شتنصحوني حق التهاب الثه ؟

اللثه تدمي يا بسبب 1. إلتهاب اللثه: سببه الترسبات الجيرية. الحل : تنظيف عند طبيب الأسنان مع إستخدام غرغره بوصفة الطبيب عادتاً تستخدم مره أو مرتين باليوم لمدة إسبوعين.

أو اللثه تدمي بسبب 2- إستخدام فرشاة يابسة وتفرشين بقوة أو بسرعة وتحوشين لثتج. الحل: بدلي الفرشاة بفرشاة متوسطة النعومه (اليابسة مو زينه على اللثه والناعمه وايد ما تنظف الأسنان بالطريقه المطلوبه) واخذي وقتج وراحتج وانتي تفرشين (حول دقيقتين) وبطريقه دائريه تفرشين فيها سطح الضرس بس وتجنبين اللثه.

نصيحة لج إذا صارلج أكثر من ٦ أشهر مو رايحا تنظيف أسنان روحي. وبالوقت الحالي فرشي شوي شوي وبرقه وبفرشاة متوسطة النعومه (تسمى medium/ soft) بالمعجون إلي عطتج إياه الدكتوره

. وتمضمضي قبل لا تنامين بماي وملح. وتسخدمي خيط الاسنان مره وحده باليوم. قبل لا تنامين

بس أبي أنبهج إن اللثه تحتاج وقت عشان تطيب وتحسن يعني حتى لو سويتي إلي قلتلج عليه راح إتمين تشوفين دم بس لمدة إسبوع إلى إسبوعين بعدين راح تقولين حق الدم وداعاً لأنا لثتج إن شاء الله عقب هالوقت راح تطيب.

هذا لنك إن شاء الله يفيدج https://www.q8yat.net/showthread.php?t=408288

وسلامتج وما تشوفين شر.