شلون تنقذين حياتج الزوجية من الانهيار _ دورة _

[CENTER]قوووووووووووة كويتييات

بما اني كويتية واحبكم ودي اطرح هالدورة عليكم
منو فينا ما وصلت لمرحلة تبي الطلاق وما تبية ومرت بازمة صغيرة او كبيرة بزواجها
يعني طلبت الطلاق واهيا ما ودها تتطلق ويفشل زواجها وتنهار عايلتها ويتشتتون عيالها
منو فينا ما وصلت لمرحلة الانفصال العاطفي والجسدي
اكيد اللي تقرى الموضوع وشدها العنوان اما خايفة من هالمرحلة
وخايفة من فراق زوجها و اكيد ودها تنقذ هالزواج ويستمر اما لكي تنجح بالعلاقة الزوجية وما تصير فاشلة او لتضل الاسرة متماسكة او انها تمر بحالة زوجية مو عاجبتها ووضعها مو عاجبها!!!!!!!!!!!!!!
انا راح اطرح دورتي باعتمادي على الدكتور فيل المشهور واللي اسمة الحقيقي
فيليب ماكجرو يعني باقتبس افكارة وبحولها بالعامية بالكويتي
راح تكون دورتي طرح واقتباس كويتي لكتابة كيف تنقذ علاقتك الزوجية من الانهيار ولكن باضافة بهارات وامثلة كويتية لنستمتع بهالدورة ونتناقش ونتباصر بيناتنا بطرح الامثلة والقصص المؤيدة لهالموضوع اللي بنطرحة
وارجو منكم يا متزوجات تنضمون لي وتتابعون النصايح القيمة اللي راح نطرحها على اللي خايفة على علاقتها الزوجية من الانهيار

