شسوي مع الناس اللي يتحجون بولدي؟؟

السلام عليكم
بنات انا ولدي عمره شهرين واسبوعين والناس اذبحوني كل ماشافوا ولدي قالو معصقل ويضحكون عبالهم مااهتم فيه وانا حيل مهتمه فيه اقوم من نومي بنص الليل اقعده غصب ارضعه ماتتصورون اشلون اهتم برضاعته عطيته الحلبه مع الحليب شفته قام تكرمون يسهل خفت ووقفت الحلبه لان الحلبه سمعت حاره عليه
يضيق خلقي لما اروح بيت حمولتي ويقولون لي ولدج معصقل يخرع واي شنو هذا وطبعا غير اعيالهم يضحكون علي ضعف ولدي ويتطنزون ونصهم يقولون لي واي ولدج رخوا وولدي بالعكس زين علي طبيعته
شسسسسسوي مع هالناس؟؟؟ ضايق خلقي كرهت اروح لهم

مالج شغل فيهم قوليلهم الصحه مو بالمتن

والله يازيزو قلت اشكثر بس مو عاجبهم من كثر ماضاق خلقي عللي وليدي شكيت لدكتور هاوشني قال ولدج وزنه طبيعي ومالج شغل بكلام الناس اللي ماينفع قال مع الوقت ولدج راح يزيد وزنه بس هالناس تعبت منهم ومن تطنزهم

قوليلهمم باجر بيعجبكم

مالج شغل دخلي مني وطلعي منيه

طااااااااااااف تعرفين الطااف اللي لارجعه فيه عطيهم بو لباس

وعطيه حليب سميلااك ترراه يمتتتن

والله يخليه لج

شنو يعني خل يقولون معصقل
مافيها شي
وخل يظل معصقل ماهمج الناس
ولا تزططين ولدج غصب

نفس حالتي بالضبط كانوا يقولون اني مااوكله وكانت تحز بخاطري هالكلمه حييييييل
بس الحمدالله انا عايلتي مافيها المتين فمن وين بييله المتن معصصصصصقل
وكنت اوديه حق دكتوره سوريه لما كان يمرض كانت تقولي ماتوكلينه وحييل تعطيني مشهيات وفيتامينات وانا حييل ابلع فيه
عقبها وديتته حق دكتور بوحيمد (بيدش الجنه من كثر ماادعي لهالريال)كنت اقوله عن ضعفه وعن الناس شيقولون عني فقالي من وين بييله المتن اذا امه وابوه ضعاف؟؟!!مدام حركته واسنانه كلهم الحمدالله تمام مالج شغل بالناس وضنشت والحمدالله ولدي وبنتي كلهم نفس الجسم بس الحمدالله حركتهم زينه
فنصيحتي لج: طنشي مدامج مومقصره معاه يكبر ويسمن انشالله

اهم شي ان يشوفه دكتور ويقولج ان طبيعي وزنه وحتى لو اقل بشووويه من الطبيعي مومشكله
انا بنتي جذي وديتها عند د فهد المخيزيم وقالي عااادي لا تحاتي اهيال شوي اقل من الطبيعي
بعد الياهل طبيعة جسمه جذي ووشهيته للاكل جذي شتسوين فيه
ماعليج منهم اهم شي اذا الطبيب طمنج قولي انا وديته حق الطبييييييييب واهوا ادرى

والله حبييبتي لا تحاتيين و على قولتهم طنش تعش تنتعش و اذا قالووولج قوولييلهم عادي ولدي رشيييييق لووول و الله لا تهتمين ضحكي مدام الدكتور قال الحمد الله مافي الا عافيه ماعليج من حجي الناااس

اهم شي الصحة والعافية

ضعفة مو مرض هذا اهم شي

والحمد لله على الصحة والعافية

ويقولون اللي يقولون لا تهتمين حبيبتي وتصيرين حساسة بزياده

ماالج شغل فيهم

انتي شنو تشوفين يوم عرضتيه على الطبيب شنو قاال انه طبيعي مافيه شي

اذا اي ماالج دخل بكلام النااس

انا بنت اختي شنو اضعيفه او مااجت وكل مااودتها الدكتور قالها عاادي ماافيها شي قالت انا ابيها تمتن

قالها انا مااحب الجاهل متين مااحس يمشي بمراحل طفولته اما اذا حالة بنتج زينه حتى وزنها بالمعدل الطبيعي لعمرها

وفعلا بنتهاا بسم الله عليها بمشت بمراحل عمرها يعني قلبت اقعدت حبة خطة مشت بعكس اعياالي ترى مااحبو بس يقعدوون وعلى طول مشو

تستغربين بس هذا الصج بس قااعدين ماايتحركوون لين بلشووو يوقفون والحمدالله خطو ومشوو

بس مثل مااقلت لج مااعليج فيهم ولا تسمعين للناس

مالج شغل فيهم ولي قالولج (شنو ما توكلين ولدج حارمته من الاكل )قزلي لهم إي تصدقون ما أعطيه أكل "تطنزي علهم"

وكلامهم دخليه من إذن وطلعيه من الإذن الثانية

دام غنه ياكل وطبيعي ومافيه إله العافية ما عليج من كلام الناس

والله يحفظ ولدج من كل شر ويجعله من الذرية الصالحه يارب

اتوقع هالموضوع حاش كل ام عندها ولد ضعيف لوووول لان انا يبت ولدي نتفه وذبحوني نتفة ونتفة!! جنه انا اللي مخليته جذيه…. ولمن كبير بالاشهر اسملله عليه صار متروس وماشوفهم قالوو عنه اترس ولا شي لووول بس يعرفون يغثوون…والحين رديت امريكاا والدراسة واللوية…يشوفون صورة بالكويت يقولون واااااااااااااااااااااااي حرام عليج ضعف !!! استغفر الله ناس فاضية

الناس ماتخلص من الحجي حقريهم