شرايكم

امهات وبنات التحدي والصبر
شرايكم بتأجيل السنه الدراسيه كورس أسوة بالمملكه العربيه السعوديه ودولة عمان
نظرا لتداعيات مرض انفلونزا الخنازير ابي رايكم مع او ضد

مع تاجيل الدراسه
او انهم يلاقون حل
مثل التطعيم حق الكل

اي والله ياليت يؤجلونه بس منو يسمع؟؟!!!!!!!

الله بالخير يا احلى رفقة شلونكم وشلون عييلكم والله يحفظ عيالنا ويحفظنا اجمعين من هالأمراض وياريت يستعيلون بالتطعيم والله الحافظ

والله جاااانزين ياجلون الدراسه علشان اعيالنا والله احاتيهم لأن فيهم نقص بالمناعه

ولا يشوفون لهم حل … انا عن نفسي ماراح اوديهم إلا لما اطمئن عليهم واشلون وضع المدرسه من جميع النواحي

الله يحفظهم بحفظه

مع تأجيل الدراسة

والله يا مشاعل يا ريت .. ولو حبذا بس لاحياة لمن تنادي
هم عشر الأواخر وطلعوا عينا عليها .. بعد كورس !! لا تعليق

انا مع التاجيل ياقلبي ولدي ماعنده مناعه.. والله قاعده احاتي بس انشالله ربي يحفظ عيالنا وديرتنا

الأخبار اليوم تبشر بالخير يقولون يبي أجلون دوام رياض الأطفال والحضانات ومدارس ذوي الأحتياجات الخاصة لي 10 سبتمبر

حبيبتي الغاليه ربي يجزيج جنه الفردوس الأعلي ويارب يبشرج بالجنه علي هذا الخبر

فعلا كنت احاتي اعيالي وامس قاعده نقاش مع ابوالعيال اشلون بوديهم المدرسه وهم فيهم نقص بالمناعه

وقلت له إني ماراح اوديهم لما اشوف لهم حل …. والحمدالله اجلوا الدراسه

الحمدلله تم تأجيل دراسة عيالنا من ذوي الاحتياجات الخاصه والروضه وانشاءالله بيقرونها للباجي