شرايكم بهالنوعيه من البشر

قوه بنوتات

شلونكم شخباركم

بقولكم هالموضوع واعذروني واذا في كلمات والفاظ غير لايقه راح اقولها

بس اسمحولي من لوعة الجبد والمغثه اللي تشوووفها

تكفوووووووووووووووون اذا كنتي قاعده في مكان وقاعده تسولفين عن اي شي

مثل بيتج عيالج ريلج السوق وتنط لج وحده ببلعومج وتقعد تعلق على كل كلمه تقولينها

وتقولج انتي تسوين جذي ؟؟ !!

او انتي تقولين جذي ؟؟ !!

وعلى راسها الف علامه تعجب وتحسين انها حتى اهي تسوي نفس الشي بس جدام الناس تسوي

روحها غير عن الخلق

ولا تييلج وحده بتتكلم عن اي موقف تحطج

يعني مثلا قاعدين نسولف عن غرفة النوم تيي تحط اسمج انج انتي مثلا تسوين جذي وجذي

حق زوجج جنه اهي اسم الله عليها ما تنام مع زوجها ولا تسوي حق زوجها حركات

مسكينه داقه الشرف حتى على زوجها

شلون تتعاملون مع مثل هالبشر والله شي يلوع الجبد

شحقه تسولفين عن بيتج وعيالج عندها ؟
اذا هي ملقوفه انتي شتسوين بعد !!

نسولف على اساس انه خوات ووحده تنصح الثانيه وتاخذ افكار الثانيه

ما ندري انه في ناس تبي الزله وقاعدين بس حق الشماته

ويييييييييييه اشكثر هالنوعيه
وع المزاج احيانا احقر واحيانا ادقرهم اخليهم يتحسفون ع اللي قالوه

والله زين تسوين لانهم صج لووووعه

يخلونج تلعنين الساعه اللي تكلمتي فيها

طبيعتي اسكت عنهم لان موضوعهم تافه – بس ساعات لما انقهر او اطفح
اكيد ارد واعطيها شي عدل اخليها لي النهاية ساكتة لوول << سويتها جم مرة

اللي ينرفزني اوقفه عند حده – ماحب اسكت لهم وايد ويتمادون
او اقلب السالفة عليها ونضحك عليها

تكتيك لووووول

هالنوعيه ماودج تاخذين منهم نصايح وافكار

تجنبيها نصيحه

اللي تسوينه يااقلبي انج تكتمين اسرار بيتج واللي يصير بينج وبين ريلج مايطلع بره لا حق عدو ولا حبيب والنقاشات ياكثرها ناقشيهم بلون طوفه بجدر شريتيه بكرفايه حق بنتج نفنوف زاهي خاطرج فيه يعني بكل شي تناقشي واخذى واعطي بالكلام علي راحة راحتج الا سوالفج مع ريلج طيعيييييني اولا مايجوز وثانيا عيون الناس ماتعطي خير اش لج بعوار الراس
هالنماين من الناس فرقاهم عيد وسعيد ولي شفتهم يتليقفون اتصدد عنهم واغير السالفه اعومسهااااااا فوق تحت واخليها تناقز من القهر لاني ماعطيتها مجال تسوي وتقول اللي براسها

والله زين تسوين فيهم تعجبيني

نصيحتج على راسي حبوبه وانشالله باخذ فيها

لوووووووووووول تعجبيني

لما تقاطعج او تنقد عليج او تستهزاء بكلامج
ردي عليه رد محترررررم تخلينها تنقد علي نفسها وتكره اليووم اللي سوت معاج هالحركه

مثلا تقولج انتي تسوين جذي ؟؟ ناقده ؟؟<< قوليله اسملي عليج اسوي هالشي بالحلال ماسويت شي غلط ولايغضب ربي وعطيها نظره تعدلها

صح كلامج وانشالله راح يتطبق

.

ويييع هاذي لا تسولفين معآهآ عن ريلج و عيالج
و اذا اهيه فتحت الموضوع قوليلها هاذي خصوصيه و ابتسمي لها و خلاص
يعني خليها تسكر على الموضوع (=

ويع ويع ويع
ذكرتيني وحده معاي بالدوام
كل ماقلت كلمه نطططططططططططت مثل الكنغر وأخذي أسأله أجوبتها معروفه
حتى عن فاتورة المطعم تسأل انتي دفعتيها والا ريلج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قمت أقثها وأزيد بالحجي واحسها بتنبططططططططططططططططططططططططططططططططططططط لين قامت تسكت
اعوذ بالله