|
|
السلام عليكم ورحمة الله وبركاته
اشلونكم بنات بلييييز انا داخله على الله ثم عليكم
ماعرف احد من اهلي او صديقاتي سوا عمليه شفط وشد ابداً عشان جذي قلت مالي الا خواتي بالمنتدى وان شاءالله تفيدوني
انا الحين حامل واذا الله سهل علي ولادتي بتكون شهر 12 بدايه الشتا
وبما انه ولادتي راح تكون عمليه فانا حابه اسوي معاها عملية شفط وشد
لان راح اكون مخدره ووقت النفاس راح تكون فتره النقاهه لي
وعندي اكثر من سؤال بليز ردي علي عشان اتشجع واسويها ولان ابي اجمع معلومات كامله قبل ما استخير واتوكل على الله
1 – وين سويتي عمليتج ومنو دكتورج او دكتورتج وجم كلفتج؟
2- شنو كانت نوع العمليه وجم ساعه استغرقت؟
3- تنصحيني اسويها مع للولاده او لا وشنو السبب اللي خلاج تقولين لا؟
4- فترة النفاس تعتبر فتره كافيه للنقاهه او لا؟
( بالنسبه لي انا موحابه اقول لزوجي مسويه شفط وشد بس ببلغ خواتي عشان يكونون عندي)
5- شنو الاشياء اللي ماقدرتي تسوينها بعد العمليه واشكثر الفتر الممنوعه؟
( يعني اذا طلعت من الاربعين باذن الله اقدر اشيل جسمي شيره واسوي حمامات بخار او للحين الجرح ما التأم)
باذن الله انا موناويه احمل مني لخمس ست سنوات وبسوي شد وشفط لمنطقة البطن مع شد العضله
وشفط وشد للاجناب ( الخواصر ) الارداف والافخاذ وبطة الرجل من تحت الركبه
يعني جسمي اللي تحت كله لان كنت اعالج للحمل وتركزت الدهون بالجزء السفلي من جسمي بسبب الهرمرنات
6- متى اروح للدكتور وافتح ملف الحين او قبل الولاده بشهر عشان يفحصني ؟*
عالاقل ارفعو الموضوع
كنت اقرا مواضيع اللي مسوين شفط وشد وحيل حمستوني
شجعوني عاد عشان اسوي العمليه واكتب تجربتي
اذا مالقيت احد يشجعني ابطل ماسوي شي وابقى طول عمري بطه وساده حلجي وماكو فايده
مادري والله اختي كانت معاها مدرسه قبل جم سنه كانت والده
والبنت اهي اساسا ضعيفه وجسمها حلو بس فخوذها حيل مخربه عليه حييييل عرييييضه
ولما ولدت قيصريه سوت شفط وماشاءالله حيل تناسق جسمها
بس مادري اذا مسويه شد مع الشفط او لا
واختي انقلت من المدرسه
هالحجي من اربع سنين وللحين السالفه ببالي وناويه عليها
عشان اراجع الدكتور من الحين ماعندي وقت البيبي قاعد يكبر اسم الله عليه واخاف الدكتور يقول لازم يشوفني قبل مايكبر