شلون كانت شخصيتج قبل الزواج وشنوصارتبعد الزواج؟؟؟

هاااااي بنات

أبي كل وحده تقول شلون كانت شخصيتها قبل الزواج وشلون صارت بعده ؟؟

يعني تغيرت شخصيتها والا لا؟؟؟؟وشاللي تغير فيها؟؟

أتمنى الموضوع مايكون مكرر

اييييييييييييييييييييييييييييييييييييييييه دستي عالوتر الحساس

كنت غييييييييييييييييييير اولا كنت انا وبعدي الطوفان يعنيي لا شايله هم بيت وعيال ومسؤلياااات مجابله النت ورفيجاتي لا مشاكل ولا بلاوي وبعدين كنت نفسيا مرتاحه اكثر كنت على طول اضحك

الحين الحمدلل على كل حال الله رزقني بريل و ولدي الله يخليهم لي بس حياة العزوبيه بالنسبه لي وايد اريح

اي ولله نباطه العزوبيه واااايد اريح :
انا الي تغير فيني كنت لا مبالاه وكل شي عااااااااادي عندي كل شي ايزي وماعصب بسرعه ولا اهتم لشي الحين لا كل شي اهتم فيييه حتى اصغر الاشياء وصايره استغفر الله بس اعصب..
وقبل اطلع على كيفي مع رفيجاتي الحين لا استغفر الله

MaZyOoOoNa : اخخخخخخخخخخخخ مزيوووووونه اناااا مابي اطلع معا رفيجاتي انا ابي اشوفهمممممممم بس استغفر الله الزواج قلب حالي فوق حدر احس مو انا نباطه الاوليه هههههههه

اي والله ياحلات العزووووبيه قصدي الحريه لوووووووول

قبل الزواج كنت حييييييل انحرج لي درجه اذا قاعده عند بنات وقطو علي كلمه ما ارد وجهي يصير طمااااااااااااااااااااطه اما بعد الزواج الحمدلله اكلها هي واهلها هههههه صارت فيني جراءه حييييييييييل وقبل الزواج مو اي مكان اقدر اروحله الحين وييييييييي اخر حريه الحمدلله يارب وصارت لي كلمه وبس

قبل الزواج كنت انطوائيه ومحد يسمع صوتي وضعيفة الشخصيه
وبعد الزواج صرت اجتماعيه واحب اليمعه وصوتي صار عالي وقوية الشخصيه
الدنيا تعلم الحجر
ان لم تكن ذئبا اكلتك الذئاب

والله حبيبتي انا صار لي تقريبا متزوجه 8 شهور

بس حسيت ان عندي صفات تغيرت

اول كنت من ازعل من احد (انا ما ازعل الا اذا بلغ السيل الزبى) افجر فيه و امشي ما علي اصلا اعطيه أكس من حياتي .. بس الحين احاسب على كل كلمه اقولها وصرت لينه اشوي

قبل كنت عنيده ونوعا ما انفيسه … بس الحين العناد فجيت عنه وما انفس كلش خاصه مع ريلي واهله

ومشكوره على الموضوع حبيبتي

كنت ….. حييييييل طيبه وعلى نيتي اللي بقلبي اقوله من غير تفكير ولا حتى ارتب واصفصف الحجي وما عندي شي اسمه سررر

ألحين ….. اثمن الحجي واسولف على قد السالفه وكل حياتي اسرااااار

انا اقولج شخصيتي كنت واااايد ينيه
لي درجه ان الكل يسولي اللي ابيه
وكنت وااااايد اطنقر وبسرعه ازعل
اذا احد مسني بطرف صبعه عالطول
شراره اغلب ما صير الحور اصير ينيه ..

اللي اخليه البيت كله يطلع منه .. لي درجه انه عندي واحد من
اخواني نفس شخصيتي لي شافني عصبت يطلع من البيت ..

المهم بعد مرور الايام وزمن ..

تزوجت الحور >>>>> توقعت انها راح تعيش نفس حياتها وهي بنت ..
من كثر ماني واثقه اني بعيش حياتي نفس قبل ..
حصلتلي وااااااايد مشاكل مع ريلي حبيبي لاني ماكنت اعرف لطبيعته
وهم هو ماكان يعرف لطبيعتي .. قصه ههههههه ..
المهم تغيرت صرت حليوه قلبي عالطول ينكسر صوتي ما قام يعلى
لي درجه ان الكل استغرب من شخصيتي بعد الزواج
وكنت اقول اشلون انا كنت شرانيه واااايد ..
على قولت اخوي زين سوا فيج ريلج كسر راسج وخلاج حليوه ..
وينه ريلج من زمان .. لو ادري انه بيسوي فيج جذيه زوجتج وعمرج 10
سنين هههههههههههههههههههه ..

انا قبل كنت استحي و و بسرعة ازعل
الحين صرت جريئة اكثر و زدات ثقتي بنفسي و صرت اطوف و اييد اشياء واتنازل عن اشياء وايد سواء مع زوجي او مع الناس
قبل كنت اشوف انه اهلي كل شي يسوونه صح الحين صارت لي نظرة انه صج اهمه اهلي بس مو معصومين من الغلط

كنت ما اعرف اخذ حقي و عبيييطه الحين صرت جريئه بالحق طبعا و ماخذه حقي و خصوصا ان اثار 9 سنين زواج بدت تظهر علي صار فيني لا مبلاه اذا زوجي طلع و تأخر ما قام يهمني وايد اشياء تغيرت ما اقدر اختصرها

بعد الزواج صرت عصبية وحنانه

والله انا قبل الزواج كله شايه عبدالقادر على راسي لووووووووول
وايد كنت عصبية و زعولية وكله هايته وابي اطلع

بس الحين تغيرت 180 درجة !!!!!
صرت وااااايد هادية ومالي صوت حتى بالدوام ساكته ومالي شغل بأحد
ما اطلع ولا اروح مكان وكله بالبيت مع ريلي وعيالي

قبل الزواج دايم اسولف واضحك وشخصيتي مرحة واحس بالمسؤولية وخوافه بعد الزواج هادية سرحانة قليلة الكلام بس والله ينقهر خخخخخ وماخاف حتى منه وماصرت احس بالمسؤولية حتى بنتي احذفها عند امي بالاسابيع مرات ازورها وارجع مالي خلق حنتها بليل او تصحيني من النوم زين تحملتها اول 3شهور وامي مسكينة اتقول بربي من اول وجديد