|
|
شلونكم بنوتات
حبيباتى رفيجتى ناويه تسافر هالشهر
وعمر بنتها شهرين وحدها محتاره وسفرتها كلها اسبوع وريلها غاصبها على السفره
يبيها تطلع من جو الولادة والنفاس لانها وايد تعبت وبقت تموت بالعربي صار فيها اكتئاب
تقول اشلون اسافر احس ماقدر اقط بنتي
ساعوها بنات هالشي طبيعي والا لا؟؟ وشلون تصرفتو ؟
انا اقول خل تسافر وتجدد طاقتها وتغير من الروتين وتستانس مع زوجها ولاحقة عالياهل ..
بس تتاكد انه بأيد امينة
مثل امها او اختها
ترا هالشي طبيعي .. الاغلبية يسوونه
انا بصراااحة اتكلم عن نفسي .. هديت بنتي عمرها شهرين ورحت لبنان .. كان عندي شغل
ورديت الديرة حجزنا للعمرة انا وزوجي 3 ايام
ولما صار عمرها 6اشهر رحنا تايلند 10ايام .. لأني ادري ان امي بتعتني فيها وتدير بالها عليها اكثر مني لووول
قوليلها خل تروح تسافر وتستانس لان بعدين راح تتحسف انها ماراحت ..
بس اذا عند احد تثق فيه ماعليها شر
وكلها اسبوع نصحيها تغير جو وموعيب تفكر بنفسها ولاتحس بعقدة التقصير انها مخليه بنتها لازم تشم هوا وتتفسح وتجدد نشاطها وتلتفت لريلها وبترجع بحماس اكثر ومزاج احلى
انا ولدي عمره اسم الله عليه بيكمل 5 شهور ومسافره اللاسبوع الجاي ان شاء الله وباخذه معاي
حتى لو يتعبني فديته
أنا سافرت وكنت أفرفلا بالسفرة قلبي ما كان مطاوعني أخلي بنتي كنت باخذها معاي اسمالله عليهاريلي أصر أخليها وخالتي الله يطول بعمرها ما خلتني آخذها
بيني وبينج هالتجديد مطلوب بعد الياهل تصير الحياة عفيسه و سهر و تعب
دامها بإيد أمينة لا تحاتيها و الأم تطلع مشوار ترد تنشف تبي تشوف عيالها بالسفر أنا استخفيت بس خل أقولج شغله
لا كل شوي تييب طاري الياهل قبال ريلها ولا تبينله هالكثر متحرمصة و مشتاقة ما ردها بترجع للسهر و الواق و الويق
خل تعيش شهر عسل ثاني وتجدد من الروتين
الله يوفقها و يوفق الجميع
وخل تحمد ربها انا زوجها اهو اللي مصر يوديها
ختروح تستانس
عاد انا عكسها ودي بالسفره وزوجي مو مطاوعه قلبه يخلي بنتنا
صج لا قالوا البنت بنت ابوها
انا سافرت وهديت ولد اختي عمره سنتين والله رحت تركيا اسبوع طبعا من ركبت الطياره بجيت بجي اختنقت يابولي اوكسجين ما استانست الا يوم وصلت مطار الكويت
معنه مو ولدي
والحين ولدي قاعده احاااتيه ودي اسافر ورا الاربعين بس مابي اخليه قلبي يعورني
تغير جو وترتاح كم يوم من بعد تعب وتجدد العلاقه بينها وريلها
توديه عند أمها تدير بالها عليه
بالأول بضيق خلقها اول ماتركب الطيارة وبمجرد وصولها للديرة اللي رايحه لها بتلهى
بس يتم البيبي ببالها وبقلبها *
صج بتقول صغيرة بس اذا كبرت ما بتقدر اتسافر بدونها
أنا سافرت عن بنتي وعمرها اربع شهور وكانت صغيرة وما اتفرق
والحين صار عمرها سبع شهور ومااتخيل اني أسافر عنها لأن صارت متعلقة فيني حيل
خل تستغل الفرصة دام يتها الحين*
احسنلها تروح تسافر وتستانس وتخلي بنتها عند امها
انا ما هان علي اخلي ولدي
يوم تم سنه وشهر سافرنا دبي
بغيت اخذه بس امي وزوجي خليه احسن
وكسر خاطري زوجي لاننا ماصرنا نقعد مع بعض بروحنا نفس اول
والحمدلله استانست بس شريتله كل اللي بالمولات
ويوم صار سنه ونص تقريبا رحنا مصر وجنني
الله يحفظهم