شسوي اذا بطلت الطهارة ؟؟؟؟؟

السلام عليكم

خواتي انا اليوم بروح الجيام بالمسجد وطبعا كل رمضان اقضي العشر الاواخر بالبيت وهالسنة انشالله باقضيهم بالمسجد س عندي استفسار ضروري الله يخليكم
اذا بطل الوضوء وانا بنص الصلاة شنو ممكن يصير يعني لو برد اتوضأ مرة ثانية بيطوفني ويتشتت نفكيري ! وفي شيء ثاني – الافرازات المهبلية اللي تنزل عالمرأة شنو حكمها من الطهارة ؟ يعني اللي اعرفه انها تبطل الطهارة بس شلون عالصلاة ؟؟ انا ارد اتوضأ واعيد الصلاة بس صلاة الليل مو عارفة شراح اسوي اذا انا بالمسجد ردوا علي الله لا يهينكم والله محتاجة الردود الطيبة منكم

وعليكم السلام
قال الشيخ ابن باز رحمه الله :

"إذا كانت الرطوبة المذكورة مستمرة في غالب الأوقات فعلى كل واحدة ممن تجد هذه الرطوبة الوضوء لكل صلاة إذا دخل الوقت ، كالمستحاضة ، وكصاحب السلس في البول ، أما إذا كانت الرطوبة تعرض في بعض الأحيان –وليست مستمرة- فإن حكمها حكم البول متى وُجدت انتقضت الطهاة ولو في الصلاة" اهـ .

مجموع فتاوى ابن باز (10/130) .
وسلامتج

الرطوبه والافرازات شي طبيعي وماعتقد تبطل الوضوء ، ولو انتقض وضوئج وانتي في المسجد بسبب هواء او ريح روحي للحمام وجددي وضوئج وكملي وياهم ، اما الافرازات ماعتقد تبطل الوضوء والله أعلم

مااقدر افتي لك

لكن اللي اعرفه

أن الله لايكلف نفسا الا وسعها ..

بدور الفتوى وان لقيتها جبتها لك يالغاليه

بس شلون اذا بين الصلوات 5 دقايق مايدي ينعاد الوضوء . استغفرالله

ترا الحمامات وايد ويمديج تروحين تتوضين وحتى لو ما لحقتي على اول الركعه يمدي تكملين وياهم عادي .. وكله بأجره ان شاء الله .. لا تخلين الشيطان يكبر هالموضوع براسج كل اللي رايحين هناك نفس مشلكتج وعادي وانشالله ما تحتاجين تروحين الحمام .. انا رحت قبل يومين ولا فكرت اروح للحمام والوقت مر بسرعه وما حسيت فيه . الله يسهلها ويتقبل منا ومنكم صالح الاعمال

عادي حبيبتي توضي ما عليج شر مو صعبه
موفقه و تقبل الله منج