شلون اربط الشماغ على بطني؟!

السلام عليكم..
شلونكم كويتيات!؟
بسألكم شلون اربطه ماعرفت؟!
لازم اسفطه؟ ولا اخليه جذي؟!
انزين اخلي الربطه ورى بظهري؟ ولا جدام عند بطني؟!
اذا سفطته ما يكفي انا ابي اغطي بطني ومعدتي كلهم شلون!؟

حبيبتي يعني ليش تربطينه اصلا ما فهمت ؟!!

شرحيلنا شنو تاهدف منانج تربطينه ؟؟

ودي اساعدج بس ما فهمت

حق الترهل
الحين الوالده مو لازم تربط بطنها
كان في موضوع وحده حاطته بهالخصوص بس ناسيه منو وناسيه العنوان دورت ما لقيت

ما ادري شلون الطريقه بس ديري بالج
وايد بنات اعرفهم استخدموا حزام الشد ( من الصيدليه ) بعد الولاده و عورتهم ظهورهم و ما سووووت عليهم !!
انتبهي

انا جربت الشماغ …كنت اسفطه مثلث واربطه على معدتي ورحمي
بس غثني كل شوي تنقز معدتي فوق
والا يتحرك…لا ولما طلعت من نفاسي الا لي معده شكو مادري
يمكن لان الشماغ سوا فاصل بالبطن
الله يعينا عالربط والنفاس

وييه! لا انا ماني حاطه مشدات بس شماغ

مو عشان جذي سألت
الظاهر يبيله شماغين واحد عالمعده وواحد عالبطن

اي انا كنت احط شماغين وبعد غلاف دفتر الكرتون الثقيل كنت اخلي امي ولا اختي يربطونه لي ويخلون بطني مسطره حطي اثنين شماغ وسويهم مو مثلثل لا سويهم مستطيل عادي وبعدين شدي بطنج وربطيه حيل والثانيه تحت يعني وحده فوق ووحده تحت

بتبوووتا حبيبتي فااااد وياج الشد والا لا؟؟؟

انا احاتي مايفيد بعديين ؟