|
|
السلام عليكم
بنات انا بقولكم الي صار مع ولدي بالمدرسه وأبيكم تحكمون(ولدي بثانيه ابتدائي)
يوم الخميس رد ولدي يقول ان أبو رفيجه ياله بالهده وقال له ما أبيك تجيس ولدي كلش يا ويلك أذا جسته
قلتله وانا معصبه انت شمسوي بولده؟؟؟
قال كنت العب وياه وكان بايدي خشبه صغيره حطيتها بشعره<<<الصبيان وشطانتهم.gif "Eh S(1)")
المهم انا زفيته وابوه كذلك
واليوم الصبح طول الطريج حق المدرسه وابوه يحذره لا تكلم هالولد نهائي مالك شغل فيه<<<مالنا خلق مشاكل
المهم رد من المدرسه ولا الابو مشتكي عليه عند الوكيله والاخت حطت اسمه بقائمه الصبيان الشياطين!!!!
ياربي وبعدين شصاير ليش هذا كله؟؟؟
يقول ولدي ان تهاوش مع الولد مره ثانيه وقال له ابوك مينون
قلت له لييييييييييييش قايل حق الولد ابوك مينون
يقول لان أبوه يشرب زقاير
ياربي شهالحاله هذا طبعا واحنا محذرينه مليون مره قبل المدرسه بس يتم صبي
الحين شرايكم بموقف الأبو هل صحيح تصرفه؟؟؟؟؟
الله يهديه حاط حاله حال اليهال كل ما تهاوشوا ركض حق الوكيله لي امتى يعني؟؟؟
بصراحه اليوم ما زفيت ولدي لان حسيت ان الأبو مصخها شفيه كل ما صار شي بين ولده واليهال بالمدرسه بيسوي سالفه!!!!!!
ولدج ماسوى شي جعمتوه وخليتوه يتعقد
اليهال خصوصا الصبيان يتهاوشون ويردون ربع طبيعتهم الله خلقهم جذي يحبون التحرش والطق والمطاقق
وابو الصبي صراحه هذا ماعنده شغل
كلمه ورد غطاها
قولي لودج
اذا احد طقك اغسل شراعه لان الصبيان يتمادون ولاتعيل على احد ترى ماتلقى لنفسك صاحب
وخلاص
انا ولدي الصغير حيل خواف واتمنى وادعي ربي انه يصير اكشر والكل يخاف منه لاتضحكين علي بس مجتمع الصبيان القوي ياكل الضعيف
والياهل الخواف انتي تخافين عليه وتحاتينه والله ماانام من كثر خوفي على ولدي خصوصا بمدارس المناطق العاشره
هذا الأبو ينقاله دعلة ..
انا مدرسة واشوف الهوايل ..
شوفي اهمه يهال ويتهاوشون ..
انتو تعلمون ولدكم ما يعيل وان انطق ياخذ حقه بيده وريوله بعد ..
وانتو ما قصرتو كلمتو ولدكم ..
وفعلا مجتمع الصبيان يا طاق يا مطقوق ..
والابو الياهل هذا اليوم ولده تهاوش مع ولدج باجر يلعب معاه ولا همه ..
عيل شقولج ..
احنا مدرسة بناااات يعني اقصى ما فيها طقت رفيجتها على ايدها والا قالت لها يالمليقة ..
ماعندنا عنف
مرة ياية ولية امر ومرة عودة بعد يمكن يدة الطالبة مو امها
وناطرة البنية بره الصبح ومعاها بنتها من يات البنية جان تطقها وتصرخ عليها اللي عيزنا واحنا نفاكك ..
وين قاعدين تنطرين بنت الناس عند الباب وتطقينها ؟؟
بالفرصة الا البنات يلعبون مع بعض .. ولا فيهم شي
بس شتسوين مع اولياء الامور الدعل
شهوده كلامج صحيح فعلا بس ياربي انا ما أرضى ولدي يطلع منه غلط فالمره الاولى زفيته علشان لا يكررها بس لما شفت ولي الأمر زاد الطين بله واليوم راح حق الوكيله عرفت ان العيب مو بولدي العيب بولي الأمر الخواره الصراحه!!!
ومبدأ الي يطقك طقه هذا الي ماشيه عليه بتربية عيالي لان مدارس الصبيان الله وكليلج غااااااابه ما يمشي فيها الا القوي
رفروفه شفتي هذيله البنات عيل الصبيان شلون!!!!
والله العظيم استغرب من الكبار الي يتدخلون بين الصغار ما أدري مخهم شلون قايل ياربي هذيله يهااااااااااااااااااااااااااااال
حاط دوبه ودوبهم يكره اليهال ببعض الله يهداه
وولدج بعد سبكبك بدع بالصبي 
يعني فوق الزف الي زفيناه انا وأبوه والوصايا المليون الي وصيناه رد وتهاوش مع رفيجه!!!!!!
