شغل القرقيعان

السلام عليكم

بنات حابه آخذ رايكم بخصوص القرقيعان ..

ليش من زمان وانا ودي اسوي قرقيعان للبيع فحابه اعرف منكم جم شغله قبل لا اعزم عليها ..
ليش عندي افكار وايد بس خايفه ما تسوى التعب ..

فياليت تجاوبوني على هالاسئلة :

انتوا تفضلون يكون فيه الحلاو والا انتوا اللي تحطون ؟

وشنو الاسعار المناسبه للقطعه لكم بالتقريب ؟

ولو في اشياء مميزه حق قرقيعان الكبار جم تفضلون يكون سعره ؟
بس عشان اعرف شكثر ممكن تكلفني القطعه وشكثر يسوى تعبها

وتفضلون الشغلات الخبه والا الناعمه .. يعني قصدي تحبون القطعه متروسه بالاكسسوارات والا فيها شي بسيط وناعم ؟

والقطع تحبونها لها علاقه بالشغلات الشعبيه اللي تناسب القرقيعان والا عادي ممكن ستايل غير ؟

ادري اسئلتي وايد بس حابه اعرف ..

وادري ان وايد بنات بعد بيستفيدون من هالاسئله

ومشكورين

انا ما اقدر افيدج باللي تبينه لاني ولا مره مسويه قرقيعان
بس صج ولكم بااااك والحمدلله على السلامه
وعاش من شافج

ومن طول الغيبات ياب الغنايم
بشرينا عنج من زمان عنج وعن اخبارج قطعتي فجأه

وبخصوص سؤال شوفي اهل الخبره ماراح يقصرون معاج

انا ما اقدر افيدج باللي تبينه لاني ولا مره مسويه قرقيعان
بس صج ولكم بااااك والحمدلله على السلامه
وعاش من شافج

ومن طول الغيبات ياب الغنايم
بشرينا عنج من زمان عنج وعن اخبارج قطعتي فجأه

وبخصوص سؤال شوفي اهل الخبره ماراح يقصرون معاج

انا احب الشغل البسيط الغير مكرر

فكرة بسيطة بس متميزة
واحب الاسعار تكون مناسبة < لاصج هههههههههه

موفقة حبيبتي وعسى ربي يرزقج
بس انا مو شراية قرقيعان

انتوا تفضلون يكون فيه الحلاو والا انتوا اللي تحطون ؟
لا انا افضل مافي شي لأن مره كنت ابي اشتري واحد و كانو حاطين في الحلاو مااخذته لأن كل شخص قرقيعانه غير يعني في ناس يحبون الحلاو العادي في ناس يحبون مع مكسرات في ناس اييبون من عندهم شغلات غريبه فيبون يحطونه
انتي تقدرين تقولين اللي يبي فاضي اوكي و اللي يبي مع الحلاو اقدر اوفرله بس طبعا السعر راح يزيد
بس انا اقول احسن بدون عاد انتي شوفي راي غيري

وشنو الاسعار المناسبه للقطعه لكم بالتقريب ؟
والله على حسب الشغل و انتي شوفي السوق اسعاره جم و من السوق قرري يعني مو السوق يبيع الوحده على دينار تروحين تبيعينه ب3 لا خليج مقاربه و على حسب جم تطلع عليج و فائدتج حسبي
و خلي اسعارج متنوعه

ولو في اشياء مميزه حق قرقيعان الكبار جم تفضلون يكون سعره ؟
بس عشان اعرف شكثر ممكن تكلفني القطعه وشكثر يسوى تعبها
والله مادري انا اقول على جم تكلفج و شوفي تعبها و جمعيهم و شوفي السوق احسن لأن لوبيشوفون شغلج مثل السوق راح يقولون السوق ارخص احسن ناخذ و ماراح تفرق جم شغله
وتفضلون الشغلات الخبه والا الناعمه .. يعني قصدي تحبون القطعه متروسه بالاكسسوارات والا فيها شي بسيط وناعم ؟
و الله انا احب اللي وسط مو اللي مافي شي كلش و الا الخبه لا اللي مزينته بجم شريطه و اكسسوارات خفيفه
و خلي على حسب الطلب احسن
والقطع تحبونها لها علاقه بالشغلات الشعبيه اللي تناسب القرقيعان والا عادي ممكن ستايل غير ؟
انا افضل على قرقيعان لأن بالنهايه بتسوينه حق قرقيعان و عشان تتميزين في لأن السوق مثل ماانتي شايفه مافي اشياء حلوه و مخصصه حق القرقيعان كله صنادديق عاديه و انتي تروحين تشترين عليها اكسسوارات على شغلات شعبيه فأحلى تسوينه على ستايل قدييم

و بالنهايه اقولج انا ماعمري بعت بس من وجهة نظري عطيتج وشوفي اهل الخبره و انا اقول لا تتكيسلين لأن ماراح يمديج بسرعه شوفي التاجرات و اكتسبي الخبره

الله يوفقج ما عندي خبرة لاني من مقاطعين هالسوالف

بعد عمري والله زين في احد يذكرني

انا الحمدلله بصحه وعافيه مشكورة على السؤال

مشكورة حبيبتي على الرد
عاد كان اهم سؤال عندي الاسعار المناسبه

مشكوووووورة وما قصرتي على الرد
فدتيني وايد
بس انا لما سألت عن السعر المناسب للقطعه مو قصدي ان ازيد عن سعر السوق
لا قصدي اعرف شنو ميزانيه القطعه الوحده يعني مو اسوي وحده شغلها بروحه 5 دنانير من غير شغل ايدي وبالاخير محد ياخذها لأنها غاليه .. فاهمه علي ؟
وانا ان شاء الله اذا عزمت فراح اسويهم للسنه اليايه لأن الحين كلش ما يمديني

مشكورة حبيبتي على الرد
ما قصرتي
الله يوفقنا جميع

مادري انا ولا مره سويت او شريت قرقيعان
بس افضل اللي يكون محشي وخالص ويكون ناعم مافيه شرايط واكسسوارات وايد
وفكرته بسيطه وناعمه ومو مهم عندي يكون الثيم مناسب للقرقيعان اهم شي الشكل حلو
وبالنسبه للسعر مادري اتوقع حسب القطعه بس ما اعتقد اخذ شي يتعدى 5 دنانير للقطعه

يمكن البنات اللي مجربين يفيدونج بالموضوع اكثر

مشكوووووووورة وما قصرتي على الرد
فدتيني وايد

يلا بناااااااات ابي آراء زيادة ساعدوني