شرايكم بزواج المسيار يصير اتزوج ؟؟

بنات انا انظلمت بزواجي خذيت واحد مطلق حطلي الشمس بايد والقمر بايد قص علي بكلامه المعسول طلع حقير طلع راعي مشاكل وسفرات ومغربيات مع انه بيصك الاربعين وعنده ياهل من زواجه الاولاني وانا يبت منه ياهل بعد فكرت ارجعله بعد الطلاق بس قلت بقلبي شلون ارد راح يرد حق المشاكل ونرد نتطلق ويمكن ارجع اتطلق منه وانا عندي ياهل ثاني فكرت اقط الياهل عنده لانه الوالد والوالده متوفين وبيت الاهل انباع وماعندي مكان اعيش فيه قلت اقط عليه البيبي اهو يربيه لانه ما اقدر اربي بروحي وقلت زواجي راح يكون صعب على الرغم اني جميله والحمدلله بس عمري صار 36 مع انه شكلي يعطي 26 قلت اتزوج مسيار ماعندي غير هالحل شرايكم ؟؟؟

ما عندج مكان تضفين ولدج بس عندج مكان المسيار ؟؟؟؟
شي غريب صراحة بغض النظر عن حلال وحرام بس ماكو استقرار ولا أمان ولا سكن
متعة وقتية بس ومع الأيام راح تزول وتحسين في فجوة!!
دام امج وابوج توفوا وطليقج مؤ زين ربي ولدج وجابليه عشان لا كبرتي يقوم فيج
إذا هذاه أبوه ماراي يحن عليج ولا راح يصفالح احد في المستقبل

والله ما اعرف شنو اكول بس هذا مو حل يا اختي عيدي التفكير بهل موضوع والي كاتبه ربج بيصير والله يسهل امورج ويرزقج بأبن الحلال الي يتمناه قلبج وعقلج ويعوضع صبرج خير

قلبي كاملة الدسم انا قلت طليقي طلع راعي مشاكل ومحاكم ومخافر مينن طليقته الاولانيه مخافر ومحاكم بس طليقته الاولانيه امها وابوها واخوانها موجودين وعندها بيت الاهل موجود بس انا بيتوحد فيني هالمينون يدري ماعندي أحد ولا مكان بينني عشان جذي قلت افتك من المشاكل واقط البيبي عليه فهمتيني وقلت مسيار لأنه ادري اللي بعمري وظرفي صعبه تتزوج مادري اقسم بالله اني ما افكر بالجنس ولا بهالسوالف بس انا شكلي صار غلط مطلقه وساكنه بشقه بروحي احس الكل نظرته صارت مو زينه حقي يعني الرياييل طمعت فهمتيني انا ناعمه وجميله شوي مو وايد فأخاف صراحه على نفسي من الناس ومن كلامهم وحسيت انه اللي يكرهوني وايد اقارب واهل طليقي يدورون وراي وورى اخباري مادري عشان اسكت الناس

ما انصحج صراحه بالتفكرين فيه لان هذي الزيجه ما فيها استقرار وخوفج واحد يطلع مايخاف ربه وانتي ماتعلمين بالنيات حطي بالج وفكري عدل وبمنطق علشان بعدين لاتتحسفين صدقيني الله سبحانه وتعالى اقرب لج من الف رجااال في العالم الي خلقج مانساج الله سبحانه متكفل فيج مستحييييييييييييييل الي كفلج ينساج واذا سألك عبادي عني فأني اجيب دعوة الداعي اذا دعان عليج بصلاة الليل وقتها تتفتح ابواب الرحمة والله يأمر ملاك من سابع سماء يقول اذا لج حاجه يقضيها لج و مظلومه ينصرج وان كنتي مهمومه يفرجها عنج والخ استغلي هذا الوقت بالذات الله سبحانه مستحيل يبخل على عبده والله يفرجها عليج ويسر امرج ويقضي حاجتج يااارب لاتخافين الله راح ياخذ بحقج من الي ظلمج صدقيني وقالها الامام علي سلام الله عليه:يوم المظلوم على الظالم اشد من يوم الظالم على المظلوم

والله ياخذ بحقج بأذن الله واحد احد بس ديري بالج قبل لاتخطين اي خطوه واذا احنجتي اي شئ لاتترددين بنات المنتدى كلهم خوااااااااااتج صدقيني مايقصرون

