شلون اعرف ان بنتي الاولى بالصف؟

السلام عليكم

انا لي بنت اول وحده عندي تدرس بالمدرسه اولى ابتدائي وما شاء الله تقديرها ممتاز <اشلون اعرف اهي الاولى ولالا.؟ وفي اجتماع امهات باجر اروح لهم ولا ماله داعي ؟ واذا في تقديم جوائز للاوائل متى يصير اي شهر؟ <ما عندي خبره تكفون ردوا علي

حبيبتي وقت التكريم راح يقولون انه في طالب مميز بالدرجه الاولى
ويكرمون كل طالب ياخذ امتياز بالفصلين

حبيبتي و شلون ما تروحين اجتماع الامهات روحي عشان تعرفييين

ياليت الابلات يفهمونا الملف الانجازي وشلون طريقة التقدير فيه

وبالنسبه للاجتماع ضروري تروحين علشان تعرفين راي الابلات في بنتج

وعيد العلم يكون بالفصل الثاني وتكرم الطالبه على انجازها بالفصل الاول
وكل مدرسه تحدد اليوم وتبلغ اولياء الامور قبل فتره

اللي يعرف بنتك اي ترتيب هو المدرسة بس
ولما يكرمون بنتك راح تعرفين اي رقم نادواها
يعني انا بنتي العام الثانية على ثواني نادوا اسمها الثانية
وسلامتكم
اما اللي تسأل عن الملف الانجازي انت تشوفين بنتك جم تقديرها بس ما تدرين البنت جم درجتها من مية
وبصراحة انا رئيسة قسم ومو مؤيدة الملف الانجازي نهائيا
لأن البنت تضييييييييييييييييييع بالدرجات والام ما تعرف كوعها من بوعها وخاصة لما تشوف التقدير امتياز تحسب 100%

والله يعينكم ويعينا على ما ابتلانا

آآآآآآآآآآآآآآآآآآآآآآآآآآآآآمين

بعرف اي شهر ؟؟؟؟؟؟؟؟ لاني شهر يناير اخره مسافره واخاف في جوائز وحفل ودي بنتي تستانس ولازم اعرف علشان اتجهز لها …………… ويصير اسأل الابلات باجرمن الاولى ولالا؟ <وبعدين بنتي كله امتياز اسأل الابلات علي شنو اخاف يقولون بنتج شاطره شحقه جايه

ماراح تكون شهر يناير
اغلب المدارس شهر فبراير وممكن لي شهر مايو عادي
بالنسبه للاجتماع بالعكس روحي الاجتماع ساعات حتى لو البنت امتياز يقولون لج خل تشارك اكثر
او بنتج هاديه وايد او ممكن تسولف وايد
حلو تعرفين راي المدرسات في بنتج وتنبهينها على الغلط وتشجعينها وتمدحينها اذا اهي شاطره
وعسى الله يوفق بنيتج