شلون تخلين اليهال يعترفون بأخطائهم

لما اليهال يسوون شي غلط ما يرضون يعترفون عشان ما تعاقبينهم
فإنتي لازم تاخذينهم بالسياسة وشوي شوي يعترفون لج

هذا الموقف صار لي مع ولد أخوي كان عمره تقريبا ثلاث سنوات ونص
كنت قاعدة أدور نظارتي ومو لاقيتها ما أدري وين حطيتها .
فقال لي أبوي ماكو إلا عزوز أكيد اهو اللي شايلها .
وقعد أبوي يحاول في عزوز علشان يعترف وين وده النظارة وعزوز مو راضي يعترف .

الحين شلون أعرف إن عزوز اهو اللي ماخذها والا احنا ظالمينه والنظارة حاطتها مكان ثاني وناسية ؟
جان أقوم آخذه على جنب وأسئله :

عزوز إنت لما خذيت النظارة كانت محطوطة في علبتها والا بدون علبة ؟
جان يقول لي في العلبة .
قلت له وكانت محطوطة على الطاولة والإ على الكرسي ؟
جان يقول لي : على الطاولة
يعني ما ظلمناه ، اهو اللي شايلها !
قلت له : إنزين ولما خذيتها ولعبت فيها أي صوب حطيتها ؟ ودني خل أشوف .
جان يروح يركض ويطل ورا التلفزيون رحت وراه لقيت النظارة بين طاولة التلفزيون والطوفة

يعني لو قاعدة يوم كامل ادورها جان ما لقيتها

فإذا بغيتي الياهل يعترف كلميه بهدوء بدون عصبية واتدرجي معاه بالأسئلة علشان ما يحس ان إذا اعترف بتعاقبينه ، وبهالطريقة تحصلين منه على الإجابات اللي تبينها ………

خخخخخ يحلوه

صاجه والله

و ساعات ما نتحمل اغلاطهم

حلوووووووووووووووووووووووووووووووة … انا ولدي اذا قلت له عيونك تلمع يطلع اللي عنده كله لووووووووووووووووووووول

واخوانه هم جذي بعد يخافون من كلمتي لان قايله له اللي عيونه تلمع جذاب

يعني 3 ارباع الكويت جذابين لووووووووووووووووووووووول

اختي مرايم
مشكورة على المرور

اختي المباحث الفيدرالية
ومنكم نستفيد
يعني ممكن المرة الياية استخدم اسلوبج

ههههههههههههههه ياحلاته

امممم انا يغثوني ساعات يعني ماقولج اساحلهم مرات اساحل واذا مالي خلق اصارخ واطق

يبطون الجبد ساعات :<

شكرا ع الطررح

يحليله والله، صاجة حبيبتي
أهنيج على طريقة تفكيرج
يخليلكم عزوز انشالله وتفرحون فيه

برشلونية
لازم تطولين بالج شوي على اليهال
ترى والله يونسون بس يبيلهم شوي مساحل

مرت ريلي
مشكورة على المرور والله يخليلج حبايبج وأعزائج

اللي عندها طريقة تدل على الذكاء في التعامل مع الأطفال تذكرلنا اياها علشان الكل يستفيد

أنا عندي ولدة اختي في طبع اسوي جريمته وقطها براس اخوي الصغير ….
عاد ذاك اليوم مسكته جدام اختي وجان اقوولها سمعي الحين شراح يقووول …
قتله شايف لسانك قال ايه قتله هذا الله عطانه اياه تدري ليش عشان نقوول فيه الصج .. ومتى ما قمنا انجذب الله راح يقصه لنا تبي الله يقص لسانك خاف قال لأ … جان اقوووله عيل قووول الصج … جان يخر الأولي والتالي وطلع اهوو ساس البلاوي كلها واليهال مساكين يمه … لووووووووووووووول

شرايكم مو خوووش طريقة

عاد انا امس ولدي اول مره يقول انه سوا شي غلط

كان رايح بيت جيرانه ولدهم رفيجه الساعه 11 بالليل
واحنا ساكنين بشقه بعماره لا وبالمهبوله يعني شي يخرع

طبعا لمن رجع عقب ما زفوه
طقيناه انا وابوه الصراحه يستاهل لانه جذب وقال بروح مع الخدامه تكرمون ينزل الزباله
اثاري خلاها وراح بيت جيرانه

المهم عقب ما طقيناه واهو يقول لا ما رحت قتله عيل تعال كلم ابو احمد
قال لا ما ابي
رحت بعدين انوم اخوه الاكبر منه واخته الاصغر منه
واهو يكلمني وانا ما ارد عليه
ويحاول يكلمني وما ارد عليه
ظليت كاشته فيه لي عقب ما ناموا اليهال

بعدين تفرغتله عدل
وقتله تدري احنا ليش طقيناك قال عشان رحت بيت احمد
قتله اي لان هالوقت وقت شنو قال بالليل وقت النوم
قتله يعني انت مسوي شي غلط ولا عادي
قال لا غلط

اول مره يعترف وقال اسف مره ثانيه ماراح اسوي جذيه
وقالي شي عور قلبي
قال ماما انا شيطان ؟؟؟؟!!!

قتله شوف الحين انت عرفت انك سويت شي غلط ومره ثانيه ما راح تعيدها
خلاص انت راح تكون شاطر واسميك الشاطر
قالي انا احبج وايد قتله انا بعد احبك وايد
بس ما احبك لمن تشيطن وتسوي شي غلط
قال خلاص

والحمدلله اهم شي انه اعترف بالغلط

اسفه على الاطالة

om-y3qob
طريقتج حلوة بس إن شاء الله تنفع وتخليه ما يجذب مرة ثانية

lolo77
طريقتج هم حلوة وانا لاحظت إن الياهل لما أمه ما تكلمه ولا ترد عليه لما يكلمها تخليه يحس إن غلطان وشوي شوي يتأسف لها

لوووووووووووووووووووووووووووووووووووووول اتونس الطريقه

مشكوره حبيبتي