يعني نسف كل الي قلناه له وعااااااادي ولا بباله شقول بعد ياربي ياهل
ولدي تعقد كل مايقولي فلان طقني اقوله قوله الله يسامحك وولدهم الي طاق ولدي شنو يقولوله الولد مايصير ريال الا لما يطق عشره باليووووووووووووم لوووووووووووول قمة الينون شراااااااااااااااااااايكم
بس بدون زعل يمكن وليدج متسلط عالولد !!!!!!!!
انا اقولج ليش اقول جذيه !!!!لان ولدى انطوائى وخجول
لدرجه تحر القلب (( طبعا قلبى )) لانى امه وواحد من
الصبيان سبحان الله متسلط عليه كل يوم كافخه كل
مضحك عليه الصبيان !!!! طبعا ما يقول لى اكتشفت بطريق الصدفه!!!
لان مره وانا اساله عن الغياب ومنو غايب جان يرد اليوم وناسه محد طقنى!!!!!
انا هنيه دختتتتتتتتتتتتتتتتتتتتتتتت !!!!!!!! ليش يما منو كل يوم يطقككككككككككك
واهنيه كان لازم انبه الاخصائى (( طبعا المدرسين )) عندهم غابه !!!!!!!!!
البقاء للاقوىىىىىىىىى !!!!!!!!
بس ماشاءالله عليج انتى عالاقل توعين ولدج وتنبهينه احسن من ايللى يشجعون
عيالهم عالاذيه!!!!!!!!!!!
امي مدرسة صبيان
تقول عيزنا واحنا نفجج بها الصبيان ماكو فايده
تقول اجرام وصف روابع يكفخون اوائل
قوي ولدج حرام اتكسرين مجاديفه خليه يفك عمره بعمره
وبعدين ولي الامر هذا ما عنده سالفه ولا عنده شغل إلي كل شوي رايح ومشتكي
ولا ان ولده فقير ومسيكين من النوع الخواف همن بعد جذي بيخاف على ولده
الله يهديهم والله اخواني بدقيقه يتهاوشون ميت هوشه
هذا لعبهم وبعدين لا تلومينهم انتي افتحي ام بي سي 3 ترى كل برامجها طق ومطاقق
وسبائك هالريال والله انه فاضى وناقص عقل يعنى يا ابها ت مايدرون عن عيالهم ياهذا على ادناة الدون بلغ
نظام مدارس امريكا مربطه العيال تربط والله ولا واحد يقووول اش ليه درجة ولدى فى المتوسط على باب المدرسه واقف شرطى يوميا الله وكليككم يداوم حاله حال الابلات عشان لو يصير شى بالمدرسه على طوووول ينط لهم , بصراحه كل هذا المهاوش والنجرة من ادارة المدرسه لو شديدين ويعاقبون والله جان كل ياهل عرف يتعامل مع الثانى . انا عيالى الصبيان يمكن خلال حياتهم حتى الكبير بعد مو الصغير مرتين اتهاوش بس يعطووونا عقاب شديد ليه درجت والله قام يحلم بالليل وموقادر يتنفس من اللى سووو فيه
وكان عمرة 10 سنوات حطو بغرفه صغيرة وقباله طواله وقالوااا له اتسوى الهوموركات اللى عليك والله طول اليوم الدراسى حوالى 8 ساعات وهو بالغرفه هذى
بصراحه الله يساعدكم يعنى خاصه اللى ولدها ينطق وتدرى ان ولدها سكوووتى والله يعور القلب وذاك الثانى اللى يطق ياهل يربى مافى مشر ف عليهم يفاككهم
ماتشوفون شر والله عمرى انتوا
و اكو اولياء امور يبون الشكوى على ادناة الدون
لا تعقدين ولدج بزياده بس حاولي تنصحينه انه ما يحتك بهالولد و بيني له ان هالولد و ابوه راعين مشاكل و انه لا سوا شي بيحطونه في لستة الاولاد الشياطين و اهو ما يرضيه جذي .
و خل يرافج غير هالولد
و اذا الابو رد اشتكى عاد دوركم يالاهل هم اشتكوا ان هالابو مستقصد ولدكم
و عادي طوفيها و لا تكدرين خاطرج سبكبك
ومره كنت باخذه من الروضه ولا يقول لي هذا الي طقني ولا اروح للولد اقول له ليش حبيبي تطقون بعض هذا رفيجك ولا يقول لي الولد ابوي قال لي امش وطق!!؟؟
قلت له شنو امش وطق عيب الولد الشاطر مايطق رفيجه وهذا رفيجك ترى بعدين ما اخليه يلعب معاك
ولايقول لي اهوه الي طقني قلت له قول حق الابله اذا اهوه طقك وقال لي انزين وثاني يوم عادي يلعبون مع بعص ولاجنه صاير شي!
هذول يهال طقني واطقك عادي هذي الدنيا
حمدلله والشكر