ما انصحج صراحه بالتفكير فيه لان هذي الزيجه ما فيها استقرار وخوفج واحد يطلع مايخاف ربه وانتي ماتعلمين بالنيات وقلتي بعد مالج سند غير الله سبحانه حطي بالج وفكري عدل وبمنطق علشان بعدين لاتتحسفين صدقيني الله سبحانه وتعالى اقرب لج من الف رجااال في العالم الي خلقج مانساج الله سبحانه متكفل فيج مستحييييييييييييييل الي كفلج ينساج واذا سألك عبادي عني فأني قريب اجيب دعوة الداعي اذا دعان عليج بصلاة الليل وقتها تتفتح ابواب الرحمة والله يأمر ملاك من سابع سماء يقول اذا لج حاجه يقضيها لج و مظلومه ينصرج وان كنتي مهمومه يفرجها عنج والخ استغلي هذا الوقت بالذات الله سبحانه مستحيل يبخل على عبده والله يفرجها عليج ويسر امرج ويقضي حاجتج يااارب لاتخافين الله راح ياخذ بحقج من الي ظلمج صدقيني وقالها الامام علي سلام الله عليه:يوم المظلوم على الظالم اشد من يوم الظالم على المظلوم

والله ياخذ بحقج بأذن الله واحد احد بس ديري بالج قبل لاتخطين اي خطوه واذا احتجتي اي شئ لاتترددين بنات المنتدى كلهم خوااااااااااتج صدقيني مايقصرون

وانا بعد ماراح اقصر معاج

لا تستجيروا من الرمضاء بالنار
اظن مافي ابلغ من هالمثل اختصر على عنى الكتابه

بعد اذنج اختي ممكن توضحين قصدج؟؟؟؟

ويه يا اختي عاشقه انا تقريبا كفرت وين الله ياما دعيت ما استجاب لي اشك في وجوده من زوجة ابو الى ظلم الابو وظلم الاخو وظلم الزوج واهله حتى قلت مابي امشي بالطريج الغلط بس مادري الدنيا قاعده تحدني من كل صوب عشان جذي قلت مسيار

مع غدوره كلامهااا صحححح

الله يرزقك ويسعدك بولد الحلال اللي يسعدك ويصونك يارب

كاالمستجير من الرمضاء بالنار

يضرب هذا المثل لمن:
يعدل عن أمر مثلا ، فيه مشقة عليه أو خطر أو نحو ذلك ، يعدل إلى أمر يظن أنه أهون من الأول وأنه يصلح أن يكون بديلا عنه ، فإذا به قد وقع في أمر أشد من سابقه.

فهذا مثله كمثل الذي ، كان واقفا في الرمضاء وهي شدة الحر فأراد أن يحمي نفسه منها فاستجار (طلب الحماية) بالنار.

هذا قصدج يعني نفس الي مكتووووب

كاالمستجير من الرمضاء بالنار

يضرب هذا المثل لمن:
يعدل عن أمر مثلا ، فيه مشقة عليه أو خطر أو نحو ذلك ، يعدل إلى أمر يظن أنه أهون من الأول وأنه يصلح أن يكون بديلا عنه ، فإذا به قد وقع في أمر أشد من سابقه.

فهذا مثله كمثل الذي ، كان واقفا في الرمضاء وهي شدة الحر فأراد أن يحمي نفسه منها فاستجار (طلب الحماية) بالنار.

هذا قصدج يعني نفس الي مكتووووب

حبيبتي لاتقولين جذي على نفسج اقولج رواية تسر خاطرج بما معناها اقولج اذا العبد طلب ربه من ربه حاجه اذا هذا العبد مؤمن بالله اقول حق الملائكه انا استجبت دعوته بس اخروها عنه لاني احب اسمع صوته وهو يناجيني واذا العبد شقي الله يقول للملائكة عطوا حاجته لاني ما احب اسمع صوته

شراااااااايج باروايه مو تسر الخاطر وتعطيج امل بالله سبحانه الله مأخر حاجتج لان يحب يسمع صوتج وانتي تناجينه لايأس مع الحياة ولا حياة مع الياس واليأس من رحمة الله هذا من الشيطان اللعين الرجيم عليج بصلاة الليل الله يحبج صدقيني كلشي يبله صبر احنا مانخلقنا في الدنيا علشان نفرح ونسرح ونمرح لا لا الله يحب يبلي العبد المؤمن ولازم تكسرين راس الشيطان وتجتازين الاختبار بجذي انتي فزتي دنيا وأخره

حبيبتي انتي لا لليأس سمعتيني ولا لا