شروط بونص المليفي للمعلمات .

اب اب

رفع……

اعطيج ياها كاش حبيبتي
لا تتعبين عمرج ولا تسوين اي شي
تلزقي بالناظرة ووكليها وشربيها و وصليها بيتهم
و نفس الشي مع رئيسه القسم والموجهه
والامتياز ماخذته ماخذته والبونص ضامنته ضامنته
واذا مو جذي
الطريقه الثانيه واسطه من ربعهم وتتضبط امورج

انا اقولج ياها عشان لا تتحبطين
لانه حرام حرام حرام تطبقين كل شروطهم اللي تطلع روحج
اخرتها تنصدمين انج مو من ضمن قائمة المستحقين للبونص
عقبها بتحوشج صدمة مالها اول من تالي

انا اقول خلينا بس نسمع سوالف الظلم من بعيد لي بعيد
والله فوقهم .

ناس قاعده بمكاتبها وتاخذ كوادر و زياده رواتب
وناس تشتغل مليون وظيفه بوظيفه وحده حتى كادر ما خذوا
و البونص حاطين عليه مليون بند وبند
واخرتها لربعهم
معروووفه طابخينها وخالصه

upupupupppppppppppp

قسسم بالله كلامج اميه بالاميه صح ناس مو كفو
تاخذ و ناس متقطعه مظلومه .. الله المسسستعآن
..
بس انا الحمد الله علاقتي مع الناظره و الوكيله
تمام وعآل العآل بس أنا كله اسوي انشطه …
..
( من عمل عملا فلـ يتقنه ) قلت اشوف شروط
البونص خو أنا بدون بونص و الحمدالله بس لاني
..
مشتهيآ تكون هسسنه غير كل سنه

..

للعلم مب أنا الابله .. أمي الابله و بتستفسر
ومو عشان اهيا امي امدحها بس انا هسنه اخر سنه معاها
بالمدرسه و قسسم بالله الكل يشرق بأسمهآ انشطه و
مراجعات و و و مو سنه من جيتهآ الثانويه و كل
البنآت عآرفينهآ … الله يعطيهآ العافيه فديتهآ
على قولتهآ الي يحب وظيفته يبدع فيه .. انشهد

و أب اب لعيون أبله أمي

يعطيها العافيه

والله يباركلها برزقها

يعافيج ي بعدهم ماقصرتي

الله يخليلج الوالده و يوفقها
انا ليلحين ما اعرف الشروط الثابته لانه مثل ما انتي عارفه الحجي ابلاش
لاكن هل نزلت شروط محدده و اثبتت و توني ادري انه لازم موقع و تويتر بصراحه اول مره اسمعها
لاكن اذا كانت هذي احد الشروط فالمفروض يوفرون دوره تدريبيه لهشي لانه تصميم الموقع ماهو شي هين مثل مانتو متخيلين
يبيله دوره مو اقل من شهر
و االله يوفق الجميع

هذا قرار ما راح يتطبق مو الكل يعرف للنت وكمبيوتر
وتسوين لج كذا صفحه والخرابيط

ما راح يمشي هالقرار

الله يسسسسلمج ي قلبي اي والله صدقتي
لازم دوره أنا بس كنت بتأكد من هـ شرووط
مآقصرتي على الرد

والله مايندرى كل شي جايز
ماقصرتي على المشآركه

وا نا بعد اقول المعلمة المخلصة تغسل يدها من البونص وحتى الامتياز اقول قصتي وقصة كل معلم مخلص .. بداية العام الدراسي كنت النحلة في المدرسة الأفكار الأنشطة حتى الورش والإبداع ما خليت شي ما ما ساهمت فيه حتى اني كنت مطراش الناظرة اقصد للمهمات الرسمية روحي يا أبلة وتعالي يا أبله طبعا كنت متصورة اخذ تميز حصصي ابداع ما أمدح نفسي لكن هذا الشئ بشهادة الجميع يعني مطبقة كل شروط الامتياز ولا بعد خابه عمري متصورة اني خلاص وصلت القمة المهم ما اطول عليج بس ما كنت كلكجيه يعني كنت احب عملي من قلب ومخلصة ومحتسبة عملي لوجه الله وحده تقول هذا الشئ اكيد خيال .. وفي الأخير عطتني الناظرة اقل تقدير من بين زميلاتي الكلكجيات انا كنت حق الكراف والشغل وتشد في الظهر وقت الشدايد والباقيات حق صبغ الطوف ودهن سير الناظرة ورئيسة القسم والموجهة كنت اعمل بصمت والحصيلة اني كنت عند الصجية وقت اعداد التقارير صفر على الشمال .. يعني لا احد يتعب نفسه بهدف الأمتياز والبونص حتى لا ينصدم بالواقع هذا ابونص مفصل تفصال لفئات مقربة من الناظرة والإدارة تعرف تدهن السير حتى يسير بس لا بد ان نحتسب الأجر على رب العالمين وهذا اهم شئ انا صراحة ما عاد يهمني امتيازهم ولا حتى بونصهم راح كادر موضى وجا بونص المليفي انا مالي نصيب لا في كادر موضي ولا بونص المليفي خلنا على معاشنا والعقلان على الله .. وياليت نسلم عليه .. ونحمد الله ونشكرة وهذا المعاش نصه طاير للوسائل التعليمية والنصف الثاني على الورش والدروس الريادية بس لنا طلب واحد من المليفي .. ينزل لنا كادر خاص تحت بند ( الورش – والوسائل التعليمية والدروس الريادية ) ودمتم سالمين …
استغفر الله العظيم واتوب اليه.

اكتبي بقوقل شروط البونص وزراة التربيه وراح يطلع لج

والله يخلي لج الوالده ويديمها بصحه ونشاط

المليفي قال اليوم الشروط الرسمية راح تطلع بعد 10 ايام بعد موافقة مجلس الوزارء

يعني نطروا 10 ايام وتعرفون شنو اللي لكم واللي عليكم