|
|
شـلونكم بنات
بقيتكم تساعدوني بسؤالي اذا وحده منكم عندها فكره
انا متواجده بأمريكا للدراسه و صارلي مده ما ادري شلون اطلع صدقه
يعني انا متعوده بالكويت اذا بتصدق اشوف عمال النظافه بالشارع او العامل الي يساعدني بالجمعيه او ملوت البنزين واعطيهم المقسوم
بس هني ماكو جذي ؟؟
الطريقه الوحيده الي انوي فيها الصدقه اهي لمن اروح اتعشى بمطعم احطلهم بخشيش زياده
وانا ما ودي اقطع هالسنه لانه الصدقه واايد مهمه بركه وترضي رب العالمين
ياليت تساعدوني شلون ممكن استمر فيها ؟
ومشكورررين مقدما
.gif "Eh S(7)")
ممكن هالرابط يفييدك
مشكوره وماقصرتي عالمساعده .. دشيت الموقع والمكتوب انه في شركات توصل مساعدات لفلسطين وجذي عن طريق التبرعات بالفيزا
بس بيني وبينج انا ما احب اتبرع حق شركات بالانترت وجذي ما ادري ليش ما اثق فيهم ويبالغون بالمبالغ الي ياخذونها
اتمنى لو القى طريقة انا اعطي الفلوس بأيدي حق المحتاج
بس اقترح عليج ان اذا حصلج ورجعتي الكويت باجازه طلعي مبلغ يعني يكون عن جم شهر
او حولي حق اهلج مبلغ واهما يودونا اهني حق الجمعيات الخيريه او يوزعونه عاللي بالشارع
183333 هذا رقمهم
لباس التقوى .. يعطيج العافيه بس ما عندي حساب بالكويت
يزاكم الله خير حبايبي
ممكن تشترين كتب دينيه اسلاميه بلغة البد الي انتي فيها وتوزيعينها
ممكن تشترين كرسي متحرك وتهدينها لاي مستوصف فيكون صدقة جاريه رانه راح يساعد المرضى
ممكن تشترين كرتون ماي او عصير وتوزعينه على زميلاتج بالمحاضره لانه اطعام الطعام في كبد اي شخص وسقي الماء صدقه
ممكن تشترين حلاو لاي طفل روحي اشتري حلويات وزعيها على الاطفال
ممكن تشترين موز وتروحيين حديقة الحيوانات تعطينها القرود
وانشالله راح اسوي الي قلتي عنه
كويتيه ولكن مشكوره حبيبتي
حطيلج بيت الحمام الي مثل هذا:
اذا عندج بلكون أو دريشة و كل يوم تحطين فيه بواقي صمونه ماكليتيها او فتافيت…..
و اذا ماني غلطانه غالبا عندكم يكون في ببعض المناطق مركز اجتماعي يكون مختص بمساعدة المحتاجين تقدرين تمرينه مره بالاسبوع اذا دليتي مكانه و تدورين هناك منو شكله محتاج تعطينه
او (و من وجهة نظري هذا الافضلج) تدورين اقرب مركز اسلامي بمنطقتج او مسجد…. عقب صلاة الجمعه تلقين تجمع من اخوانج و خواتج المسلمين الا ما تشوفين من بينهم احد شكله محتاج….. او حتى فراش قايم على خدمة المسجد.
بحيث تحطين بيده مو بيد لجنه و لا احد غير الي تشوفينه محتاج و عسى الله يرزقج البركه و العافيه