شد الصدر

السلام عليكم ورحمة الله وبركاته..،

صراحه انا ببديها من قاصرها

في بنيه ويانا بالكلية عادية بنت الحلال . بس هالكورس ما شاء اه تبارك الرحمن صدرها حددده مشدووود و يبين انها ما تلبس اندروير (Bra) !!
يعني حتى ادكاتره عيونهم تتطاير عليها !!

انا وااايد تليقفت وسألتها جان تقول مسويته عند عيادة بالكويت و نست اسم ادكتور 😐
انا دريت انها ما تبي تقول ومره تسولف ويا البنات عن العمليات وزل لسانها وقالت انا مسويتها بـ 200 دينار فقط لاغير !!

فـ بنات نوروني .. منو تعرف شي عن هالدكتور ولا وين عيادته ولا اي شي

يزاكم الله خير

شتعوه ولا وحده ردت

للأسف المؤسف ماعرف
وانشالله البنات يفيدونج

حبيبتي هذا الدكتور لاري اسمه عبدالرضا لاري لانه اختي مسكينه صدرها حيل كبير ونازل لي بطنها وعروقها شادين ويعورونها وراحت له واشترت منه ستيان ولبس كامل وعمليتها كلفتها 3000 دينار وانشالله السبت هذا عمليتها والله يشفيها

بس يقولون ان الاحساس بالحلمه تنفقد ؟
ويصير صعب شوي بالرضاعه ؟

مريوم،دلوعه..،
مشكورين عالمرور وعامشاركه

زهرة ربيع..،
مشكوره حبيبتي و الله يقوم اختج باسلامه و تبشرينا بسلامتها

دبدووبه..،
مشكوره عالمعلومة .. حددي مو ناقصه تخرع !!
صراحه ليما شفت البنيه .. انا يالبنيه طات عويناتي
قل اعوذ برب الفلق
بس ما شاء الله شي مو طبيعي …
بس صج ما سألت عن السايد افكتز .. تشكرات ثاني مره

لا لا كويتيه ديري بالج
انا سألت الدكتور اللي قلت بسوي عنده
ولكن هونت لووووووول

قالي اول شي تصير ندبتين تحت الصدر
وتفقدين احساس الحلمه
لان يدخل في الاعصاب
وثاني شي
يصير صعب شوي عليج بالحمل والترضيع
يمكن ماتقدرين ترضعين طبيعي
وثاني شي
راح يرجع يكبر بالحمل
بس مايصير مثل قبل
يعني شي احسن من ولا شي

واااي يمه !!
يزاج الله خير حبيبتي .. حدددي اللي هونت معني حيل كنت متشفقه على السالفه .. ياحبيبي يا ضاناي وانته ترضع نيدو <== خيال واسع

يالله .. شي احسن من ولاشي و الحمدلله على كل حال.. ان شاء الله عقب ما اييب عيال وارضعهم على كيف كيفي اسوي شد <== تهقين بتطري على بالي

هههههههههههههه يا حلوج كويتيه

حبيبتي أنا اعرف جم وحده مشويه شد … وحده منهم تقول صارت كلش ما تحس فيه ولا فيه حليب حق اعيالها!! والحين تتعالج علشان الرضاعه

وفي وحده قالت لي ان دكتورها قال لها ان اي حمل راح يخرب كل يللي سواه الدكتور

يعني شنو الفايده
احسن شي الرياضه تشد عدل وشي طبيعي وحلو

انزين شلون الشد الطبيعي لول :/

احم .. انا عندي شي من هالمشكلة للاسف الشديد

السلام عليكم

حبيباتى بقولكم شى ترى العمليات التجميليه للصدر عواقبها كارثه

الله يكفينا الشر وفالكم السلامه وهى تؤدى

الى المرض الشين وانتم الحمدلله بغناة ربى عن هالسوالف

وبعدين الصدر الكبير شفيه بالعكس يهبل ويزيد من المتعه الجنسيه

وتشبع الياهل من الحليب

واللى تبى تشد صدرها تخلط شبه مطحونه مع ماى دافى وتغسل فيه الصدر

بعد الحمام يوميا فى آخر شطف وتخليه تقريبا خمس دقايق وبعدين تنشفه بالفوطه

وبعدين التمارين الرياضيه للصدر فيها فايده عظيمه

منها تشد الصدر ومنها تزيل الترهلات والشحوم

ويييييبت لكم كم صوره لتمارين الصدر

يزاااكم الله خير و حدكم ما تقصرووون حدددي اللي كنت مندفعه بس والله مالها الا رجالها
والله مادري شقول بس احبكم واايد :$

وام عهود مشكورة على الصور بطبق الحين

بنات والله هالكلام من البنت نفسها .. مسويه عمليه موو شد لا عمليه بصدرهاا روووعه بس اكسرت خاطري تقول ندماانه .. ماتحس فيه بس شكل حلو شلفايده حتى بالمداعبات الزوجيه ماااكو احساس ..

تبين حل طبيعي لاعملية شد ولا غيرة حبيبتي عليك بخلطة القهوة اللي عبارة عن ملعقتين خل تفاح وملعقتين قهوة تركية وعصير ليمونه وحده والله انه نتايجها خيال للصدر حاليا والله يشهد علي كلامي استغنيت عن الbra في البيت طبعا والله يجزاها كل خير الاخت اللي كتبت عن الخلطه واتمني اكون افدتج

بدام قالت 200 دك يعني مسويتها بمصر او ايرن لا يمكن بالكويت