شلون تعودين زوجج عالصرف بزياده

مرحباااا بنات
في كثير بنات يقولون ان ازواجهم طيبين و كريمين لكن بحدود
يعني يعطيها ويصرف عليها و عالبيت بشكل حلو
لكن بالنسبه للكماليات يستخسر يقط زيادة
ادري انه مو شي مهم لكن خل اعطيكم امثلة

لو انتو محتارين بين ديرتين بتسافرون لهم
و اهو عنده فلوس
راح يختار الديرة الارخص

لو صار عيد زواجج او ميلادج غالبا يختار هدية حلوة لكن بسعر معقول (ما اقول رخيص لكن كل شي عنده بحدود المعقول)

لو انتو طالعين لمطعم و احترتوا بين اثنين راح يدور الارخص

كذلك بالنسبة لمحلات الملابس و الفنادق

لاتفهموني غلط انا ما اقول ان هالشي سلبي تماما
لكن احيانا الواحد وده يدلع نفسه شوي

اقصد دايما يدور الارخص بالكماليات
و هو مو ناقصه فلوس ابدا
شلون الوحده تغير طبعه
وتخليه يدلع نفسه قبل لا يدلعها
لانه يختار الارخص لنفسه بعد
يعني مثلا بيشتري لنفسه ساعه ماركة
يختار ارخص ماركة حلوة
يعني مو بخيل ابداااا لكن حريص بزيادة

اتوقع في شكثر بنات يعرفون عالنوعيه
انتو شرايكم يابنات
نبي اهل الذكاء الانثوي

زين لما يختار الارخص
ليش ماتقولين
لا ذيك الديرة اونس
ولا هذاك المطعم احلى وانظف
شنو بيقول؟

الله يوفقج ويسعدج ان شاءالله
بس زوجج من الناس الحريصه واللي عنده امل انه يلقي ارخص وافضل قبل لا ياخذ شي او يقدم على شي يحاول يدرس الامر من ناحية الافضل والسعر مدبر ومقصد عادي الامر وطبيعي .

شوفي أختي .. اللي تقولينه موب بخل .. هذا سلوك حرص سببه أكيد إن الريال تعب لين توفرت عنده فلوس .. أدري إحنا نحب الأشياء الزينة والغالية والماركات .. بس يمكن هالشيء هو موب مقتنع فيه ..

أعتقد الحالة التي تقولين عنها ممكن التعايش معاها بشكل عادي .. المصيبة لو كان بخير ويقصر في الضروريات ..

بالنسبة للكماليات ممكن تلمحين له مرة واثنين عن الشيء اللي تبينه .. والأفضل تقترحين معاه إنكم مرة بالشهر تدلعون عماركم بمطعم راقي أو هدية عليها القيمة

والله يسعدج ويسخر زوجج

تصرف زوجج جدا عادي ماله صلة بالبخل
وهذا الشي حلو
القصد منه بيوفر ويقتصد
الله يخليه لج

ادري يا بنات ان كلامكم صح وعدل
بس مشكلتي اذا اقترحت عليه الشي الاغلى نظرته لي تكون اني انسانه مبذره حيا
و ان الواحد لازم ما يتفشخر
و عنده ان الناس اللي تدور الغالي اهل فشخره و فيهم عقد نقص
مادري بس هالشي يزعجني احيانا لاني احب بين فترة وفترة اشتري الغالي واروح للارقى من باب التغيير والتدليع

قولي مو شرط يمكن الشئ الرخيص ما يعجبني مو ذوقي ولا يصلح لي ولا لستايل مالي انت زوجي ومسؤول عني لا تقصر معااي وصلي له المعلومه بأسلوب حلو ودلع عشان يتقبل منج ما يعاند .

انا عكسكم

عطوني حل امسك فيها ايد زوجي

مبذر تبذير والله لو يستثمرهم ب مشروع جان فاده

تخيلو عادي يشتري سياره ب ٢٠٠ الف يعني اظن ٢٠ الف دينار و يبيعها على اخوه ب ١٠ الف لان اخوه محتاج !!!!!!!!!!!!

عادي لو قلت له حبيبي حلوه هالشنطه يقولي خذيها وهي ب ٤٠٠٠ دينار! لان هرمز عجبتني وماكنت اعرف اسعارهم فالبدايه
بس رفضت اني اخذها قلت انت عندك ارض الاولى نخلي هالفلوس للبيت

هو مايقصر ابداً لكن مبذر تبذير الله يغضب عليه
ومشكلتي ماقدر احن عليه عشان لايقول مرتي بخيله مع اني والله مب بخيله لو في شي فخاطري باخذه لكن بحدود المعقول بدال لا اقط هال ٤٠٠٠ دينار على شنطه باخذ لي ذهب

عالاقل زينه وخزينه

موضوع قهرني والله احمدي ربج على ريلج والله مابتحسين بكلامي الا لو جربتي
هذا غير انه هالموضوع يسبب حقد من خوات الزوج وغيره ويحاولون يشفطون فلوسه عشان يقصر عليج

اه ياربي لك الحمد والشكر

مد ارجولك على قد الحافك

اشوفه عادي ..

الله يهديه لج صح لازم يعمل حسابه للمستقبل

الكماليات اشتريها من راتبج