|
|
السلام عليكم
شلونكم يا مدرسات ومعلمات الكتاكيت الصغار ؟؟
ابي افكاركم وطرقكم لترتيب قش ودثرة الروضة
شلون ترتبون الوسايل ؟
شلون ترتبون المجسمات والألعاب ؟
شلون ترتبون المستهلكات ؟
ووين مكان تخزينكم ؟
وهل المكان خرب شغلكم ولا محافظ عليه ؟
يله يا حبيبات غردو وتفلسفووو 
" اشراف ادري والله انه في ركن خاص بهالسوالف .. بس مشكلتي متعلقه بقش الروضة وابي افكار زميلاتي مو كل العالم والناس بليييز خلو موضوعي بلييييييييييييز عشاني 
وهاكم مني هديه يا حلوين "
شاريه كراتين من ايكيا وحاطه كل خبره بكرتونها ..
حاطه المصورات والالعاب لصغيره ..
ماعندي مجسمات كبيره..
وبس ماكو الا هالحل ..
وخنشوف طريقة البنات بعد
اذا كانو كرتون تحسينهم جوده يتحملون ثقل الأغراض اللي داخلها ؟
بالنسبة لنا جربنا طريقة الكراتين ونكتب على كل كرتون شنو فيه .. بس لأن المكان مشترك ومو الكل يرد الشي مكانه فالمكان صاير فوووووضى واييب الماحي
فإذا انتي بروحج او مع مجموعة مرتبة الكراتين وايد شالت القش ..
وهم داشه استفيد ياام مناف إذا سمحتي ^_^
هيهيههي
لايبا احنا نتكلم عن القش اللي بالبيت .. اللي بالروضة بس خزانة ناويه احط فيها الأشياء اللي مشتركه بين كل الخبرات مثل المنبهات والشخصيات وطبعا الادوات
بس الأشياء الحقيقية والصجية بالبيت متكودين على ألبي
مأذية أمي فيهم هيهيهي كله تقولي يا ام مناف امشي خل نسنع انا وياج وانا كله اقولها يمه بعدين هيهيههي
وحياج الله الموضوع موضوعج انتي الداشه واحنا الطالعين يا يمه 
والله متحملين الثقل
شوفي في كراتين مخليتهم بالروضه .. مسويتلي ارفف بالمخزن وحاطه فيها هالكراتين .. وحاطه تقريبا كل الخبرات المشتركه بالأغراض بكرتون واحد وماشاءالله متحملين .. و يا مخليه الفراشه تنزل بهالكرتون يا مصعدينه والوضع عادي ..
حاطه استيكرز بره على الكرتون وكاتبه اسم الخبرات عليه من بره..
ايييييييييييييييييييييييييييه ياحزم الظامي هههههههههههههه
شوفي انا طول عمري قشي ضايع وداج بقريح
بس صارلي اربع سنواتن مرتاحتن وعال العال
حطيت لي صناديق بلاستيك شفافة من الحجم الكبيييييييير يعني ويطلع سعر الواحد بخمسة دنانير الى اربعة تقريبا
كل خبرة بروحها وبكرامتها منعزلة وشريت نفسهم مسطحين حق الاصدارات الورقية والكتب والقصص مو عميق عرفتي لزوم مايدش غير اشياء ورقية فقط
بالنسبة للفلين
شفت وحدة من خواتي مسويتلها طريقة عجيبة تخيلي
شفتي المكاتب المدرسية لما يبيعونج الفلين شنو الستاند الخشب الي محطوطين فيه
جذي
روحي شوفي مثله وصوريه وخلي نجار يسويه لج
بالنسبة للروضة شغل المنبهات اليوم بداخل صندوق مبيت كامل مكمل خلف السبورة الصغيرونه اللي عالارض
العرايس ملوت المسرح ملزقتهم دار مدار المسرح ومعطين منظر روعة
