|
|
السلام عليكم حبايبي
كل عام وانتو بخير و عيدكم مباااارك
بنات ابي رايكم ونصيحتكم
دخول الزوج غرفة الولادة؟؟؟؟؟؟؟؟؟؟؟
في بنات يقولون
لايفضل دخول الزوج..في وحدة دخل زوجها وشاف كل شي و لاعت جبده وطلقها….
في بنات يقولون
يفضل دخول الزوج..في وحده دخل زوجها وشاف التعب والعذاب والمعاناة و تحسنت معاملته معاها
انتوو شنو تجااربكم وشنو تفضلووون
بليييييييييييز تفاعل بليييييييز نقاش بلييييييييييز تجاارب ههههههههه
كل عام وانتو بخير و عيدكم مباااارك
بنات ابي رايكم ونصيحتكم
دخول الزوج غرفة الولادة؟؟؟؟؟؟؟؟؟؟؟
في بنات يقولون
لايفضل دخول الزوج..في وحدة دخل زوجها وشاف كل شي و لاعت جبده وطلقها….
في بنات يقولون
يفضل دخول الزوج..في وحده دخل زوجها وشاف التعب والعذاب والمعاناة و تحسنت معاملته معاها
انتوو شنو تجااربكم وشنو تفضلووون
كل عام وانتو بخير و عيدكم مباااارك
بنات ابي رايكم ونصيحتكم
دخول الزوج غرفة الولادة؟؟؟؟؟؟؟؟؟؟؟
في بنات يقولون
لايفضل دخول الزوج..في وحدة دخل زوجها وشاف كل شي و لاعت جبده وطلقها….
في بنات يقولون
يفضل دخول الزوج..في وحده دخل زوجها وشاف التعب والعذاب والمعاناة و تحسنت معاملته معاها
انتوو شنو تجااربكم وشنو تفضلووون
اولا شرف لي اني اكون اول من رد عليج
انا زوجي دخل معاي غرفه الولاده وبالعكس ما كرهني ولا شي
اهي تعتمد على الزوج
وبعدين لا تعتقدين ان الطاقم الطبي بيخلون الزوج يقعد لين ما يطلع الجنين مثل ما نشوفها بالافلام
لا اهو من يبين الراس الدكتوره تطلب انه الزوج يطلع
وعلى فكره انا اايد الفكره هذي
ومشكوره على الموضووع
معنه رفيجتي دخلته يوقف عند راسها وتقول وايد تغيرت معاملته وانصدم من الي شافه من عوار والم ومعاناة
بس انا اقول مو شرط كافي تعب الحمال مايت على الصراخ والكشة قايمة والبجي والسب>> خليها مشتورة ولي يعافيج
وقت الصجيه وطلعه البيبي يطلع بره شدعوه اصلا فيه حاجز يطلع بره الغرفه هالوقت ماتبين احد
وبس بعدين ينزل الغرفه تحت ينطرج
صراحه كنت متردده بس الدكتور اصر انه يدخل لاني ولدت بره مو بالكويت
قعد عند راسي واول واحد شاف البيبي اهو والحين كله يقولي انه شفته قبلج
وناسه
عسى الله يهون على الكل
يمكن الموضوع ما يوصل للطلاق … ولو اننا سمعنا قصص جذي … بس ماله داعي و لا يناسب مجتمعنا
حلاته الريال ايي لزوجته يلقاها نظيفه و لابسه و مرتاحه مو عرق و كشه و صراخ ..
و الدكتور يطلطل هناك ..
والي ما يقدر الولادة و يقدر تعب الام من غير ما يشوفها هذا حالته صعبه يمكن ما يقدر حتى لما يشوف
و الله يعين كل والده
فيه اللي تلوع جبده و ما يحس وفيه اللي يحس و يتغير انا بنت عمتي جذي دخل معاها ريلها بولادتها الثانيه مو الاولى و حيل قلبه معوره على مرته تقول حس فيني اكثر من الاولي و حتى معاملته متحسنه وتقول كل شوي يسألني واهو متأثر تعبتي صح
انا ريلي الحمدالله ما تلوع جبده كلش و يحن يبي يدخل معاي بس انا مو راضيه لان مو مجربه الولادة من قبل ما ادري شلوون و شنو راح يصير ،،، شوفي اذا ابره ظهر فـ حده عادي لان يكون فيه حاجز واتكونين عادي ماقاعد تتألمين بس راح يحط في باله ان الولادة حيل سهله
واذا كمام ما ادري ما جربت وبعدين اهو يكون واقف عند راسج واعتقد يكون فيه حاجز المفروض ما يشوف شي مكان الولادة بس ان يكون يمج
انا نوعي عادي مو شرط احد معاي بالغرفة لو اكون بروحي احسن لان ماحب احد يشوفني اتألم
.gif "Eh S(10)")
لا لا موشي هالشعور
اصلا اختي ماتتحمل وتنقرف شلون الريال
اللي دايم براسه صورة مرته انثي دلوعه ناعمه
يشوفج وانتي تتمغصين وشكلج حوسه وكل شوي فاتحين ريولج للفحص
ليش بتقولون عشان يحس فيج
لا يبا اللي يحب مرته كافي يشوفها تحس بالطلق قبل لاتدش الغرفه وتولد
كافي يشوف خوفها بعيونها ودمعتها على عينها قبل لا تخليه وتدخل الوضع
هذا غير اذا عاد هلوستي من الكمام وقطيتي كلمه قويه والا قنبله ويييييي مصيبه
اما اذا قيصري وبتاخذين ابرة ظهر يعني بتكونين صاحية ..هذا عادي اصلا وناااسة
انا خالتي بولاداتها ال3 تدخل زوجها معاها وتقول احلى شعووور نقعد نسولف واهوا يمسح على راسها ويهديها على مايطلعون البيبي
وبالعكس ترا كافي نطرة الزوج مسكين برة غرفة العمليات هذي بروحها حرقة اعصاااب وبيحس بزوجته (اذا كان عنده مشاعر) لوول