شلون اقطع المصاصة ؟؟؟؟؟؟؟

اقولج طريقة سهله وماتتعب وانا بصراجة جربتها .. انج تاخذين المصاصه وتقصين نصها بالضبط بالمقص … وتعطينها واهي كيفها تتصرف فيها .. وانا لاحظت انه بنتي تحطها بحلجها بعدين تتفلها …

هههههه تصدقين خوش طرقة بجربها وبشوف…..

مشكورة حبيبتي وماقصرتي……

شوفي حبيبتي انا اتبعت طريقة ورق عنب قصيت المصاصه
بدون مقدمات <<حدي نسره

طبعا استعسروا وكنت كله اقولهم خلاص اروح الجمعيه اشتريلكم ناموا الظهر ماقالوا شي وبالليل نفس الشي ثلاث ايام ونسوها لاتستصعبين الامر وراح يصير كل شي واااااااايد سهل والله

عندج طريقتين
اما انج وانتي طالعه معاها تخلينها تقطها بنفسها من دريشة السياره وكل ما تسئلج عنها قولي لها انتي قطيتيها (هذي سويتها مع بنتي الصغيره)
او تنطرين لما تشوفين زهيوي ميت!!ههههه
وحطي المصاصه يمه وقولي لها خلاص الزهيوي خلا المصاصه صارت وصخه واهيا راح تلوع جبدها منها(هذي خطتي مع بنتي الكبيره)

والله يعينج على حنتها لما تبجي تبي المصاصه!!

في دوا بالصيديله يبيعونه مثل صبغ الاضافر حطي علي الحلمه مالت المصاصه طعم الدوا يلوع الجبد مر حيييييييييل بس ماله اى مضار لليهال حطيلها ولما تمص المصاصه بتشوف الطعم موووشى وبتكرهها حتي ماراح تجرب يمها

وطريقة قص المصاصه حلوه بعد

انا كنت احطها بحلجها بس وقت النوم اذا كللللش داخت .. ومن تنام أشيها صج اذتني كل شوية تتفزز بس قطعتها بسهالة كلش ماحست فيها لأن اكبر غلط لما تكون المصاصة على طوووول بحلج الياهل ..

عيل انا خذيت كل المصاصات و قطيتهم بالزبالة و انتوا بكرامة و كان عمر ولدي سنة … و استحملت عسارته 3 ايام و ما كنت انومه الظهر و على طوووووووو ل العبه لما تصير الساعة 9 بالليل اشوف يطق روس و بروحه يحط راسه على المخدة و ألمه و ينام بس لمدة 3 ايام

مشكورين بعد جبدي كويتيات واللة ماقصرتوا…
بس المشكلة اهي ماتفهم عدل يعني سالفة الزهيوي خخخخخخخخ ماتعرفها او اني اقولها انتي قطيتيها …
بس بروح الصيدلية واشتري لها الدوا اللي قالت عنو الغالية نونو ..
واذا مافاد بقص المصاصة وبشوف …
ومرة ثانية يعطيكم الف عافية حبيباتي…

انا سويت نفس ورق عنب قصيتها شوي مو كلها ولما خذا ولدي المصاصه انقصت وقتله وييييييييييه المصاصه فيها دودو ويحطها بحلجه ماكو فايده ويقطها وكل ما قال ابيها عطيته اياها قتله مسكينه فيها دودو لين خلاص ماقام يبيها

نفس مشكلتي الي اعاني منها الحين بنتي عمرها سنة و6 شهور لا وماتنام الي ماسكة مصاصتين بيدها واااااااااااااي مليت شريت مرة وبجربها بحط على المصاصة
مع تحياااااااااااااااااتي……………..

حطي عليها اي شيء مر وراح تكرهها مثل ما قالوا الخوات والله احسن حل ولحقي عليها قبل لا تكبر وماتقدرين اتسيطرين عليها

برونزي قيل…

صج اللة يعينج لانها مشكلة كبيرة…
واللة ناوية لي ياني ياهل ثاني مااعلمة على المصاصة كلش….

ملوكة…

ناوية اشتري لها ادوا من الصيدلية واحطة لها…

انا بنتي تاخذ المصاصه عادي بس لما تنام بروحها تحذفها الحين عمرها 4 شهور بحاول اقلل منها المصاصه علشان ما تتعود عليها لما يصير عمرها سنه