|
|
السلام عليكم و رحمة الله و بركاته .. انا رجعت يا بنات و الحمدلله على السلامة.. مشكورة لكل بنت مرت على موضوعي و دعتلي .. فديتكم والله يا بنات منتداي
طبعا في منكم متابعيني من يوم السبت اللي طاف و تعرفون السالفة .. اني بروح اشفط الارداف والفخوذ اللي مأزميني من يوم وانا بنت
المهم .. خل اقولكم شصار
قومت ريلي الساعه 7 الصبح قتله يالله قوم ودني جان يقوم يقولي شرايج تهونين ؟ قتله نعم ؟؟ قال والله انا مادري شلون قلت ايي قعدي مع عيالج احسن ماتبين !! قتله انا بروح عيل بروحي قال والله انا خايف الله لايقوله يصير فيج شي راح اموووت واحس بالذنب وتانيب الضمير لانه محد يدري …
قتله ا انابروح خلك انت مع العيال … لانه اذا قعدت عنده بعد شوي راح اهون وابجي وانا مقويه قلبي فقتله انا اي شي يصير معاي اقولك ولبست و رحت تخيلوا بروحي وبسيارة ادعي واتشهد
لما وصلت استقبلوني الممرضات
وحده منهم دخلتني على غرفتي .. و عطتني ثياب عشان اغير .. و قعدت انظر و انظر و طول الوقت قاعدة اشهد و استغفر .. بعد الواحد ما يدري اذا بيموت والا شنو .. المهم شوي و يت الممرضة و حطتلي ابرة في ايدي عشان يعطوني مضاد حيوي .. و نطرت لين الساعه 8:15 لين ما وصل دكتور التخدير وبدا يسال .. وانا اسأل امنة العملية ماراح امووت قال يا ساتر من الصبح تقولين جذي ؟؟ ماكو شر انشالله تفائليييييييييي بالخييييير … خلص
والا يشرف دكتور عبدالناصر قلت :صااااااااااااااااارت رحت فيها .. كاني قربت اموووت
مخطط جسمي .. خطوط و دواير بالازرق وصار جسمي الله لايوريكم خريطه .. ..
قرب وقت العملية .. الممرضة عطتني ابرة لتهدئة الاعصاب و.. ودزيت حق ريلي مسج (لا يحاتيني ويدير باله على بناتي ولا يزوج علي 
المهم بعد ثواني حسيت انه اليتات قامت تصير بالعرض والدنيا قاعده تختفي و بعدها الله يسلمكم بسابع نومه ..
ما وعيت الا مقعديني يالله ماما خلااص … قلت هاااا شنو خلاااص خلصنا العملية ؟؟ طبعا من البرد نسيت الوناسه جان..
اصارخ برررررررررررررررررررررررررردد لحقونيييي … كان برد مو طبيعي اتنافضضضضضضضضضضض….نسيت اقولكم عن المشد اللي لابستنه وااااااااااااايد راااااااص .. ما تتخيلون .. مسويني مسطرة ما اقدر اقعد ..
قالي الممرض شوفي ماما ليتر دهن قتله وينهم وجم ليتر ؟ قالتلي صبري و يابلي اياهم .. وووووععععععع طلعو 6و نص ليتر دهن .. حتى ما مداني اصورهم للذكرى هههههههههههه
طلعت من المستشفى الساعه 4و نص في العصر .. و كنت تعبانة ما اقدر اقعد الا بلغصب.. االمشد من تحت صدري ليين ركبي .. قالي الدكتور هذا ما تفصخينة .. واشوفج باجر بالعيادة اطمن عليج وعلى الغرز وقالي تراه مسافر وايي بعد العيد ,,, بس الصراحه جسمي فرق علي وااااااااااااااايد
و قلت لازم اي و اطمن خواتي .. واقولكم عن النتيجة يوم بشوف ليه بعد العيد .. لان الحين احسه منتفخ شوي من السوائل اللي دخلوها فيني .. يا بنات ادعولي الله يخفف الام و يصبرني ..دعواتكم لا تنسووني ..
منو الدكتور عبدالناصر؟
د.عبدالناصر خلاف المبدع الصراحه فكني من عقده حياتي الحمدلله ….
الله يعينج على العوار ويخففه عليج يارب
انا عقدتي جنوبي يلوعون الجبد ودي اشفطهم زين عادي احمل بعدين ماله شغل بالارداف صح.لان عندي بيبي واحد بس
وأنتم السابقون وأحنا اللاحقون
انضميتي لنا مع رشيقات المستقبل
قلت لج سهالات لاتخافين والدكتور شاطربالشفط
شخبار الدوخه
ووين شفطتي بالضبط
.gif "Eh S(17)")
حمد لله على سلامتج مبرووووووووووووووووووووووك اللوك الجديد
اصبري بعد انتي للحين متفوخه من السوائل عقب 6 اسابيع بتبين النتيجه عدل
الدكتور روووووعه
بس ديري بالج لاتقطين الكورسيه ترى تخرب العمليه
بس قطيه وقت السباحه ولبسيه مرة ثانيه
والحمدالله على السلامه ياقلبي
والكورسيه ديري بالج اذا بتغسلينه غسليه بصابون رقي
ولا تحطينه بالشمس ترى يذوب لانه الياف طبيعيه <صرت خبرة كورسيهات من كثر العمليات>
عقب الشفط شربي ماي واااااااااااااااااااااااااااجد
طول مانتي قاعدة اشربي عشان تنزل الدهون عقب الشفط