شرايج بالزواج من وحيد أمه؟؟؟

مرحبا للجميع
ودي تشاركوني باللي في بالكم بخصوص هالموضوع، و ياريت اللي متزوجة وحيد أهله تقولنا عن تجربتها و تسلمون

انا مو وحيد انا المفضل عند امه ينفع؟؟؟؟؟

ما اشجع وحده تاخذ وحيد امه لان ام لولد وحيد واموووووووووووووووووووت عليه الله يعين الي بتاخذه

يعتمد على حسب ام الريال

حوريه حبيبتي

إنتي توك ماتزوجتي وأنا أدعي لك بالزوج الصالح والعاقل بعد

أنا متزوجه سلفي بس للأسف مبدأة (( قال الله ثم الرسول ثم أمي )) سواء بحق ولا بباطل

مع العلم إن زوجي مو وحيد أمه لا عنده أخوان غيرة وبعد مو الجعده بس شتقولين خالتي

لما تزوجت ولدها ما كأن في البيت غيره قطيعه ناشبتني فيه

وأنا الحين بنفصل منه بسبب ظلمه وتدخلات أمه

أفضل مو وحيد أمه ….. إلا ماعنده أم أبرك

مشكورة اختي سارا على الدعوة الحلوة

فعلا انا للحين ما تزوجت بس اشوف البنات حولي و القريبات …

يعني مثل ما قلت يعتمد على ام الريال شلون تعامل ولدها

ممكن يكون وحيد بس الام تعامل ولدها معاملة عادية يعني مو مدلل وايد وما تتدخل في اموره الشخصية مع زوجته !!

و اعرف وحدة من رفيجاتي تطلقت و السبة ام زوجها حتى غرفة النوم تدش تنبش فيها !!! مو صاحية !!

لذلك الواحد ما ينظر الى ان الولد وحيد او غير وحيد …. بل ينظر الى طريقة تربيته و معاملة والدته له

الله يفرج كربتج …. و يهون عليكم اموركم

و يبعد عنكم المشاكل و الانفصال

اعرف وحدة من رفيجاتي تطلقت و السبة ام زوجها حتى غرفة النوم تدش تنبش فيها !!! مو صاحية !!

حوريه …

أخاف آنا رفيجتك ..

لأن خالتي كل تدخل شقتي لما أروح للزواره … ومره دشت على وآنا مع زوجي بغرفتنا ولما

عاتبتها قالت لي هذي شقة ولدي أدخل فيها على كيفي ‍…

مو زوجي دين وسلفي صار جدامه كل شي شقال ( أمي ماسوت شي غلط ) هديت له البيت وقلت

مدام ما لي حرمه في البيت مالي قعده معاك … حاولنا نحل المشكله بأن نطلع بشقه بره بيتهم

أتفاجأ إن عندها سبير لمفتاح شقتنا

ما أقول إلا حسبي الله عليها والله يشغلها بنفسها

ماتفرق عندي اذا كان وحيد امه والا لا …
بس يعتمد اذا الام نسرة والا زينة … لأنها اذا نسرة وتدور المشاكل لو عندها 10 عيال هم بتناشب حريمهم ..
واذا هي زينة وحبوبة معزة جنتها بتصير من معزة ولدها ..

مشكورين على المرور و المشاركة، بالنسبة لي الأفضل انج ما تاخذين وحيد أمه لان مهما كانت ام زينة فأكيد متعلقة فيه وااااااااااااااااااااااااااااااااااااااااااااااااا اااااااااااااااااايد و تبيه يكون مثل ماكان معاها قبل لا يتزوج و هالشي ما يصير الا اذا قصر ويا مرته أو تكون (قصدي الأم) الشريكة الثانية بكل قعدة و طلعة. الا عاد اذا من النوع اللي 24 ساعة رفيجات و طلعات هني ما راح تناشب ولدها ولا مرته

هلا فوز وكل البنات انا خطيبي وحيد امه واللي مطفشني ويخليني اكرهه انه يقول كل شيء لاخته المتزوجه والمشكلة ما تكملين كلمتين وتلاقيها تكمل عنك الكلام اللي قلناه مع بعض الصراحة شيء يبط الجبد امووووت ولا اقدر اقوله شيء ويقول هذي اختي تعرف كل شيء وامه الله يستر منها كله ساكته وتلاقين كلامه فيه امي قالت اذا الله رزقك جيب 8 عيال يكفونك مو هو يقرر لا امه وكل هذا عند اهلي عادي اموت كل يوم قهروالمشكلة بعد اننا بنسكن عندهم يعني لا مفر ولما كون عندنا على طول يتصلون فيه شنو اسوي ولد عمي الله يفرجها ويعدلها .وآآآسفة اذا طولت بس الصراحة ضايق خلقي منه والمشكله كله مااشوفه بالاشهر ياناس هذا عدل.
تحياتي ومشكورين على سعة الخاطر

والله يا بنات انا كانت لي تجربه زواج غير ناجة والسبب الولد الوحيد بس السبب من الأم السبب خواته
وااااي بهدلوني بهدله والسبة الغيره كنا قاعدين عنجهم وما سلمنا ويتحلطمون ليش طالع ويا مرته الفير ورادين الصبح ؟ انتوا شكوووووووووووووووو انا وريلي مستانسين والله كان وايد طيييب وعارف بألاعيبهم وانا مو مقصرة عليه وا] شي يقولونه عني حتى لو بويههي طااااااااااف من أمه أهم شي انه الحوار يصير جدامه ويشوفني اطنش ويشوف سوالفهم الحمدلله والشكر تاليها شيشوا امه علينا الله يسامحهم لما تطلقنا بس ألحين مرتااااااحة وايد وانشالله يرزقني بالزوج الصالح

يعني شلوووون جدي وحيدين امهاتهم راح يعنسوووون خخخخخخخخخخ

بنات الوحده فينا تأخذ واحد عنده اخوان و مو مفتكه هالمرة تأخذ وحيد أمه ,, الله يعين

الله يعينج سارا ديور

والله تكسرين الخاطر
حاولي احد يتدخل بالموضوع

حرااااااااااااااااام تطلقيني

هي صعبه وااااايد لان الام بتكون ظل ولدها والله يعين الزوجه لان بيكون دلوووووع امه يعني
اذا يبي ينام معاج بيسئل امه اول ههههههه