|
|
السلام عليكم ،
انا صار لي 35 يوم والدة وارضع ولدي طبيعي بس اذا احتجت اطلع اشفط له حليب واخليه … طبعا لازم اشفط له الحليب قبل موعد رضعته واذا بقيت اطلع ارضعه من صدري بس اح انه صدري فاضي وما فيه حليب .. اشلون اوفق بين موعد رضعته والشفط ؟؟؟
شوفي حبيبتي
مافي شي ايمه صدري فاضي
كل ما سحبتي أكثر الجسم يفرز حليب أكثر
ونصيحة أخوية اشتري حبوب الحلبة من الصيدلية رائعة للحليب اسمها fitolat هي عبارة عن مكمل غذائي أعشاب طبيعية حلبة وغيرها وايد تساعد ، في الأول أخذي أربع حبات باليوم مرتين الصبح ومرتين بالليل وعقب حبتين كافي
وأوصيج بشرب البيرة مثل باربيكان لأن ماي الشعير ممتاز للحليب
وهم بعد أوفالتين الكاكاو مال أول لأن فيه شوفان وحديد
زكثري من العصاير وشرب الماي ولول تحبين الحلبة شربي منها وابتعدي عن المرمية لأنها تقطع الحليب
هذي نصايح مجربة
وبالنسبة للشفط لازم تخلين الحليب بالثلاجة ولما تحبين تسخنينه بحمام ماي حار والكمية اللي تسخنينها لو ما شربها الياهل تنقط
ونصيحة خلي البيبي هو يرضع منج لأنه تخليه حنون وتزيد ارتباطكم ببعض
وأي استفسار راسليني عالخاص
ألف مبروك
والحليب بالثلاجه مدته 3 ايام وبره الثلاجه يوم وبالفريزر عادي يقعد 3 شهور 
انا كنت اشفط اذا حسيت ان صدري فيه وايد حليب والبيبي نايم واخليه بالثلاجه حق العازه اذا طلعت واذا مرت 3 ايام وما طلعت كتيته وشفطت مره ثانيه
نهي بس سوال اذا ممكن ؟؟؟ حاليا موجود هذا لحبوب في الصيدليات لكويت لانه في البحرين والسعوديه مو موجود وااايد يمدحونه ..؟؟؟
اذا ممكن ادليني عليه
انا و ايد احب الرضاعة الطبيعية ما وراها الا العافية
مثل قالت الاخت انتي رضعي من صدر و شفطي الثاني
او شفطي بعد ما يخلص البيبي رضعته
اكثر شي جربته يدر الحليب عدل حمام ماي حاااااار و شفطي و ادعيلي
|
المشاركة الأصلية كتبت بواسطة بحرينيه 100%
 هلا حبيبتي .. مثل ما قلووو لج نهي
نهي بس سوال اذا ممكن ؟؟؟ حاليا موجود هذا لحبوب في الصيدليات لكويت لانه في البحرين والسعوديه مو موجود وااايد يمدحونه ..؟؟؟ اذا ممكن ادليني عليه |
حبيبتي تلقين هالحبوب فب صيدلية بوتس
بس دخلت أشجعج وأدعمج أنج تستمرين بالرضاعه الطبيعية ولا تتركينها
لأنها الأفضل لج ولطفلج
فحاولي تخلينه اهو اللي يرضع من صدرج سبحان الله لما البيبي يمص الحليب مباشره اهو اللي يخلي الحليب يستمر
وشي طبيعي ان بعد شهر ماتقدرين تشفطين لان الصدر بيكون مترهل غير لما كنتي بأول ايام النفاس وهذا شي طبيعي
انا كنت اسوي لبنتي ويوم خف الحلييب عندي
كليت رهش والحلبه زيييييينه
ومثل ما قالت وحده من الخوااات بدلي بين الصدريين
وبالتوفيييييييييق
الرضعة اذا شفطتيها تقعد بالجو العادي 6 ساعات
وبالثلاجة 23 ساعة بس
والفريزر شهر
واللي يزيد الحليب المكسرات والرهش
وخلج على السوائل والشوربات والرهش والمكسرات مثل ماقالوا البنات
الحلبه زينه والحبه الحلوه
والسلطااااااااااات البقدونس االخس الجرجير كل شي خضر :d
ماعدا الباميه