شلون نتصرف مع عيالنا المراهقين خاصه البنات

أنا مآني مربيه ولآ شي …
بس بنصحج .. بكوني أيضا ً أُعتـبر مرآهقه :$

/

حآولي حآولي تكسبينهآ قد مآتقدرين … بتقولين شلون ؟؟
أقولج شلون ..
يعني لآ تتعآملين معآهآ على إنج أمهآ .. أدري هالشي صعب بس حآولي مجرد هالفتره …
تعآملي معآهآ كـ صديقه .. وأخت .. وحبيبه …

اضحكي وتغشمري …
تكلمي بالخصوصيآت … لآ تقولين لها ( سوي .. حطي .. لاتسوين جذي .. هذا لأ .. هذا إي )
ابتعدي عن كلمة ( عييييب … مآااايصير … ممنوع …)
لأن هالكلمآت بتبعدهآ عنج …. حتى لو إنه فعلا ً عيب …
فهميهآ …. قوليلهآ بصوره غير مبآشره ..
وهي بتفهم صدقيني ..

بالنسبه للطلعآت …
أنا أكبر منهآ وأنقهر إذآ قلت بطلع مع رفيجآتي أو أي أحد
وقآلولي أهلي لأ …
فـ مآ بآلج في بنتج اللي توهآ بأول مرآهقتهآ ؟؟؟؟

قولي أوكي … واطلعي انتي معاهم ؟؟؟
شوفي رفيجتهآ ؟؟ شكبرهآ ؟؟ يمكن عندهآ خوآت كبآر ؟؟
يمكن يعني البنت جيده مش سيئه ؟؟
لأتقولين لأ سيده !!
ترآ قـهر ..

قولي مع منو ؟؟ منو ويآكم ؟؟ شعندكم ؟؟ جم مدة الفلم ؟؟
منو بيوديكم ؟؟ منو يردكم ؟؟
يعني اخذي وعطي … لاتسدينهآ سيده لأ !!!!!

اللي بعمرنآ قليل تلقينهم محتكين وحيل مع أهلهم …
أكثر شي تلقينهم مع رفيجآتهم ومع اللي من طقة أعمآرهم … نفس الأفكآر
نفس الأسلوب .. التفآهم سهل .. التوآصل سهل … مآفي حوآجز …

لآتحرمينها من رفيجآتهآ .. والطلعه معآهم .. تعرفي على عايلة رفيجتهآ ؟؟
خلو طلعاتكم عائليه … انتي وبنتج … ورفيجتها وأمها ؟؟؟
خلي يزورونكم بالبيت ؟؟ زوريهم بالبيت ؟؟ تواعدو برآ ؟؟ كلكم يعني جماعه ..

لأنه بنفس الوقت مانقدر نقول لا والله خليها عاااادي لأنه هم مآيصير ..

انتي حآولي شوي تتركينهآ على رآحتهآ …
لاتتدخلين حيييييييل بكل تفآصيلهآ … ولا تبتعدين حييييييييل …

لاتضغطين عليها بخصوص التصوير !!!!
خلآص قآلت مآبي مآبي …
غصب الصور ؟؟

أنا صوري كنت أجمعهم وأشخبط عليهم أو أشقهم :$
عآاااادي جدا ً هذي مجرد مرحله وتعدي …
مش لأنها مو حلوه أو مو واثقه ؟؟

بس هالمشآعر طبيعيه جدا ً لآتحآتين …

انتي استمري بامتدآحهآ ….
بملآبسهآ … شعرهآ … جسمهآ .. طولهآ … أي شي حلو فيهآ امتدحيه …
عشان تثق بنفسهآ تماما ً ..

لآ تقولينهآ بطريقه يبين انه والله بقول جذي عشآن أرفع معنويآتج :/
لأنه ترآ نفهم المدحه الصجيه من الترفيعه هههههه

قوليهآ بالوقت المنآسب ….

اذا طلعت فنانه أو شي بالتلفزيون أو مجله أو ي شي …
قولي انتي احلى منها بخشمها مثلا أو يعني جذي …

ودي اكتبلج شغلآت وآجد بس مآدري شلون …
بنفس الوقت مو فآهمتج عدل .. انتي مسافره ولا شنو وبنتج ليش ماعندها الا رفيجه ؟؟

المهم اللي بوصله لج إن الأمر جدا ً طبيعي …
ولآتكبرين الأمور ….

