شلون تخلين زوجك يجيب هديه وهو مايشوف الدرب

[CENTER]السلام عليكم[/CENTER] [CENTER]قريت موضوع الزوج اللي مسوى لزوجته ليله رومانسيه((الله لايغير عليهم…ويرزقنا من غير لانحتسب)) المهم طرى علي ان كثير من ازوجنا مايعرفون هالشي ولا يطري على بالهم بتااااتا…حتى الهدايا مايعرفونها…لازم نقط ونسمع من هالكلام على شان الواحد ينتبه ان فيه مناسبه…ويمكن يجيب هديه او مايجيب …مع ان معظظظظظظم الزوجات والله مايقصرون دايم يهدونهم…[CENTER]

اسكتي والله حدي صاكه فيني دايما اذكره واقط نغزات واحط تتنبيه وهالمره سكتت بشوف يحس يستوعب بروحه والله لاحياة لمن تنادي مر يوم زواجي مرور الكرام حتى ورده ماجاب لي ياختي ماحنا طماعين مانبي طقوم الماس وتذاكر حق جنيف ابي بس كل عام وانتي بخير وورده بنص دينار مو الا يغلفها حتى…المشكله بنت العز والدلال واللي متعوده على الدلع في بيت اهلها تطيح في واحد دعله…

هههههههههههههههههههههه

يسلمو ع الموضوع

والله الرياييل دايما جذي

مهما تفهمين فيهم وتقطين نغزات ماكو فايده

اهم شي احنا قاعدين انونس نفسنا بزواجنا ونحجز مطاعم وفنادق

ولو بننطرهم يسوون لنا هالشي ماراح نستفيد شي

لأن مره قريت مقاله ان الرياييل مايهتمون بهالشغلات

بس اذكر مره سويت سالفه مع ريلي وليش ماتييبلي وماتحس فيني ومادري شنو وحنه ورنه معاه

بعدها يابلي ورد لا وأحس ان مو من قلبه من الحنه اللي سويتها لووووووووول عشان اسكت بس

الهدايه من رب العالمين ههههههههههههههههههههههههههههه
اذا جاب جاب شيئ غالي ومب حلو والا شيئ ما احتاجه

انا ريلي ايام الملجه كان مايقصر كل يومين اييب معاه شي مو شرط شي غالي .. بس يتذكرني بأي شي

بعد الزواج اول مناسبه مرت علينا كانت الفالنتاين .. طبعا انا كنت مسويه حركات وشاريه هديه .. لمن دش البيت انصدم .. وانحرج انه مو مفكر باليوم هذا ولا شاري شي .. ومن يومها قام كل مناسبه اييب شي

ومرات انا اقط نغزات انه مثلا الاسبوع الياي عيد ميلادي .. او مثلا اذا عجبني شي اقوله بعد شهر عيد زواجنا مثلا

يعني وانا نوع ريلي جذي اذا قلته فلان ياب حق مرته شي .. يغار يقوم اهو اييبلي شي بعد

ههههههههههههههههههههه

عموما ريلي اييب مايقصر حتى بدون مناسبات

بعض الازواج يشوف ان الهديه مالها داعي وغير مهمه مع انه يموووووت بزوجته
فأي وحده نفسها زوجها يجيب لها هديه تبدى هي بالاول وتجيب له هديه مثلا اذا طلعت السوق او سافرت عند اهلها او كان في مناسبه تقوله افتكرتك وجبت لك هديه بس بشرط تكون بسييييطه
عشان يعرف إن الهديه بمعناها مو بقيمتها وإن الهديه ماراح تخسره
واذا جلستي تسولفين معاه قوليله مثلا اليوم وحده من الابلات زوجها ارسلها باقة ورد الدوام كلنا غرنا منها
وعلى طول قوليله كلام حلو وسويله مفاجأت في اوقات مايتوقعها يعني علميه الرومنسيه
يمكن يستحي على دمه ويفكر يجيبلك هديه او يسويلك مفاجأه

الحمدالله على كل حال ميخالف احنا نسوي الشي لله والله يكتب لنا الاجر فيه هههههه

الله يسخر كل زوج لزوجته يارب

اذوب بكلامه

ذكرتيني وحده من بنات الدوام جاب لها رجلها ورد للدوام عاد قلت لزوجي
توقعون شنو علق قال مايستحي 

والحمدلله دام ماعنده خرابيط ولا سوالف شبي بالهديه

انا ريلي مايعرف يهدي بس يبخني فلوس وانا مااقصر فيني ههههه
اعتقد لانهم ماتعودوا على انهم يهدون من الصغر
فانتوا الحين علموا عيالكم

لا الحين ولا لما كنت عروس هههه صارلنا 7 اشهر ولا مره يابلي شي حتى الصباحيه انا عطبيته ساعه الماس حتى عيدميلادي ماكو شي !

دا عرفتوا شلون قولوا لي

الله يعين نفس اختي يوم ميلاده حجزت له فندق وهو ماايعبرها كلش

ههههههههههههههههههه

والله آنآ مبين من أولهآ يوم الشوفه مآجآب لي ولآ حتى ورده :d

الله يرزقنآ بآلجنه

ليش تتضايقون اذا ماياب شي الريال هذا حال الريال الكويتي