شلون اعرف الطلق

مرحـــــــــــــــــــــــــــــــــــــــبا
بغيت اعرف اشلون اعرف اذا طلق ياني من بدايته لـــــــــــيه نهايته

مرحبتين

ههههههه بدايته مثل الالام الدوره وبعدها يزيد يزيد يزيد

وبين كل طلقه والثانيه تقريبا نص ساعه وعقب كل ربع ساعه الى ان ما يوهلج كل دقيقه وتولدين بالسلامه

انا بجريه ما عرف بس يارب البنات يفيدونا
اب

مثل ماقالت

بدوره

مثل الام الدوره بس اقوى

وكل فتره يزيد

بس حدي خايفه لان البيبي الاول قيصريه ماخذيت طلق

حبوبة جنة مايولدونج طبيعي عقب القيصرية الا بعد سنتين عالاقل >>>>>هذا الي سمعته اشكثر صارلج؟؟
وكان ودي افيدج بس انا بجرية وودي اعرف مثلج

فرفوره الحمدلله علة نعمة اختراع الكمام ترى وايد يخفف وفوق ما تتصورين

فهمينى زين حبيبتى الطلق العادى يعنى التجاديم بس ترتاحين يروح بروحه بس الطلق الصجى يصيركل ربع ساعه وكل عشر دقايق وانتى لازم تفطنييم للوقتت عرفتى والطلق يمكن يجى معاة دم او ماى على حسب ويمكن مخاط اصفر اوأخضر والعواااااااار مايخليج تقعدين على بعضج يشب عليج ياربى يهون عليج

والله حتى انا مااعرف للطلق اييني عوار باشكال وانواع بس مو منتضم

والله من الخبرة كل ولادة غير الثانيه
بس الاغلب الام نفس الدورة ممكن خفيفه وممكن قويه
الله يهون على الجميع

الطلق ماينوصف لان يختلف من وحده لي وحده بس صدقيني لي ياج راح اتعرفينه (:

بس انا غير انا بجر ولما وصلت السابع حسيت بطني يتكور حيل بالنص ويقعد ربع ساعه بعدين يهدى ويتكرر كل 10 دقايق ولما رحت المستشفى قالولي طلق بس الحمدالله عدت على خير
وادعولي ما اولد الا بالتاسع

انا اقولج .. اهو بالتاسع صج .. اشكال والوان العوار ماتدرين شنو الطلق وشنو الللي مو طلق ..
بس الطلق يكون يمسك مكان واحد .. يعني متكرر نفس المكان يا بالظر تحت كلش او في البطن
وثاني شي .. لي وقفتي يخف ولي قعدتي يزيد ومع العوار تحسين ان بطنج يصير يابس يتيبس وينسمت
اذا يالج العوار نفسه اللي حتى لي وقفتي والا انسدحتي هذا اهو ما يخف .. يكون اهني الطلق
والوحده من تدخل التاسع اييلها طلوق خفيفه .. يعني جنه العوار قاعد يعرفج على روحه علشان لا تنصدمين ..
بس صدقيني .. من العوار هذا اللي يخليج ما تقدرين توقفين .. تروحين الطبيب ويعطيج الكمام .. الا كله يروح وما تحسين فيه ..
انا يوم ولادتي .. اللي حسيته في البيت .. اكثر من اللي حسيته بالمستشفى .. مادري ليش يقولولي لا تروحين الطبيب امبجر .. تحسفت اني قعدت انطر لو رايحه من البداية احسن
على الاقل بالطبيب في كمام وفي ابر مخدر وفي سسترات يهمزون ظهري كل ما ياني الطلق .. وايد اريح من البيت قاعده مادري وين الله قاطني .. بس انخش من امي واقعد ابجي لي ياني الطلق .. ولي راح ييت قعدت يعني ما فيني شي .. ولي يي .. انحشت من الصاله وانخشيت ابجي .. بجر وما اعرف شسوي .
وعقب والا يطيح علي اخوي الصغير .. يقول حق امي .. حدها كاسرة خاطري ما تبي تبجي جدامنا .. تنخش

قعدت .. عقب اشوي .. والا احس بس لحد اهني وخلاص
جان اقول حق امي بس قومي الطبيب مااقدر اكثر ..
ما نزل علي ولاشي .. بس العوار يزيد .. الطلقة قامت تمسك اكثر اتطول .. يعني الواحد يتحملها مو اللي ما يتحملها بس انا مادري شنو راح يصير اخاف اسكت واولد في البيت

ورحت ودخلوني ولاده .. الحمدلله
ما طولت وولدت عطوني الكمام .. الله يعافيه ويخليه لنا يارب .. ينسيج كلشي

انا لما ياني عوار الطلق مسك ظهري على جنب جان اقول ياربي الظاهر حايشني هوا على شان جذيه يعورني اروح افراشي وادفي نفسي وانام وبعد شوي يقعدني العوار اقول شسالفه خل اروح اشرب ماي لووووووووووول صج ما كنت اعرف انه طلق

الطلق يكون كل عشر دقايق مثل شد بالبطن وشد بالمنطقة السفلية تحسين جنج بيطلع منج شي اول شي تحت يضغط وعوار بالظهر يكون مصاحب لشد البطن وعوار بالافخاذ مايخليج تنامين كلللش