|
|
الحمدلله اول يوم عدى على خير
بدون اصابات وبدون اعصاب
دشينا الروضه والا الاغاني شغاله لاستقبال الاطفال والامهات بيدهم الكاميرات
وراعي النفيش والذره قاعد يفرش فرشته استانسو عليه اليهال رايحين رادين عليه
وبالنسبه حق صفي
الحمدلله من فضل ربي صفي محد فيهم صاح ولا رافس << يمكن لاهم ثانيه
بس واحد تنحر علينا ما رضى يسوي شي تم واقف بمكانه من اول يوم ليما اخر يوم
بداية الدوام كنا كلنا انا والي معاي في استقبال اولياء الامور .. انا امسك الورعان والي معاي عليها اولياء الامور
بس لاحظت واايد واييد وااااييييددد
اكثر من طفل هدوهم اهاليهم عند الباب وراحو
يعني الابله الي تصادف طفل تعلمه وين صفه .. انزين والي يدش ولا في احد يستقبله شلووون ؟!؟!؟
ما عليه كلنا عندنا اشغال ولا نقدر نتاخر بس جان على الاقل استأذنت الام اول يوم تدخل ولدها بيدها
تعلمه وين صفه
تتعرف على ابلاته
توهقنا بولد .. مو عارف يقول اسمه
وفريناه على ابلات اوائل كلهم .. ليما وحده منهم عرفته وقالت لنا اسمه .. ومنها وصلنا حق صفه
بصراحه عفيه قلب هالامهات يقططون عيالهم ويمشون
بس الحمدلله كان يوم تمام وعدى على خير لولا الجو كان فطيس
قلبي يعورني على وليدي المفروض يكون معاهم
ادعي يقبلونه مع التسجيل المتأخر
الله يوفقكم
بس اليوم لاحظت بالدوام اغلب الامهات يايبين اعيالهم على الساعه 11 واللي 9
من الروضه يقولون مافي تكييف !!!!!!!!!!!!!!!!!!
واليهال ميتين حر عشان جذي طلعوهم ؟؟؟؟؟
استغربت والله المفروض يكونون مستعدين اكثر اهم شي المكيف تدرين جو الكويت مايتحمل يقعدون على هوا بره !!!!!!!!!
احنا محافظه العاصمه
انتو اشلون الاستعدادات عندكم ؟
انا ولية امر مو ابلة
الصراحة اليوم وديت بنتي ولقيت الابلات وايد حبوبين ويرحبون باليهال بطريقة حلوة
وفي ابلة ماشاءالله عليها مزهبة الهدايا لليهال جيس كشخة مربع صغير فيه ستيكر كبير وحلويات وااايد شكله حلو واليهال فرحانين فيه
على فكرة بنتي اولى روضة بس لان الابلات حبوبين الحمدلله ما بجت ولا تضايقت ولا شي لا وتسويلي باي بعد فديتها ههههههههههههه
الله يعينكم على اليهال والصوم والحر بس انتو قدها وقدود
والله المكيفات موجوده والروضه نظيفه والتجهيزات كامله بس الجووو ما يساعد
الله يعيننا المكيفات ما تلحق .. ترا عندنا ممنوع يتسكر الباب على الابله مع الاطفال
مسكينه الناظره تمشي وتسكر البيبان علينا تقول خل يتيمع لكم هوا بارد .. الله يبرد عليها دنيا واخره
ام حمودي
كلامج عين العقل
بس نادرين الي من نمونتج .. ونادرين اولياء الامور الي يتعاونون
والله في اولياء امور انحرج منهم من كثر تعاونهم .. بكل مناسبه تدز ولدها والا بنتها معاهم شي بسيط
يخدم المناسبه ..يساعد الابله والله هذيلا ما يقصرون رايتهم بيضه
زيتونه
والله التجهيزات كامله الحمدلله .. وكل شي مسوينه مو مخلين شي يحبب الطفل بالروضه
نحاول كثر ما نقدر نجذبه ولا يستعسر ولا يصيح يستاهلوووون عيالنا الحلوييين
والروضه احلى مرحله خل عيالنا يستانسون
وبوسيلي بنوتج البطله الي ما بجت ولا اذت امها وابلتها
صج كان عندنا جم ياهل قعدوا يبجون بس بعدين اندمجوا معانا ..
انشاءالله باجر بعد يطخون عشان ما نعيد نفس الاسطوانه
وعلى قولتج لاحظت اليوم جم ولي امر قطوا عيالهم ومشوا .. واللي تستغربين منه ان عيالهم مستوى اول !!!!! عاد ناديته قتله لو سمحت اقعد مع ولدك على الاقل تتعرف على ابلاته وتتطمن عليه .. اقصاه ياهل بالروضه مو بالثانوي !!!
واللي مطرشه ولدها مع الخدامه واهيه حاطه راسها ونايمه .. حتى الخدامه عطتني التلفون عشان اكلم الام ولا كلش نايمه بالعسل مو فرحانه ان ولدها اول يوم له بالروضه .. امبييييييه الحمدالله والشكر الله يهديهم
شكرا نيرو عالموزوع
ولا طفل عندي بجا يمكن لانه ثانية كبار شوي
مادري لاقين عيالهم بالشارع .. والا طالعين لهم بسحب .. ربوهم عدل راقبوهم ونسوهم خل يحسون بوجودهم مساكين
عالي مستواها
اي ثانيه اسم الله عليهم كبار ما منهم خوف
يسلموو
وديته شفت اسمه باللوحه ورحت وديته الصف على طووووول تاقلم وقعد شاف بنات ولدي مغازلجي.
كنت حاطه ابالي اقعد معاه واشوف شيسوي واشلون يتصرف جان تقولي ابلته
ترى الجناط ممنوع كل شي موجود عندنا نعطيهم وجبه حتى كاكاو نعطي
اخذيها معاج او خليها عشان اول يوم
حياج الله
لووووووووول وانا ابي اقعد اشوف ولدي
شنو حياج الله
شفت باجي الاهالي يقطون ويمشون جان امشي
ركبت السياره ولا مطاره الماي
رديتله ابي اشوفه شيسوي مايسوي غصب طيب بدخل شفته يلعب جان اطلع
وبالطلعه رحتله ابجر وخذيت اخوانه الصغار
استانسسسسسسسسسسسسسسسسس وقام يوريهم المدرسه
لوول جنه قلت قصه حياتي وانا مو ابله انا وليه امر اسمحولي(يششششششششش ماقلتلي تفضلي قعدي)
اي احسن لج تقطينه وتمشين عشان ما يتعود على وجودج معاه
وان شاء الله بيوم اجتماع الامهات تشوفينه وتشبعين منه
وابلات روضة ولدج تراااا يهبلووون فيهم الخير والبركه لا تحاتين شي
ودام ولدج مستانس بعد الحمدلله احسن من الي يستعسرون ويصرخووون
وتشوفينه معرس يارررب
ان شاء الله اشوووفه واصوووره
اي صاجه حليوييييييييييييييين
اي الحمدلله مشكووورة حبيتي