|
|
اشلونكم بنات ؟
بنات حابه اخذ رأيكم بشيء شاغل بالي وتفكيري 
انا حاليا حامل وكلها جم شهر وان شاءلله اولد والله يسهل علي وعليكم ياااااااارب ويرزق كل محرومه ياااارب يااارب
المهم بنات انا تزوجت من غير عرس بغيت اسوي حفله يلوه وصارت ظروف ومشاكل وحاله وفاة كنسلنا كل شيء
ولبست وكشخت وصورت ورحت له جذي بس سويت عشا بين اهلي حمدلله على كل حال
قلت اعوضها بالاستقبال سبحان الله صارت بعد ظروف وحاله وفاة وسويت استقبال بس عشا
يعني كان بخاطري اسوي يلوه وماصار بخاطري البس ابيض ماصار 
قلت خلاص عادي حمدلله لبست عالاقل وصورت
بس بنات من اشوف بدله بيضه او يلوه يفز قلبي احس ابي اسوي عرس او حفله صغيره مو شرط وصاله او فندق
شسوي ؟ : ( اسوي استقبال والبس ابيض وادش جني عروس ولا مو حلو ؟ واذا بخاطري بعد اليلوه اشلون اسويها يصير بيوم واحد
بنات بليز فيدوني شسوي ؟
وايد سووها رفيجتي نفسج ما سوت عرس وسوت حفله عوده عقب طلعتها من النفاس
نفس سالفتي بضبط
بس الفرق الوحيد اني توني ولدت قبلج قبل اسبوعين
المهم حجزت صاله وكل شي
على اساس نهايه سبعه
تخيلي محد بيكون موجود الكل يقول مو وقته نبي نسافر
واحتمال كبير اكنسل
شوفي الحظ
والله بخاطري الابيض حدي
منكسر قلبي
بس ترا عقب الولاده بتتغير فيج اشياء وايد
ويمكن تقولين مابي حفله
راح تشوفين
وانا راح اسئل عنج عقب ولادتج
.
.
.
سوي الاستقبال بصاله ولبسي ابيض
وسوي يلوه شنو يعني
اصلا محد بيعتب عليج يدرون انه بخاطرج وانج ماسويتي عرس فعادي
ان شاء الله تقومين بالسلامه
بس اشلون قصدكم البس بدله بيضه من غير طرحه ؟ واستقبل الناس يعني مااقعد عالكوشه ؟؟؟
قيمر مرت عسل حمدلله على سلامتج وان شاءلله اكلمج بعد الولاده
وبعد قلبي حاسه فييييييييج والله نفسي يوم سويت الاستقبال صارت ظروف وعزا وفوق هذا وايد سافروا ماكانوا موجودين : /
ع
سوي مثل ما قالوا البنات وقصدهم لبس الابيض وووووووووووووو ما ادري والله مع كوشه ولا بدون بس ترى عادي وايد شوو علرس اقصد استقبال مثل العرس ولا تحاتين ونسي نفسج حبوبه ………………..
وريحي عمرج والله لا تتحسفين طول عمرج والله يهنيج و يوفقج وربي يسهل عليج الحمل
وتولدين بسهاله
وحبيبتي بس تولدين بعد الاربعين سوي ارقي استقبال بالمكان الي يحبه قلبج ولبسي الابيض
ودشي
والله يوفقج
سبحان الله العظيم
بس سوي الي بخاطرك ووسعي صدرك