|
|
السلام عليكم ورحمة الله وبركاته ..
أشوف شكثر بنات متأذين من التسجيل بالنت لأنه شغلة جديدة عليهم فقلت ليش ما أحط شرح مصور لاستخدام الخدمات الإلكترونية اللي يقدمها موقع كليتنا الموقرة 
الفكرة طرت على بالي أول ما شبكت الصبح ودخلت أجيك على موعد تسجيلي ومن محاسن الصدف أنه تسجيلي اليوم الساعة 12 .. قلت دام انه وقت تسجيلي توه وأنا أصلن مابي أغير شي بجدولي ليش ما أستغل النظام لما يفتح بأني أشرح طريقة التسجيل .. فاضية حدي صح <=== رايقه على هالصبح .gif "Eh S(9)")
أول شي ندخل على الموقع الرسمي تبع كلية الفقــــ….ر أقصد كليتي العزيزة .gif "Eh S(22)")
وهذا الرابط https://www.paaet.edu.kw
ونضغط على البنر البرتقالي اللي مكتوب عليه " الخدمات الإلكترونية للطلبة "
تطلع لنا صفحة فيها خيارين نضغط على " نظام تسجيل المقررات بالكليات "
تفتح صفحة التعليمات بآخر الصفحة تحت فيه بنر هم برتقالي نضغط عليه
يمكن بهالمرحلة تطلع لكم مسج تحذير من البراوسر إضغطوا yes أو ok
ما أقدر أضيف صور .. أكمل بردي الثاني
طبعًا تدخلونهم وتنتبهون للباسورد إذا كانت الأحرف كبتل أو سمول
الحين فتح النظام وطلعت البلااوي
القائمة اللي على اليمين تختارون وقت التسجيل عشان تعرفون متى راح يفتح لكم النظام
وجيكوا على الرسوم .. الكورس اللي طاف جا وقت تسجيلي وأنا ما دفعت الرسوم ما قدرت أسجل كنت بموقف لا أحسد عليه
الحين ما تقدرون تسجلون إلا بالوقت اللي هم محددينه بس تقدرون تشوفون جدولكم لأي كورس وتقدرون تشوفون المجرشيت والدرجات والمعدل العام والتخصص
إضغطوا على جدول الطالب وإختاروا أي كورس تبون
نفس الشي بالنسبة للدرجات .. اضغطوا سجل الدرجات بيطلع لكم الكورس والمواد اللي فيه وتقدير كل مادة مع المعدل خلال هالكورس
راح أرجع إذا فتح معاي النظام عشان أشرح طريقة التسجيل ..
صج ياليت كل وحدة تقولنا متى موعدها بعرف أنا متأخرة ولا شنو مدري وين الله قاطني الكورس هذا صايرة رفلـــــــــه
وفي كليات واجد جان كتبتي التطبيقي :> مو بس الاساسيه وثاااانكس على المعلومات
بس أحسها طويلة كعنوان " شرح التسجيل في الجهات التابعة للهينةالعامة للتعليم التطبيقي و التدريب )
الجوري الوردي عيونج الحلوة
والتكلمة في ما بعد
تبيني اعدل العنوان؟؟
حسبي الله على فاست تلكو .. صج " الخمطه بربع " لقوا لهم دعاية لايقة عليهم
نكمل وعلى الله هالمرة ما يفصل .. إذا فصل بانتحــــــــــــر
لما يجي وقت التسجيل .. تدخلون الموقع وتدشون على حسابكم
واضغطوا على تسجيل مقررات من القائمة على اليمين
راح يطلع جدول المواد اللي مسجلينها هالكورس
لاحظوا أنه أي تغيير تسوونه ما يـُـعتمد إلا بعد ما تضغطون أرسل للتسجيل
بيفتح لكم إختيارات ثانية وقت التسجيل وهم :
اختيار المواد بيدخلكم على صفحة المواد اللي نازله هالكورس
اختيار تلقائي للمجموعات بيخلي الجهاز يختار لكم المجموعة على حسب الوقت اللي يناسبج والشعب المفتوحة
معاينة الجدول واضحة ما يبيلها شرح
الأخير إختبار تضارب الأوقات أضغطوا عليها بعد ما تخلصون عشان يجيك على وقت الشعب ما يكون فيه تضارب
الحين بشرح طريقة إضافة مادة وتغيير مجموعة و الانسحاب من مقرر
لو بغير المجموعة
بتفتح لي كل الشعب أختار الشعبة اللي أبيها
واضغط إختيار .. راح يرجعني للجدول .. وحطوا ببالكم أنه التغيير بهالمرحلة ما أعتــمد لما تضغطون أرسل للتسجيل بالصفحة اللي فيها معاينة الجدول
إذا تبون تسحبون سهلة .. تعلمون على سحب وتضغطون أرسل للتسجيل
وإذا بتضيفون مادة من إختيار المقررات بالقائمة الرئيسة
وبس
إذا فيه نقطة ما ذكرتها أو مو واضحة بلغوني
وموفقين إن شالله تحصلوون المواد اللي تبونها عند الدكاترة اللي تبونهم
رونه..
وسوري ع التاخير توني انتبه