة وبعدين زلق انا فطست من الضحك وكل اللى ناطرينه ماتو من الضحك انتو متصورين الموقف امبيه كان روووووووووووووعه ومصور بكاميرا الفيديو هذا اول يوم لنا وجذيه ويايتكم المواقف الظريفة وعطونا مواقفكم الظريفة الحلوة وردودكم الحلوة أم عبود درة^ الكويت

اقتباس:

المشاركة الأصلية كتبت بواسطة درة ^ الكويت السلام عليكم يا أحلى بنات المنتدى حبيت ارجعكم جم سنة الى الوراء ونتذكر اظرف موقف صار لنا في ايام الملجة وانتى توج متزوجه وتستحين من الزوج وايام حلوووووووووووه والله السنوات تركض جان زين ترد هالايام الحلوه انا اظرف موقف صار لى انا تونى مالجة واحنا طبيعتنا نملج بالمحكمة مو بالبيت واحنا تونا مالجين خلصنا ورحنا شربنا عصير وبعدين رحنه بيت اب زوجي وكلهم كانو منتظرين واقفين بالحوش وماسكين الحلاو علشان يكطونه علينا (نون) وانا وزوجي تونا داشين من الباب السكه وانا داشة ولا اشوف نفسي ماكو احد يمه ولا ادور ورا ولا زوجي زالق وطايح يم باب بيتهم والغترة والعقال طايح وعفسته عفسه هذا اليوم ما انساه مت من الضحك عليه اهو ابروحه غصب حاط العقال والغترة وبعدين زلق انا فطست من الضحك وكل اللى ناطرينه ماتو من الضحك انتو متصورين الموقف امبيه كان روووووووووووووعه ومصور بكاميرا الفيديو هذا اول يوم لنا وجذيه ويايتكم المواقف الظريفة وعطونا مواقفكم الظريفة الحلوة وردودكم الحلوة أم عبود درة^ الكويت

هههههههههههههههههههههههههههههههه

مسكيييييييين طاحت هيبته

بس زين اول مره معرس يهف على ويه
العاده كله العروس مع كعبها تهف

انا موقفين خايسيييييين
عقب ملجه رحنا مطعم ولابسه كعب اشطووله
واحنا قاعدين بطاوله جان ادووس على ريوله واهوه كان لابس تكرمون نعال
مسكييييين نقز نقزه قالي ولييييييييييه هذي اولها تتحرشين فيني

امبيه انصفق ويهي الله يخس ابليسه فشلني

وثاني يوم هم طلعنا ويوم كان يبي يقطني بيتنا واحنا بسياره واقفين عند باب بيتنا

جان يقولي حطي ايدج وراي
انا استغربت
شنوو قالي حطي ايدج ورااا

جان احط ايدي على ظهر ههههههههههه

جان يقولي لاااااه
حطي ايدج ورا الكشن السياره
امبيييييييييه قص ويهي مره ثانيه
وقام يضحك يقولي لاحقه على رزقج اليووووم اليوووووم ههههههه

ومن فشله ما استوعبت
لما اهوه طلع جيس ومن ورا ولا ياب لي هديه طقم الماس ناعم

امبييييييه جان اخمطه وانحاااااش من فشله

ليومج هذا يطفرني يقولي انت من اول يوم ميته علي وتتحرشين فيني

لين تذكرت موقف بخبركم

واي احس فشله وقصت ويه اذا صار الموقف جدام اهل الزوج عااااااااااااااااااد حق الشماته والضحك زاهبين_03ba:

اول ايام الملجه كنه رايحين اندور صاله حق العرس طبعن الصالات كانت كلها فل المهم صار حزت الصلات وحنه بره البيت المهم رحنه بيت يدتي الانه كان اقريب علينه المهم صلينه وخلصنه قالي فشله نطلع خل نقعد عند يدتج اشوي
ويليتنا ماقعدنا
يدتي من النوع الي اتموت على سوالف من السره وانتي نازله واحب سوالف قمصان النوم وعلى فكره لمن وحده اتجهز قمصان نوم لازم اتكون موجوده وماترضى الابالمفصخ والصروال لازم خيط
اول ماسولف شنو قالتله
قالته عندك من السره وفوق حلالك بس من السره وتحت ماتقرب صوبه الا بعد العرس
انا موبس انقص ويهيه مسكين حتى اهوه انحرج
المهم عاد الحين ماتعرف تسكت لازم اتكمل سوالفه الحلوه
قالتلي اليوم رحت مع خالاتج السوق وشريتلج صراويل
وريلي يبي يضحك بس مو قادر خفت اتخوره بالحجي اكثر قتله خنمشي علشان انخلص شغلنه
واحنه عند الباب قالتلي صبري بيبلج شي وتيبلي جيس
وانا من لقافتي سألتها شنو هذا قالتلي هذيل الصراويل بوخيط الي شريتهم اليوم لبسيهم انزين لاتشوفون شنوصار فيني
والله صج صج قصت ويه المهم لمن ركبت السياره طبعن الحبيب مستانس يقولي وريني الي بالجيس من القهر والفشله بجيت
بجي وهوه بس يسكتني

والمرة الثانيه رايحة الصالون وانا نازله زلقت بالدرج وطحت وضحك ضحك والحين صارتله عقدة كل ما امشي يقول ديري بالج وانا اقوله

شنو شايفني ما عرف امشي