اقتباس:

المشاركة الأصلية كتبت بواسطة sereen بعد عمرى انتى ماقصرتى احنا فى امريكا صعبة اخليهاتطلع مع الامريكيات تدرين غير عنا خاصة العلاقات عادى اصلا يشجعون عليها بنتى احسها ماتعرف تعامل مع الناس فىالبيت غير برا هادية صاااخه بلبيت هاديه بس ماتضحك ماتعرف الغشمرة مرات احس جنيت عليها بسفرنا مدة طويلة

يآقلبي تردون بالسلآمه إن شآ الله ,,,
مآتنلآمين والله …

حآولو تحتكون بالعرب اللي معآكم ؟؟؟

عآدي حتى لو مآتضحك شفيج عليهآ ؟؟
كيفهآ خليهآ على رآحتهآ لآتكثرين تعليقآت تعقدينها جذي

أنا تعقدت من كلآمج عنهآ .. حرآم ترآ حيل مكبره المسأله
بنتي حديد … بنتي عنيده .. وااااي من بنتي … بنتي هم … حرام والله كلآمج يكسر القلب
لو أنا هي وأدش أشوف أمي تقول عني جذي أتحطم

اقتباس:

المشاركة الأصلية كتبت بواسطة sereen تسلمون بنات ماقصرتوا طبعا انا بعد فترة من كتبت الموضوع والحين راجعه لكم اقولكم شنو صار كلمة الابو ان يخف الضغط عليها ويمدح فيها ومايدخل بينى وبينها مثل ماتقولون اى شى يصير بس منى لها لان اهى عنيدة وماابيها تتعرض لشى ممكن ياذيها منا خاصه ان اهو شوى قاسى بالتعامل بالاحرى مايعرف يتعامل مع البنت للاسف يعنى اشوى صار ينعم معاها بالكلام بس اهى الله يصلحها ويهديها نااااشفه ماتعطى ريج حلوووووووووو ابد طبعا اهى اللى صايرا رفيجتى موبكيفى الوضع اللى احنا فيه فارض علينا يعنى انا ربع عرب مافى الا وحدة او 2 وقيليل الاحتاكاك معاهم واذا طلعنا مرات بنتى ماتحب تطلع معانا لان كلامنا تدرون مايستهتويها , والحين سجلتها معاى فى النادى نروح مع بعض عل وعسى اشوى تتغير شخصيتها للاسف ماعندها ربع بروحها تمشى بالنادى كل لبنات معاهم ربع الا اهم اولا لانهم يايين من مدرسه وحدة وهى من مدرسه غير واهى اصغرهم بالغلط سجلوها المفروض ماتتسجل بس عدة منها , يعنى مرات اقول سفرنا جنى عليها مرات اقول هذا المراهقه وصل فينى اسال رفيجتى عن فترة مراهقتها اتقولى انا مثل بنتج بس عاد اعاد بس هم اسمع الكلام على اشياء معنيه مو بالمرة يعنى اااااااااااااااااااااااااااااااااااخ برجع تعتب ودى امى تساعدنى خواتى يشيلون معاى تعبت والله تعبت والعيال تعبوا

زييييييين تسويين ,,
جزآج الله خير انج سجلتيهآ معآج …. خوش تصرف
وبعد انج كلمتي أبوهآ .. زين تسويين …

مآعليج إ نشآء الله فتره وتعدي وبآجر تشوفينهآ تشيلج وتشيل عيآلهآ بعد ,,,
اللحين اجتمعت سفركم للخآرج عل مرآهقتها على وحدتهآ على البلوغ على هالسوآلف ,,,
وقآعد يصير اللي تشوفينه اللحين …
انتي طولي بآلج …
ونهآئيا ً نهائيا ً لآتضغطين عليهآ ..

صج بسألج …
عندهآ تلفون ؟؟ أو لهآ بالنت والمنتديآت ؟؟؟؟

حولي انج تخلين لهآ وسيله للتوآصل مع رفيجآتهآ بالكويت وبنآت خآلآتهآ ويعني البنآت
بشكل عآم اللي بعمرهآ ؟؟؟
حرآم جذي لحآلهآ