شرايكم بالمنشطات لضعف المبايض

السلام عليكم

عندي موضوع محتارة فيه وضايق خلقي عليه مشتهية الله يرزقني ولد رحت للدكتورة وقالت معاج ضعف

مبايض واذاتبين ولد امشي على نظام غذائي امتنعي من جميع منتجات الالبان واكلي موز وذرة وبطيخ

وكثري من السمج اخذت منشطات ومشيت على النظام الغذائي وما الله كتب لي حمل رحت لها وقالت

اخذي المنشطات للمرة الثانية اخذتها ابي اسالكم هل لها تأثير ومضرة أخذها أكثر من مرة وأدعوا لي أكون

حامل الشهر هذا بولد سليم طبيعي متعافي بار وصالح قولوا آمين

اهي تضر اذا كانت لفتره طويله
الصراحه تتعب الجسم وتستنزف بويضات اكثر من الطبيعي
اذا كنتي طبيعيه مو مافيج شي هم تخافين يكون له رد فعل عكسي
بس انتي قالت لج الدكتوره عندج ضعف تبويض وانتي توج ماخذتهم فان شاءالله ماكو الا العافيه

انا حاشني عوار من وراهم وتعبت وتلخبطت الدوره بعد ماكانت مضبوطه وهديتهم لاعت جبدي

ورحت لمره تعالج بالاعشاب وانصحج فيها من قلبي والله

اذا تبين رقمها دزيلي عالخاص..

والله يرزق كل المسلمات يارب

حبيبتي كثرتهم مو زينه وعلى حسب الدكتوره ونصيحتي خلي ريلج يفحص احسن لان انا خذيت منشطات وتبهدلت واخر شي قالت خلي ريلج يفحص ويوم فحص طلع اهو بعد يبيله علاج ولازم اهو يعالج اول وبعدين انا وضاااااااااااااق خلقي حده عقب هالتعب والنفسيه وتوها تقول خلي ريلج يقحص جان قالت من الاول بس ما ألومها لانها بالحكومه لورايحه خاص ابركلي
مامنهم فايدهدكاتره الحكومه
و لحبوب تتعب نفسيج وعلى طول عوار بالمبايض صج تعب والله يكون بعونج حبيبتي ويرزقج ولد صالح ويرزقنا معاج حبيبتي

انا اعرف مره شغلها نظيف تعطيج ادويه بحدود 30 دينار
تقوية مبايض….انا مجربتها لانها رددت رحمي……حيل شاطره
بس الاطباء ماجربت

مشكورين ما قصرتوا على ردودكم ومفكرة اروح حق مرة تردد وتعالج بالاعشاب اذا ما حملت هذا الشهر وراح ابشركم اذا
حملت وعسى ربي يرزقكم ويرزقني

شوفي اختي بالنسبه لتنشيط المبايض ما لج الا الطبيبه
لا تعتمدين على حريم و خرابيط .. الحريم ما يعرفو الجرعات المناسبه
ما تدرين تكبر البويضه وآخرتها يصير فيج تكيسات
الطبيبه تعرف الجرعه المناسبه
بعدين تشوفها كبرت
بعدين تعطيج ابره تفجيريه عشان تتحرك البويضه ما اتم مكانها و تصير جيس !!
فنصيحه من اخت كبيره .. لا تلعبين بنفسج
و الحريم تعالج بالسنه و الثنتيين ابر ومنشطات … انتي تو الناس

مشكوورة ع الرد يالغلا

وماقصرتي