فلنبدأ

بسم الله الرحمن الرحيم

راح نكون جدا واقعين بهالدورة
وانتي تمرين باي ازمة صغيرة ولا كبيرة بحياتج الزوجية ماراح اقولج روحي غيري صبغتج
ولا روحي حطي ورد بسريرة ولا اخذيلج ليلة بفندق وغيروا جو
لالالالالالالالالالالالالالالالالالالالالالالالالا لالا
راح نبدى فيج بالاول راح نعدل بافكارج السلبية
راح نواجهج باخطائج بكل صرااااااااااااحة فلا تزعلون منا
يعني راح نبدى فيج بعيوبج
سواء عصبيتج برودج طيبتج اللي تخلي ريلج يستغلج اهمالج ,,,,,,,,,,,,,,,,,,,,,الخ
فراح نشوف نفسنا بالاول بنظرة واااااااقعية يعني ما ابي وحدة تقولي انا مو مقصرة كلنا عيوووووب فراح نفضح عيوبنا مع بعض
وبنتناقش بهالعيوب وشلون نغيرها ونخليها ما تهدم حياتنا الزوجية
وراح نستعيد الثقة بنفسنا وناخذ قوة بعد هالدورة عشان نقدر نعطي اكثر لان العطاء والطيب والابداع يحتاج لمزاج واحنا محتاجين هالمزاج عشان نقدر نواجه المشاكل والتحديات بالزواج وما نفشل
اوكي يا منضمات للدورة
لان اللي ودها تنضم للدورة تسجل اسمها او تكتب بنضم لان ودي اتابع التطور الايجابي بعد الدورة للي تحب
وبما انج قريتي موضوعي للنهاية فاكيد انتي احد ركاب قطار الانهيار الزوجي او يمكن انتي متحة لكارثة او لطلب طلاق
وانا ادري انج ما ودج تركبين قطار الطلاق ,,,,,,,,,,,ح ولا لا؟؟
فانتي تبين تنحبين وتحبين
وما تبين تعانين وتتعذبين
واكيد حاولتي قبل ان ما تفشل هالعلاقة بس محاولاتج فشلت
انتي ما تدرين شلون وصلت علاقتج بزوجج لهذي المرحلة صح؟
انتي مافيج اي عيب وتقدرين تنجحين بهالزواج
بس حاولي صح
انتي مو ناقصج شئ عشان ما تنجحين بزواجج
بس اول شئ بواجهج فية ان زواجج سبب ازمتة انتي اي انتي
لان مزاجج السئ من وقت لي الثاني هو اللي خرب الزواج
شلووووووووووووووووووون
انا اقولج شلون
ليش ما صارت المشكلة قبل 5 شهور او 5 سنوات شمعنة الحين صارت المشكلة والازمة وطلب الطلاق او الرغبة بطلب الطلاق
انتي اخترتي هالشئ بعقلج لانج تعبتي
نبيج ترجعين تتحكمين بمشاعرج وافكارج وترسمين لج خطة غييييييييييييير
نبيج تبرمجين نفسج بالاول وتتغيرين داخليا قبل خارجيا
فاي علاقة سيئة ما استمرت الا انج غذيتيها
يعني هل انتي اخترتي زواج فاشل بتقولين اكيد لا؟؟
بضربلج مثال المتين متين لان عادات الغذائية وبيئتة خلتة متين مع ان ما ودة ان يكون متين
لكن الرشيق عاداتة وبيئتة خلتة رشيق ومتمتع برشاقتة لانة يقلل اكل ويلعب رياضة صح
يعني هالمثالين لوحدة ناجحة وسعيدة بزواجها وثانية فاشلة بزواجها وتكرة زوجها وودها تتطلق
فكل وحدة قاعدة تسوي شئ يؤدي لنيجة تبيها او ما تبيها بتحلها
سويت هالدورة
لاني لاحظت مع الاسف ضئالة الردود بحل مشاكل المتزوجات فاغلب الردود توقف مع المرة او تدعيلها او تتعاطف معاها او تقولها سوي نيووووووووووووو لوووووووووووووك (!!!!!!!!!!!!!!!!!)
راح تقوليل انتي ما تدرين عن ريلي وعيوبة وعن الجحيم اللي انا عايشة فية
ولا ريلي بيطبق شئ والايد الوحدة ما تصفق ومحتاجنة يساعدني
بقولج انتي بقوتج اللي راح تتعلمينها بهالدورة راح تاثرين علية من غير ما يدري
لاني انا اكلمج انتي مو زوجج
وماراح تقدرين تسيطرين على زوجج
لكن تقدرين تلهمينة وتاثرين علية عشان يتغير
راح نخليج تبتعدين عن الهواش وتبدين حياة جديدة
راح توقفين عن تخريب علاقتج ونفسج
فالريال ما يقدر يتهاوش بروحة ولا يتناجر بروحة
ولا يزعجج وانتي مو مزعجتة
لانج مهما كان معصب راح يكون مزاجج عال ومستانسة ومتفائلة وعايشة بسلام ويا نفسج بالاول وياه بالاخر
فابدوا بالتسجيل والانضمام يوميا معاي مع فلوووووونة بتتحسن علاقتج الزوجية ان شاء الله[/CENTER]

اتمنى محد فيني يوصل لمرحلة الطلاق و اخذوني معاكم

تقبلي مروري

انا مشكلتي الغيره…. والغيره مش بدون سبب لا هذي سببها اشياء وايد

اكثر من مره اكتشف خيانات زوجي مع العلم انه يحبني موووووووووت ويستمتع بوقته معاي وانا عارفه هالشي.. بس مايخلي الحركات

كل ما اكتشفه ينصدم ويتأسف ويبين انه مايبي يخسرني.. وعقب فتره الاقي اشياء تدل على وجود وحده ثانيه

هو صار له فوق السنه ماعنده شي ولا شفت منه شي واحس بحبه لي وحنانه واتصالاته واهتماماته بس انا صرت اشك في كل حركه وكل روحه وكل جيه

احاول اتمالك نفسي اكثر المرات بس اغلب الاحيان انفجر واتهاوش معاه لدرجة اني احس اني اكرهه وهو يقول طفشتيني

ترى انا اعرف ان اغلب المشاكل انا اللي ابدأ فيها وبدون سبب لاني اشك فيه.. فقدت الثقه بنفسي مع انه يحاول يثبت لي العكس

كيف اتخلص من غيرتي وكيف اتعامل مع المواقف بدون حساسيه؟؟