|
|
اذا ماضعفت ابسرعه وداشه فلكس وداشه مساج ٦٣٠د دافعه واخذ ريدكتيل واكس ٢ سمول و ليبو٦ و حبوب الشاي الاخضر بنتحر ساعدونيييي
يحليله والله
يتزوج اذا ما ضعفت !!!
عيل لو مسويه مصيبة و للا حاشني مرض شبيسوي ؟؟ يقتلني؟؟
هذا بصراحه ما يستاهل
اذا بتضعفين ضعفي عشان نفسج مو عشانه
المهم صحتج اذا صار فيج شي من هالحبوب ماراح يطل بويهج
مو علا حساب صحتج
ياربي هالازواج مايترس عينهم شي!!!!!!!!!!!
قوليلي جم وزنج؟؟ وطولج…
خل نتناقش معاج وبالهدوء عشان تعرفين شنو انسب لج…
ماكو شي بسرعة
ولي يي بسرعة راح يرد بسرعة
وبعدين والله العظيم اهم شي النفسية
اذا نفسيتج جذي ماراح تنزلين ساليني
اول شي توكلي على الله وبيدي رجيم
اول ما تقومين ماي دافي
بعدين اكلي برتقالتين او توستة وحدة مع جبن او لبنة لايت خيار طماط مع شاي اقهوه مع سكر رحيم
بعدين جاي اخضر
الغدا
همبرقر مشوي اثنين او شيش طاووق مع سلطة وقبل الاكل بساعة شربي ماي
بعد الاكل حبة خل التفاح
والعشا
روب خالي الدسم مع خيار
حبوب خل التفاح
واذا يعتي اكلي اناناس مع رياضة
وقبل النوم شربي زنجبيل اتكونين منقعة من امس
والله يوفقج
مالج الا الدعاء
والله اذا مقتنع بالمره ما كو سبب يمنعه ….الله يعينج ….وحبيبتي وايد تاخذين حبوب موزين عشان صحتج
اتبعي نظام صحي وانشالله تضعفين
أنصحج لوجه الله أهتمي في وزنج عشان صحتج ومن ثم عشان شكلج العام الي يعكس على نفسيتج ..
وبالنسبة للرجال ما يترس عيونهم ألا التراب !
شنو انتي ناويه تنتحرين ؟؟
تنتحرين عشان ترضينه ؟
استغفر الله شهالريايييل
انا اقول روحي سوي مساج تخسيس عند صالون كوين مساج بالشعب عشر جلسات ب 120 وتلاحظين الفرق باسبوعين ولا تاخذين حبوب ولاشي بس ماكو شي يصير كن فيكن نطري شوي على نفسج
ترى جذيه بتخسرين صحتج
ومادري شلون صراحه تحملوون التهديد
احس فيه اهانه ؟؟؟؟؟؟؟؟؟؟
من صجج تخسرين حياتج علشان ريال لا وجذيه تفكيره بعد
لا حبيبتي الله يخليج لشبابج واخذيها مني كل هالحبوب استخدمتهم مايسون شي اذا مو مسويه رجيم
وغلط تاخذينهم مع بعض
سوي رجيم بروتين وتضعفين بسرعه
اصلا الي في راسه زواج يتزوج لو مرته ملكه جمال الكون
والله اليوم رايحه حق وحده والده بالمستشفى عسى ربي يخليلها وليدها
والله ان ريلها جميل وابض بعد امه لبنانيه يعني شتوقعين وابوه اصلا جميل يعني الريل جدا وسيم
واهي مسكينه اقل اقل من عاديه سمره حيل وشعرها خشن ومتينه والوجهه قليل الجمال
بس الريل تعرفين شنو منهبل عليها سبحان الله تقولين ماكو حريم بالديره الا هي يطالع الله ثم يطالعها
فيا اختي لا تؤذين نفسك علشان غيرج والله انتي الخسرنه
بالهداوه وشوي شوي وخلي عندج هدف
اتصدقين وحده معاي بالنادي من شهر 7 العام كان فيها تقريبا 120 والحين اتوقعها بالسبعينات
قلت لها ما شاء الله وايد ضعفتي قالت قطعت الكاكاو وخففت الاكل >>يعني مو رجيم وكل يوم نادي
وصارت شحلوها
سوي رجيم ولعبي رياضه
واللي يبي الحلو يصبر على مره
وماتوقع ريلج صج بيطلقج يمكن يهددج او يخرعج بس مايسويها
وترى هم انتي لازم تهتمين بجسمج عشان يحس انج مهتمه فيه
وبلاخير هالشي حقج
انتيملاحظه ان ما كنتي كاتبه رجيم او نظام غذائي في الخطه مالتج
عالعموم خففي الحبوب مو زبن ترى تتفاعل مع بعض و تأثر عليج