الشغل اليومي { دبابيس مقص صمغ مطرقة مسامير جباريت طيخ طاخ < يالله سترك حشا عدة نجارين } هههههههههههه
جامعتهم وحاطتهم بستاند جرارات بلاستيك من الاسواق الشعبية تقريبا يوصل لي متر طوله ويكون اربع جرارات صغار وفيه شغل بتاع كل يوم
تبين تعرفين شي ثاني ؟؟؟؟؟؟؟؟؟؟؟؟
الشغلات الكبيره احطها بصناديق بلاستيك فوق بعض
والشغلات الخفيفه مثل اوراق او مجسمات فلين احطها بصناديق كرتون من إيكيا
والكلمات مطبوعين ومغلفتهم حراري وحاطتهم بملف مثل لون الصناديق
أذا قدرت الحين اصورهم واحطهم لج
( :
عجبني الموضوع احب هالسوالف وهالنوعيه من المواضيع
انا مااحب احط وسايلي في المدرسه يخربونهم بس الاشياء الصغيره احطهم في الادراج ملوت المكتب واقفل عليهم
تصدقوووووووون محد عااااااااااااااااافس غرفتي الا شغل المدرسه
خصوصا اذا صار عندي درس نموذجي واااااااااا ي تصير غرفتي حووووووسه ودثره
انا عندي خزانه على خشب وجام طقم مع مكتبي من على ايام لما كنت طالبه في الكلية
كنت حاطه فيهم كتبي واغراضي مملوت الكلية
الحين قمت احط فيهم الوسايل وفيها ادراج ومن تحت ارفف وبيبان يتسكرون علشان لا يغبرون ويختربون
وحاطه الشغلات الصغيره مثل المغناطيس والكروت في صندوق بلاستيك كله ادراج صغيره شاريته
من شويخ وشحلاتهم مرتبين
كل كورس الوسايل تزيد وتكثر والوسايل اليديده مالها مكان قمت احطهم في كراتين الاجهزه الكهربائيه
مو كبير الكراتين وتتتسكر وتكفي
والبطاقات حاطتهم في ملفات اللي على شكل ظرف
الاسئله في ملف واوراق العمل في ملف كل شي في ملف لون وحاطتهم في درج مكتبي اللي في البيت
عندي ركن في غرفتي فاضي فـ امي الحين قالت بتييب نجار علشان يسويلي كبت خاص حق وسايلي
و نقيت التصميم من وانشالله قريبا يشتغلون فيه
قمر خوش افكار ماشالله عليج .. اي والله ياليت تصورين جان تبين اعطيج موبايلي صوري فيه
وحق الفلينات والمسابقات .. عندي قوطي تلفزيون بلازما يصير مستطيل حاطته بالطول وداخله هالسوالف
والحمدلله مرتاحه .. اول كنت مثل زوزو بكراتين ايكيا .. بس مره سافرت ورديت لقيت اخوي حاطهم فوق بعض موصلهم السقف توهقت شلون انزلهم
وغير جذي يتخفسون ويدشهم غبار من الفتحه
صج صج الشالونات الحديد وايد انفعتني وارتب بالمكان ما تحسينهم عفسه ومزعج
أفكاركم تهبل ورووووعه
جي جي من وين شريتي الشالونات ؟؟
مكلفين مادديا ؟؟
والفنية بملف الى يجى فية اوراق شفافة كثيرة فوق100ورقة عندى 4
والحركية بنفس الملفات والاشارات مالوتها بصندوق مع الموسيقى والكاس والصفارة <<<<<<<هذولى بس بالصف
اما الخبرات فكل خبرة بصندوقها البلاستك ومن فترة رتبت صناديقى وحطيت الاوراق الى نستخدمها بالحلقة داخل الاظرف البنية والبيضة فى الصندوق واذاكانت اكثر من خبرة مثل الماء والهواء فحاطة ظرف لكل من الماء والهواء فى الصندوق مع العددى
الشفافيات نفس الحركية والفنية